التجمع الثامن لأجمل مواليد 👶🌷سبتمبر 9 واكتوبـر 10 🌷👶

غرامي / خلاص هالفتره ارتاحي لا تطلعين ،، واغلب وقتج خلج منسدحه ،، لانه هالفتره لو اجهدتي خوفج تنزل المشيمه ،، وتتبهدلين ،، وحزت ما تطلعين مضطره بس محل او محلين وختاري وانتي قاعده مب لازم توقفين ،،، طلبي كرسي ولا تستحين عادي انا اطلب كرسي لو رحت محلات او حصلت كرسي اجلس اريح وبعدها اكمل مشواري ،، الحامل ما تتحمل الوقفات وطلعات كثيره تتعب بسرعه أجلي طلعاتج لبعدين مثلا كل اسبوع طلعي مرا او مرتين بس اذا مضطره 

طمنتوني الله يريح بالكم
يابنات اللي يعانون من الغثياااان حبيت اقولكم شي فادني وان شاء الله ينفع معاكم العلك المررر مررره يخففف الغثياان بشكل هذاني من صحيت اتعلك كله خايفه يرجعلي الغثياان صار كابووووس حتی زوجي اتصل من الدوام يقولي مافيه هوع هوع اليوم قصده استفرغ لانه يصبح علی انواع الاصووات كني خروف العيد يوم يذبحونه ههههههه التشبيه اليم

جانو / الحمدلله انج تطمنتي ،، الصراحه غريبه وزنج نازل وضعيفه ليش السكر عندج مرتفع ؟؟؟ اللي اعرفه اللي وزنها مرتفع ويزيد بالحمل هذي الأغلب يحوشها السكر ،،، ما سألتي دكتورتج ليش سكرج مرتفع وانتي أصلا وزنج نازل وضعيفه ؟؟؟؟؟  

فديتك صدقتي..،تقريباً خلصت من الاشياء المهمه بهالفترهه وبنوقف الشغل اسبوعين تقريبا عشان السيوله خلصت 😜وان شاء الله برتااااح مع اني كل شوي اتذكر اشياء ناقصتنا ونضطر نطلع للسوق نجيبها

ندوي / والله وحامج هذا ما يتعب الا يذبح ،،، انا الصراحه اعترف أني اخف منج مب جذيه ولو شفتيني ما أتحمل ،، الله يأجرج ويخفف عليج ويرحمج برحمته ،،، انتي اللحين دخلتي الرابع ؟؟؟؟