ابو زوجي ينافخ وطول صوته علي

السلام عليكم 

ابقولكم السالفه  وابي حل 

انا ساكنه مع اهله 
وزوجي مسافر 
المهم الشقة مفروشة سجاد 
والسجاد مقرف انعدم منا 
وحنا نبي نغيره من زمان 
 قررنا نغيره جبنا عامل بدون مايدري ابوه 
وكلمناه وقال جيبوا البلاط وانا اسويه لكم 
رحنا. شرينا البلاط انا وام زوجي 
بس ابوه بكل هذا مايدري
وكلمنا العامل بيجي قال 7 الصباح 
قالت ام زوجي بقوله تمهيد للموضوع عشان مايزعل
وراحت قالت له ان زوجي هو اللي اشترى البلاط وهو اللي كلم العمال
راح امس اتصل على زوجي بس ماادري وش قاله زوجي 
وجلس ساكت كل امس مافتح معنا ولا موضوع 
الصباح قمت 7 قبل شوي على اساس العامل بيجي 
وابو زوجي ماعمره صحى الصباح ابدا مايقوم الا الظهر لانه متقاعد وماعنده شغل
وانا نمت تحت لان الشقة كلها بلاط وفوق بعض الكنب 
تخيلوا من لقيت قدامي لقيت ابو زوجي صاحي بوجهي وانفجر فيني قال وين العمال مين اتفق معهم مافي رجال بالبيت انا ليش ماتقولين لي وانجن علي صراخ 
وانا قعدت اصيح لاني تفاجأت فيه ماتوقعته يقوم على الصبح 
اول مره اتهزأ بهذا الشكل. مقهورة مره  
المشكله هزأني قدام اهل البيت كلهم وكل بناته وعياله اللي صاحي مدارس واللي نايم قام 😭😭😭😭😭😭


الان وش اسوي اطلع الشقة مع انها حوسه واقعد بشقتي ولا اجلس بالمقلط واسكر الباب 
والله اصيح من الصراخ اللي جاني حقير سمع كل البيت انه هزئني 
اخ بس مقهورة وام زوجي تواسيني وتقول عادي ترى هو كذا لاتزعلين ولا تصيحين 

21 تعليق 4,979 مشاهدة

شاركي في النقاش

سجلي الدخول لإضافة تعليق.

التعليقات

16
  1. @ghror_aboha_1

    حصل خير عادي تصير في احسن
    العائيلات بس صدق كيف يقولك عمك بيدخلو العمال بدون رجال في البيت 
    يعني مافهـمت هـو موجود هـو يقابلهـم 
    بس منجد الله لايحطني بموقف كيذا اكره احد يهـزئني قدام احد 🙈
  2. @fyroz2015

    والله لاتزعلي من ردي بس معاه حق رجال جالس في البيت ومتفقين مع العامل ومخلينه اخر من يعلم ليش
    يمكن لو مكلمينه وماخدين اذنه ماصار كل الي صار
    بس تحطوه امام الامر الواقع مو حلوه مرا
  3. @fyod_alsaaadh

    كلام فيروز صح لازم انك تعطيه خبر مو حلوه لكن الحين طيبي خاطر الشايب قوليلهم ماكان ودي ازعجك واقومك من نومك وكنت مستعجله وفرحانه اني بغير الاثاث السموحه ودعي ربج انه يسخره لج 
  4. @fyod_alsaaadh

    فيوض السعاده
    كلام فيروز صح لازم انك تعطيه خبر مو حلوه لكن الحين طيبي خاطر الشايب قوليلهم ماكان ودي ازعجك واقومك من نومك وكنت مستعجله وفرحانه اني بغير الاثاث السموحه ودعي ربج انه يسخره لج 
    Jojo انتي ماتستحي ولاعندك عندك ذوق ودايم ردودج مثل وجهج
  5. @ghyrrrkm

    انتي همشتيه و لاعديتي له حساب اتفقتو ونفذتو بدون حتى رايه جرحتي بهالتصرف رجولته
    احتراما لعمره وسنه الشيبات الي براسه اذا جاء الغداء انزلي بوسي راسه و اعتذري قولي ما كان ودي
    لك بالتعب وانك تجلس مع عمال زوجي كان راح يوقع في الدوام وبيرجع مانبي نزعك و عطيه معها تولت
    عود وصلى الله و بارك

    وخلي الي في القلب في القلب وش بتسوين يعني

تابعي تجارب أخرى من هذا القسم.