رجعت لك ههههه
حبيبتي ملااييييين الفرح
لك من أسمك نصيب بإذن الله
أول شي بذكرك (( إن الله لايغير مابقوم حتي يغيروا مابأنفسهم ))
و (( بل الإنسان على نفسه بصيره * ولو ألقى معاذيره ))
شوفي حبيبتي لازم تغيري نفسك ،، كيف ؟
حافظي ع صلاتك ع وقتها ،، وحافظي ع سننها بالذات المغرب والفجر ،، ولا تتركي الوتر مهما كان ،، ألزمي الإستغفار والأذكار عامة ،، أكثري من الصلاة ع الحبيب المصطفي صل الله عليه وسلم ،، أقرئ سورة الملك يومياً قبل النوم ،، فيك ضيقة أقرئ سورة يوسف ،،
ثاني شي ،، لما تصحي الفجر وبعد الصلاة ع طول غيري لبس النوم ألبسي شي حلو ( لو جسمك حلوو مافي أحلي من البجايم الفاتحة ع الصبح تفتح النفس ،، مشطي شعرك وتعطري ،، وإذا كنت مربربة زي حالاتي ههههه قميص أو جلابية خيفية بسيطة وفاتح ألوانها .
ثاني شي أبدئي معركة الصباح ههههه بس بصوت هاادي جهزي عيالك وفطورهم وبعدين سي السيد .
ودعيهم بالدعاء لهم بالحفظ وبالإبتسامة .
أرجعي لمي حوستهم
ورووقي وأفطري وأسترخي ( عندك جوالك والنت والتي في )
وبعدين ناااااامي لك كم ساعة وقومي ع حوسة الغداءالله يكتب أجورنا .
العصرية سوي لك شاي منعنش وأسترخي شوي
وشوفي وش بااقي عندك شغل ( غسيل ونظافة وكذا )
سوي قهوتك وحلاك ( إذا زوجك يجلس المغرب ف البيت أو في العصر حسب روتينه اليومي صحيه وقهوتك جاهزة وأنت مرتبة ورايقة .
نصيحة لك من قلب ومن تجربة لازم تجلسي مع عيالك لوحدكم بعد خروج زوجك ساعة ع الأقل بدون واجبات وبدون شغل سولفي معاهم وأسمعيهم حتي لو كانو صغار والله يتعودونها وراح يبكون لو فقدوها لا سمح الله
ولدي الصغير بأول متوسط أحياناً يتأخر بالتحفيظ بعد المغرب ويتصل عليه أنتظروني بالقهوة لا تبدئون قبلي !
رغم أنه الولد الصغير والوحيد وأخواته كبار بس خلاص تعود ع جمعتنا وسولفنا
والبنات اللي صاحية هي اللي تجهز القهوة لما أكون تعبانة وإلا مو في البيت لازم يتجمعون المغرب وأحلي وقت بالنسبة لهم صااير ،، حتي اللي كسلان ومزاجه مقلوب يصحي يلاقي قهوة ولمة يتغير مزاجه للأحسن .
وبعدين شوفي واجباتهم وعشاهم ونومهم
ع الساعة 11 خلصتي منهم خلاص ونظفتي بعدهم
شوفي الكوي وتجهيز ملابس بكرة
وبعدها أستعدي لسهرة زوجك وبما أن مزاجه جنسي أهتمي وأقرئي ف هالمجال كثير تعلمي كيف تتفنني في هالناحية !! وفهمك كفاية !! الرجال إذا أنبسط من هالناحية صار مزاجه رايق وتقدري تطلبي منه بأسلوب وغنج ودلال وتسوين اللي نفسك فيه بإذن الله
نهاية الأسبوع خليه يوم لك ولعبالك ويوم له مع أصحابه أو براحته هو !!
أسبوع عند أهلك وأسبوع خرجة أو سوق أو أي شي وأسبوع عند أهله وكذا أستمري إن شاء الله
وبكذا تغيرين جوو وتكسبين صلة رحم وأحتسبيها لله ،،
وأنصحك لا تطالبين بشي ولا تناقشين شي معاه مثل زواجه أو شي ينرفزكم الأثنين !!
أستمري ع روقااانك وتغيراتك شهرين وشوفي كيف راح يتغير
وبعدها أبدئي مارسي سياسة ( دس السم ف العسل ) هههههه كل اللي تبغيه أطلبيه ف وقت روقانه .
نجي لحكاية أنه مايحافظ ع صلاته ( أدعي له بالهداية والصلاح وذكريه بالصلاة وأهميتها ف الوقت اللي نفسيته رايقة ومو أي وقت يناسب للنقاش ف هذا الموضوع بالذات !!
وماعليك منه بينه وبين ربه إن ساء الله يصلحه لنفسه ولك .
أدري طولت بكلامي ولكن والله هذي خلاصة تجربة 24 سنة زواج حبيت أفيدك فيها
الله يصلح لك النية والذرية
الى ربات البيوت
متابعة النقاش، صفحة 10