السلام عليكم ورحمة الله وبركاته:
حبيت أسوي تنبيه في المنتدى للبنات اللي يبغون يشترون فيلا
للأسف فيه شركات تشغيل أموال..اللي يسحبون منك فلوس كاش بعدون يرمونك في الشارع ويقولوا مالك شي عندنا او يتكرمون عليك ويقولا نرجع لك فلوسك أقساط
ومنها مكتب حسن المهدي للعقارات في الرياض
دفعت لهم دفعه أولى 300 ألف ريال..بالنهاية ايش صار...صار مافيه بيت اصلا..والنصابين سحبوا الفلوس مني ولي سنة الأن رافعه قاضية في المحكمة..وكل يوم روحة وجية على الفاضي... لا فلوس ولا بيت
فإنتبهوا...
وأنا كتبت كذا لاني قريت لهم إعلان نازل في جريدة الرياض.....حسبي الله عليهم...الله لا يوفقهم ولا يبارك فيهم دنيا واخره
وترا عندي وثائق وإثباتات لهذا الشي
والله على ما أقول شهيد
شاركي في النقاش
سجلي الدخول لإضافة تعليق.
التعليقات
71- حسبي الله ونعم الوكيل
الله يرجعلك حقك عاجلا ليس اجل - حسبي الله عليهم ... لا ذمه ولا ضمير ... ويضرون سمعة باقي العقاريين ..
مو هذا المهدي اللي كان مالي الشوارع بصوره وقت انتخابات البلديه؟؟ - لا حول و لا قوة إلا بالله
حسبى الله و نعم الوكيل
الله ينتقم من كل نصاب و كل سارق
الله يعوضك و يردلك نقودك كاملة اختى الحبيبة - حسبي الله ونعم الوكيل
اصلا كيف يدفعونك دفعه اولي وانتي ما استلمتي البيت
الدفعه الاولي تدفع مع اول قسط استقطاعي بعد ما يسجل البيت بسمك
انا اشتغل في مكتب عقار واعرف في هذي الامور
لا تسكتين عن حقك
والله ما يضيع حق مظلوم ابدا
والله ينصرك - للأسف من ضمن لشروط دفع 300 الف دفعه أولى كأمانة لدى حسن المهدى حسب العقد الموقع
بحيث يسلمها مكتب حسن المهدي للعقارات لبنك الراجحي...وراح تكون الأقساط على بنك الراجحي..والمهدي وسيط....فأنا رفعت القضية على اساس إخلال بالأمانة لأنهم اخذوا مني السعي تقريبا 13 الف ريال..و لهفوا 300 الف زيادة......حسبي الله نعم الوكيل
والله اني مقهوووورة واللي قاهرني أكثر أنهم الى الان يحطون إعلانات فلل...إنتبهوا
وترا المحكمة مليااااااااااانة دعاوي عليه...
نصيحة اللي يبي يشتري بيت عن طريق مكتب..يسأل عن المكتب في المحكمة أول...عشان يتأكد انه ماله قضايا نصب سابقة
مواضيع مشابهة
تابعي تجارب أخرى من هذا القسم.