تجمع الحوامل والامهات بعد أجرائهن عملية أطفال الانابيب "التجمع21"

متى اشوفك
تسلمين على ردّك الوافي الله يجزاك خير ويتمم لك والمسلمين على خير

ريومه 
انا ناويه هالمره اذا ربي كتب لي الحمل ماراح اعلم احد ابدا حتى امي 
الحين جالسه امهد ليوم السحب قلت لها عندي منظار للرحم وباخلي بنتي عندك في هذاك اليوم
..................
بنات اليوم موعدي مع الدكتور بندر امس اخذت اخر ابره تحضيريه ولحد الان مانزل الدوره ما ادري وش القصه 
اليوم المفروض اسوي اشعه

حنين حمد الله كمل حملى

حبيبتي والله امين ياقلبي
ااااالله يفرح قلبك بإرتفاع النسبه ان شاءالله وعقبال ماتبشرينا بولادتك ياكريم حبيبتي الله يرزقك من واسع فضله 💕💕💕

لا انا كنت اخذه الشهر الاول والثاني بس وقالس الذكتور وقفيه وموقفته انا بس مدري ليش هالدم سبحان الله انا رفعتها بس يجيني الم بالحوض فضيع واضطر انزلها مدري ليش يألمني
الله يتمم لك ياقلبي ويفرح قلبك بالطفل السليم المعافى ان شاءالله

اي مرتاحه الحسن بشكل متعب ضارت جنوبي تعورني من التسدح 😂😂لكن الحمدالله فتره وتعدي اي واللله الحمدالله مابقى شي على الرابع الله يتمم بخير
عندي موعد الاسبوع الجاي مع الدكتور عشان الاشعه الرباعيه يكتشف كل شي حال الاجنه والرحم وسمك الرحم
بس الدكتور يوم نزفت امس رحت له قال لي ليش تسوين ربط عنق الرحم طوله زين ومغلق ووضعه تمام على اي اساس تسوين ربط حرام لو تسوين ربط احتياطي ويجيك زي هالنزف والرحم مربوط لاقدر الله ينفجر الرحم وتخسرين نفسك والله اقنعني بس الاحد الجاي لي موعد مع الدكتور الخاص بعمليات الربط عشان يحدد هو بيسوي لي ولا لا الله يكتب اللي فيه الخير ياررررب ويثبتهم ان شاءالله ..
الله يسعدك يافوفه ويطمن بقلبك 💕🌹

حبيبتي هذا اكيد من الوحم وانا عانيت من معدتي غير الترجيع واكره اكل اي شي والمويه احيان مااحبها هذا ياقلبي ان شاءالله وحم ماله علاقه ان معدتك فيها شي وترا الاكل الصحي يخفف هالالم كلي خضار وفاكهه وورقيات مررررره حلوه لمعدتك وللوحم بعد الله يفرحك ويثبت حملك


انا علمت والله الناس اللي اثق انها محبه لي خالاتي اعتربهم اخواتي هم الوحيدين اللي درا وصديقاتي اللي من الطفوله لانهم يطلعون سوا مع بعض دايم وانا صرت اعتذر فقلت لهم عشان يدعون لي وادري انهم يحبوني وبيخافون علي .. اما عامه الناس واقاربي ماقلت لهم شي ابد وتوكلي على الله واقري الاذكار واستودعيهم كل يوم وربي بيفرجها ان شااءلله ولاتفكرين بالاجهاض نهااااائي 👶👶تخيليهم قدامك وفكري بأشياءايجابيه وسولفي لاي احد عندك انهم بيجون ووش بتسوين ان جو وكذا تخيلي يعني انا كذا 😂😂