شاركي في النقاش

سجلي الدخول لإضافة تعليق.

التعليقات

132
  1. @myson_hanm

    حبيبة مبارك
    استغفر الله العلي العظيم اختي اخاف سوى الحركه هذه ما يبيج تسافرين معاه ؟ يعني مخطط لها ؟؟ شوفي يا حلوة اول ما يجي من السفر تركيه و لا تعبرينه وهجريه بس بدلع يعني خليج كاشخه و متعطره ومتمكيجه بس تمنعي عنه ولا تحاجينه واذا كلمج قولي له …
    الرجال عموما يحبون المرأه الحبوبه المطيعه لكن لا يحبون المرأه الضعيفه فنصيحتي لك ان تقومي اخر الليل وتدعين الله ان يسهل لك ماتفعليه به قبل مجيئه .
  2. @ayman_14

    لا حول ولا قوة الا بالله ...الله يهديه اختي العزيزة
    نصيحة لاتعدي السالفة بسهالة لانه مدت الايد مو سهلة بينج وبينه .تاكدي اختي ان الضرب مرتبط بخلل بالشخصية خصوصا اذا كان يتم جدام الناس وبعدين خير ان شاء الله شنو صار اذا ماعندج فلوس ليش فلوسج غير فلوسه وانتي شكلج ماتشتغلين وبديرة غربة من وين بتيبين اذا اهو ماعطاج وشي ثاني ماعندج ولاعنده فلوس تشغلون اللعبة للبنت مو لازم اينزلها وردوا البيت ليش افتعل الموقف ماادري...وعندي سؤال اختي اهو يدري بظروف اهلج ...يمكن من جذي قلبه بارد ومو خايف من شي
    شوفي اختي انا وحدة من صديقاتي صار معاها هالموقف زوجها يطقها دايما المهم قام واحد من اهلها الحكمين تدخل وهدده بطريقة ذكية ....قاله احنا مانبي المشاكل لو نبي المشاكل ومو شارينيك جان وديناها الشرطة وسجلنا قضية خاف الريال وبطل يطقها بس هذا حبيبتي اسلوب من اساليب الرد ع ويمكن ماتنفع مع كل الرجال وشي ثاني الاساس انه يعرف ان اللي سواه غلط لانج مو كيس ملاكمة يدرب عليه الله يعينج اختي ويفرج همج
  3. الله يهديه يارب ..

    واذا تحسين انه مافي منه فايده في الاصلاح ردي لاهلج قبل الحمال ويكون بينكم مساكين صغار ..
    وقبلها استخيري في كل امرج واتوكلي على الله سبحانه ..

    أو ادعيله بالهداية والصلاح اذا ارتضيتي الصبر ..

    بس حبيت اقولك قصة لوحده اعرفها حرمه سنعة .. من أول ما تزوجت وزوجها يغلط عليها ويسبها واحياناً يضربها في البيت وقدام اهلهم .. حتى لما جوهم العيال ظل على حاله ما تغير وهي في كل ليلة تقوم في جوف الليل وتدعيله بالهداية وما تشتكي لحد وتمني نفسها برضا الله سبحانه .. ومر الزمن وهي على الحال وكبروا العيال وقدام عيونهم امهم تنضرب وتنهان .. لكن رغم هالشي عمرها ما رضت انها تتركه لخوفها من الله وأملها بالجنة واستمرت تدعيله .. المهم لما شبوا العيال وصارت لهم اشغال عاد قالولها يالوالدة كفاية تعب وحرام انج تنهانين زود اطلبي الطلاق ونحن نساندج ..
    وفعلا راحت المحكمة وطلبت الطلاق ساعتها اهلها فرحوا من زمان وهم يبونها تطلق وهي مصره على الصبر وعلى انه باذن الله سبحانه قادر على انه يهديه ..سبحانه الله جته العلوم انه المره طالبه الطلاق .. فكر الريال لنا أكثر من 17 سنة متزوجين وهي صابرة وساكته على كل شي على زينه وشينه بعد هالعمر كله افرط فيها ودرى انها كنز بهالدنيا بالنسبة له .. تراجع وطلب الصلح .. عيالها واهلها قالولها لا .. لا ترضين .. ردت وقالت بشوف عسى ربنا يهديه .. المهم تفاهمت معاه وردت له .. وتعالي شوفيهم الحين وشزينهم حطاها فوق الراس .. وهي تستاهل عسى الله يرزقها الجنة ..
  4. @nfsy_afrh_1

    صاحبة الموضوع
    شكرا علي ردودكم يااخواتي

    اخر شي صار معي رجع زوجي من السفر وحتي سلام ماقالي

    وانا بقيت في غرفتي جالسه

    ومن اشوي سمعته يتكلم علي التلفون مع اخوه بصوت واطي يقوله مرتي جالستلي مثل المجنونه زعلانه

    يعني حتي اهلو عرفهم بالسالفه وهم ماسوي شي غير لما يبغو فلوس اتصلو فيه

    والله قلبي محروق علي شبابي الي ضاع معه

    وللاسف مااقدر ارجع عند اهلي لظرفهم بس قلت لهم وقالولي لما يجي يصير خير

    وطبعا هم بعاد مارح يقدرو يسو شي

تابعي تجارب أخرى من هذا القسم.