من كان عند طفلها صفار وماظهر الا بعد الخروج من المستشفى؟

وعليكم السلام ورحمة الله وبركاته .

غالب الأطفال عندهم الصفار وهذا طبيعي جدا ,, يجلس مع الأطفال لمدة شهر ثم يروح من نفسه لأن الكبد تكون لسى ماتأدي كامل وظائفها وكلما كبر كلما خف .

يكون خفيف في الأيام الأولى ثم يزيد لحتى يوصل لمرحلة معينه .. انتي ساعديها تتعالج منه بسرعه .

في اول الضحى فكي ثيابها ولبسيها شي خفيف بحيث يكون بعض اجزاء الجسم مكشوف ,, مثل الذراعين والفخذين وخليها تتشمس لعشر دقائق او ربع ساعه .. كرري هالشي العصر الساعه 5 .

لازم تتعرض مباشرة للشمس , اشعة الشمس من النوافذ وهي مغلقه ماتنفع مثل اللي عنده زجاج ثلجي .

راح يروح بإذن الله .. واذا جيتي تنوميها نوميها والغرفه منوره فيها اللمبات الطويلة لاتخلي المكان ظلمه او تولعي سهاريه .. هذا برضو يساعد على ابعاد الصفار منهم .

اذا لاحظتي تحسن تمام ,, ماتغير او زاد فورا للمستشفى يقيسو نسبته ويعطوها علاج او يعرضوها لأشعة خاصه بحضانات عندهم .

وعطيها نقطتين فيتامين د كل يوم مفيد جدا جدا .. اذا ماصرفوه لك المستشفى خذيه من الصيدلية سعره ب 8 ريال ..

مادام ان بنتك تنام كويس واذا كانت صاحيه تتحرك طبيعي وشهيتها واخراجها تمام فالحمدلله ماتحتاجي مراجعة الطبيب الا اذا انتي راغبه بهالشي وبراحتك .

بيروح من نفسه ان شاء الله اذا كانت الحبوب حمراء ولها راس ابيض .. هذي من بقايا هرمونات جسمك فيها .

غسلي وجهها بالماء ثم نشفيه , واحرصي على ترويشها بشكل بسيط وسريع خصوصا منطقة الرأس لأن كلها قشر .

اما اذا فقط حمراء وتحسيها تضايقها ممكن حاسيه من نوع قماش او الحليب .

الله يخليها لك ويحفظها من كل شر .

ايه ولدي كان فيه صفار مابين معاه الا بعد ماخرجت من المستشفى وانا خبر خير ماعرف اللي فيه بس كنت مستغربه من لون عينه ماكانت بياض كانت صفرا المهم كان عندي مراجعه انا وولدي بعد خروجي من المستشفى بأربع أيام وقتها الدكتور أول ماشافه عرف انه فيه الصفار وطلب مني أشمسه كل يوم وفعلا كنت كل يوم الصبح اخذه بره الحوش وأشمسه زين وكل يومين كنت أروح المستشفى وياخذون قياس الصفار عنده ..وكان حبيب قلبي يسحبون دمه هم سحبو دمه مرتين أول مره كانت أول ماعرف الدكتور انه عنده صفار وسحبو مره ثانيه بعدها بثلاث اسابيع كمان علشان يشوفو مستوى الصفار في الدم ..بس انا كنت دايما أشمسه والصراحه الشمس فادته كثير ماشاء الله ماكمل الشهر الا والصفار راح منه لاتخافي هو الموضوع تحسين يخوف خصوصا لما يكون أول مره بس تراه عادي انصحك تاخذين بنتك لأخصائي أطفال وشوفي ايش يقولك ...وماتشوف شر ان شاء الله

ضوء و جودي ربي يجزاكم خير

استفدت من نصايحكم الله يسعدكم

ضوء ي قلبي وشلون اعرف اذا يضايقها؟ احس حمرا الحبوب بس ما احسها تقرب يدينها لوجهها او تبكي اكثر من العاده

اتوقع شي طبيعي كل الاطفال كذا 
وعشان تتطمني وديها المستشفى 

ايه عادي الصفار ما يطلع الا بعد كم يوم
عموما انتي الصبح اطلعي بها في الشمس وطلعي يديها ورجليها
والحبوب عادي بعد دهنيها بجلسوليد الاحمر حلو مرة