بنات ردو علي من حقي ازعل والا؟؟؟

بنات انا طولي 156 ووزني 65 ادري ان وزني زايد..لكن ريلي واااايد يركز على مسالة الجسم وكل يوم يقولي سوي رياضه ويحسسني باني دببببه...انا ما اقول ان ريلي مب اوكي معاي لا بالعكس بس هالسالفه واايد متعبتتني:( ..اليوم قالي سوي رياضه انتي وايد واثقه اني ما بخونج ولا بتزوج عليج؟؟! اذا واثقه لا تسوين...والله يا بنات ضيق صدري بهالكلام مع اني كنت ناويه اقوم اسوي عشان ما اكسر بخاطره بس بعد ما سمعني هالكلام ما سويت عناد فيه....ليش يعني لهالدرجه ممكن الواحد يرخص زوجته...؟؟؟؟!!! جاوبوني يا حريم ويا رياييل؟؟!!

18 تعليق 1,754 مشاهدة

شاركي في النقاش

سجلي الدخول لإضافة تعليق.

التعليقات

17
  1. @mnal7966

    ياعزيزتي


    اكيد زوجك ما يحب السمنه وشي حلو ان الزوج ينبه زوجته,,


    يمكن قالها لك اكثر من مرة ,, وشاف ان مافي فايده معاك فقرر ان يقولك الكلام اللي قاله

    لكن!!!! انتبهـــي

    ولاتعاندين..
    ابدي برجيم مناسب وغذاء متوازن

    وووووومتعي نظر زوجك في جسمك الرشيق..



    والله يوفقكم ولا يفرقكم......
  2. @aasoool

    الحق يقال هو يمكن اخطأ بالتعبير وصياغة النصيحة
    بس لاا تعاندينه لان هالشيئ مو من صالحج
    وزنج مو حيل عالي يعني يبيلج 5 كيلو بس
    وان شاء الله سهل نزولهم
    واذا ماتبين تبينن له انه عشانه
    بيني له ان هالشيئ عشان نفسج بالاول
    وعشان تكملين بعين نفسج
    واهم شيئ لاا تهتز ثقتج بنفسج سواء كنتي نحيفه او سمينة مع ان وزنك مايظعك في خانة السمنه صدقيني
  3. @dnya_alaagb

    انتي تكلمي معاه بهدوء
    وقولي ..اذا تبيني اتغير لا تتكلم معي بصيغه الامر او تكرهني في الشي هذا

    وبعدين لاتهددني او تشككني فيك
    لان بالنهايه بتطيح على راسك



    تراني ماتزوجت ولاادري وش السالفه
    يعني لاتاخذين بكلامي
  4. @nowarah121

    كلبيزو
    الله يساعدك إختي هونيها وتهون ...والحمدلله زوجك قالها لك البعض ما يقول شيء لزوجته تلقينه يصدمها بتصرف له مثل يتزوج عليها .. ولما تسأله تلقينه يقول لها إنت وإنت ومن الكلام الفاضي..
    أعتقد إن زوجك خانه التعبير ..لو كان تكلم معاك بإسلوب ألطف كان أحسن له وخصوصا الوزن من المسائل الحساسه عند المرأه وأقل كلمة تجرحها ..
    لكن ماشاء الله وزنك عادي يمكن زياده بسيطه مع شوية تمارين يروح الوزن إن شاء الله ..
    وبعدين هو زوجك ..إذا يريحك التغير علشانه أشوف أفضل لك تسوين رجيم ولا تأخذين الأمور بحساسيه زائده ..ومارسي رياضه بعيد عنه لا يشوفك علشان ما تحسين بإزعاج ..
    والله يسعدك إختي معاه وإن شاء الله تتمتعين بجسم رشيق وجميل ويعمي بصيرته عن كل نساء الدنيا إلا عنك ..

تابعي تجارب أخرى من هذا القسم.