شاركي في النقاش

سجلي الدخول لإضافة تعليق.

التعليقات

1,426

  1. @lyaly_999

    فوفولينا
    الله يسعدكم ايش افضل منطقه للسكن باسطنبول ؟؟ مره محتاره بين السلطان احمد وبين بشكاش ماادري اسمها طبعا ابغى اببببعد عن تقسيم
    عندك شيشلي وعندك منطقه بايزيت ،،شوفي الخريطع حقت الاماكن السياحيه في اسطنبول واح يوضح لك مكانها
    انا باحجز 5 ايام في السلطان احمد و5 ايام في شيشلي ،،بس الى الان ما قررت اي فندق

  2. @3sl_2

    افضل منطقه للسكن السلطان احمد للي يحبون الهدوء والاماكن التاريخيه وتقسيم للي تحب الازعاج والحركه
    وانا شخصيا افضل السلطان احمد

  3. @saaodyh_thok_1

    همومى كثيره
    اخت سعوديه ذوق بالنسبه لى اخر مره رحت تركيا بسبتمبر العام وكنت مطلعه الفيزا من النت .. لحد الحين يطلعونها من المطار بس تعب عليك .. عشان كذا انصحك تطلعينها من النت ومره سهله وماتاخذ منك وقت .. تروحين وترجعين بالسلامه ..
    بأسويها من هنا ان شاء الله ..

    تسلمين على ردك حبيبتي .. هنا وعلى الخاص .. ولك رد بالخاص ان شاء الله اول م اروق ..



    ادري م سألتي :biggrin:

    بس دامك تبين تسكنين في شيشلي .. من بحثي مره حبيت هالفندق ..

    ودي اسكن فيه بس لان ابي اسكن في تقسيم بالضبط ..

    http://www.booking.com/hotel/tr/hilton-istanbul-bomonti-amp-conference-center.ar.html

  4. @mryomh_28

    سعوديهـ ذوق
    بأسويها من هنا ان شاء الله .. تسلمين على ردك حبيبتي .. هنا وعلى الخاص .. ولك رد بالخاص ان شاء الله اول م اروق .. ادري م سألتي :biggrin: بس دامك تبين تسكنين في شيشلي .. من بحثي مره حبيت هالفندق .. ودي اسكن فيه بس لان ابي اسكن في تقسيم…
    في تقسيم سكنت في فندق ديفان Divan
    5 نجوم وموقعه حلوو

    مو بوسط زحمة تقسيم.. صاير على الشارع بينه وبين ساحة تقسيم خط المشاه فقط
    جنبه غراند حياة و انتركونتننتال .. الفندقين حلوين بس من خلال الصور عجبنا ديفان غرفه احلى وأجدد

  5. @mryomh_28

    سعوديهـ ذوق
    مريومة كيف كان جدولك اليومي في اسطنبول .. محتارة لان المناطق كثيرة ووقتي ضيق ( 6 ايام ) .. واهم المتاحف والحدايق لان صعب نلفها كلها بهالفترة البسيطة ..
    انا سافرت 8 ايام 7 لياليي
    وكنا نطلع من الصبح الى الليل وبينهم لازم راحه في كوفي شوب مع كوب شاي تركي او قهوة تركيه مع كنافه وبقلاوه يا سلام
    الا اذا صار عندنا اغراض لازم نرجع الفندق نحطها ونكمل مشوارنا ..
    والتنقل جدا سهل بالمترو ما كنا نشيل هم المشتريات

    اول يوم ركبنا الباص السياحي خذنا فكره عن اسطنبول وباقي اليوم تمشيه واستكشاف تقسيم وشارع الاستقلال بما اني كنت ساكنه هناك ..

    زرت مسجد السلطان احمد ( المسجد الازرق ) و متحف آيا صوفيا الاثنين جنب بعض وما ياخذون وقت

    ومتحف توب كابي ( بالسلطان احمد مشي حوالي ثلث ساعه او بالمترو ) تقريبا استغرقنا حوالي ساعتين فيه وانصحك تاخذين السماعة عشان تعرفين التاريخ

    والمتاحف تفتح من الصبح لغاية الساعة 5 .. ما عدا يوم الاثنين

    مدحوا لي متحف دولما بهجة بس انا اكتفيت باللي ذكرتهم ..

    يوم رحنا بورصه من الصبح لنهاية اليوم .. وكان الحجز عن طريق الفندق 200 ليره للشخص شامل وجبة الغدا

    جواهر مول - استينيا بارك .. وفي رايي استينيا بارك يكفي وزود لانه مجمع كبييييير ومتكامل جميع الماركات فيه

    جزيرة الاميرات ( تستغرق 4 الى 5 ساعات - ساعه رايحين وساعه راجعين وهناك تقضون ساعتين او ثلاث كفايه ) والحجز عن طريق ميناء كاباتاش .. من تقسيم أو السلطان احمد بالمترو إلى محطة كاباتش تنزلون عند الميناء مباشره

    جراند بازار ( من السلطان احمد الى محطة بايزيد ) سوق كبيير وحلو وكل شي فيه من مواعين وملابس واحذية واكسسوارات وغيره

    السوق المصري ( من السلطان احمد الى محطة امينونو ) سوق صغير حلو للبهارات والحلويات

    منطقة اورتاكوي ( محلات و مطاعم على البحر ) المكان مو كبير بس رووعه .. لحقوا على الغروب هناك المنظر جمييييل مع جسر البسفور

    منطقة امينونو عند البحر .. حلو للتمشيه وفيه مطاعم مطله على البحر ..

    وتمشينا في تقسيم بحكم ان سكنا كم يوم فيها بس كثرة الشحاتين مملللللة بصراحه ..

    منطقة شيشلي في طريقنا لجواهر مول تمشينا فيها والكل مدحها لي من ناحية السوق لكن ما اخذت وقتي فيها ..

    وحديقة جولهانه وحده مدحتها لي ولما سألت الفندق عن طريقها نصحني اني ما اروحها لانها حديقة زهور ووقتها ما كان فيها زهور يعني ما تسوى العنوه لكن على حسب الموسم ..

    تقريباً هذي الاماكن اللي رحتها ..

    وعلى فكره السوق المصري و غراند بازار يفتح لغاية الساعه 6 او 7 مو متأكده بالضبط ..
    بس روحي للسوق المصري قبل لانه صغير و اشتري الحلويات والبهارات .. بعدها غراند بازار للمواعين وغيره ولازم لااازم تكاسرون بالسعر وراح تلاحظون فرق الاسعار بين محل والثاني ..

    اللي عندها اطفال انصحها بمحل LC waikiki ملابسه حلوووه وصناعه تركية .. والمحل منتشر بكل مكان ( شارع الاستقلال ، شارع شيشلي ، جواهر مول ، استينيا بارك ، امينونو ) وغيرهم


    باليوم الواحد نروح اماكن كثيره لان نستغل يومنا من الصبااح .. وما كنا نمشي على جدول معين على حسب رغبتنا بصراحه .. مشينا مشي عمرنا ما مشيناه ومن كثر المتعة ما كنا نحس بالتعب المهم حللنا ام السفره هههههه

تابعي تجارب أخرى من هذا القسم.