فزعتكم يا خبيرات المكياج عندي اسئلة ضرووري بليييز ادخلوا الكل

السلام عليكم ورحمة الله وبركاته
كيفكم يا حلويين
بدخل في الموضوع على طول انا جدييدة على المكياج لسا ما اعرف عنو شي
وهدي اول مرة افكر اشتري مكياج كانت اختي الكبيرة الي تسويلي ودحين اتزوجت وصار لازم اعتمد على نفسي 😊<<< حكيت قصة حياتي
المهم حابة اسالكم ايش افضل وارخص الماركات وفين الاقيها في المدينة المنورة
مبدئياً اللي ناوية اشتريه ارواج وقلوسات وكحل وكريم اساس وبلاشر وقلم حواجب بني وايلاينر
نوقف عند الايلاينر هو اهم شي عندي والمشكله ولا مرة جربت اسويه
وانا ابغى هذاك السايل الي يجي على شكل قلم لانو اسهل واحد وابغاه اسسسووود فاحم وسهل للمبتدئين ورخيص وما تنشف العلبه مع الوقت يعني ابغاه يستمر اطول فترة ممكنة لاني ما احطه الا في المناسبات الكبيرة فابغاه يستمر
فاتمنى تقولولي هو بالذات ايش تنصحوني اخذ وفين الاقيه في المدينة المنورة بلييييز ضرروري لاني دي اليومين بروح اشتري فاحتاج نصايحكم بدعيلها الي تفيدني الله يسعدكم وياليت يكون كلامكم عن تجربة حبايبي الله يوفقكم ويحققلكم كل الي تتمنوه
وشكراً مقدماً