تنصحوني اترك وظيفتي واقابل عيالي او استمر

اشكر صاحبة المعرف علی تكرمها علي واعارتي معرفها لكتابة مشكلتي

بنات ابعرض عليكم مشكلتي

انا محتاره في وظيفتي اتركها اولا

اولا هي حكومية لكن مختلطه جدا ولايمكن الفصل بين الجنسين فيها

وانا انسانه اخاف الله لكن مايخلوني بحالي

ثانيا انا عندي اطفال صغار وبحاجتي اكثر من الوظيفه

ثالثا زوجي رفع يده عن المصروف خير شر صرت ادفع كل شي ومايبقی لي شي من الراتب

رابعا راتبي مايبقی منه شي يروح للشغاله والسواق ويادوب يبقی مبلغ قليل يكفيني لاخر الشهر

خامسا زوجي قبل الوظيفة يعطيني مصروف محترم وبعد الوظيفه ولا ريال

تنصحوني اترك الوظيفه او استمر محتاااره قد شعر راسي

52 تعليق 12,236 مشاهدة

شاركي في النقاش

سجلي الدخول لإضافة تعليق.

التعليقات

48
  1. @bnt_mhmd_alsaaod

    من سطورك واضح استعدادك النفسي والجسدي والعقلي لترك الوظيفة وواضح ودك جداا تتركينها

    وإذا كذا فعلا فمو محتاجة شور ورأي صلي استخارة وشوفي وش يتيسر لك

    مع أني من مؤيداات الوظيفة وأتمناها وانتظرهاا على جمر بالذات حكومية ورسمية

    اللي هي ميزة مررة حلوة في وظيفتك بس أحس ماتدبرتي زين ولا سويتي شيء يضمن مستقبلك

    لذلك ماتحسين بفايدتها فلو جربتي تشترين أرض أو شقة أو أي شيء احتمال تتغير نظرتك وتتمسكين فيها

    بيديك وسنونك...
  2. @donat123

    انتي سعوديه اذا ايوه
    ايش هي الوظيفه الحكوميه المختلطه غير الصحه
    واذا كنتي بالصحه اعتقد ان رواتبهم عاليه وطيبه وتقدري تختاري قسم بعيد عن الرجال
    وبهالحاله اقولك انتبهي تفرطين بوظيفتك الحين انتي بنعمه بس بكرا مايندرا وش يصير زوجك مايدوم ع حاله حطي اسوء الاحتمالات
    عشان مايجي يوم تقولي ياليت اني مسكت وظيفتي وعزيت نفسي
    وترى عادي الموظفه الحمدلله تصرف ع نفسها مو لازم يصرف عليك
    اجلسي انتي وزوجك واعتبروا راتبكم واحد وع الاساس هذا قسموا المصاريف بينكم
    مثلا زوجك عليه مؤنة البيت والاطفال والايجار والكهرباء ومصروفه
    وانتي عليك السواق والشغاله ومصروفك
    واللي يبقى من راتبه ومن راتبك تتركونه على جنب للايام السوداء او لسفرياتكم
  3. @asaaayl_6

    من ترك شيئا" لله عوضه الله خيرا" منه
    وانتي اتركيها دام فيها اختلاط وعيالك احق بالوقت وزوجك كمان ماعاد يعتمد عليك ...والله يوفقك ويرزقك من حيث ﻻتحتسبين
  4. @aasyryh_oaftkhr_2

    لا تتركيها و ع طول قدمي علي قرض حتي لو راح نصف الراتب واشتري لك عماره استثمار او شي لمستقبلك

    خليكي صريحه مع زوجك واعرفي ايش لك وايش عليكي

    امك و ابوكي تعطينهم من راتبك كل شهر

    لا تتركيها ،، عيالك بيكبروا وكل واحد يسلك طريق مستقبله ووظيفتك عامل مساعد لك في حياتك ،حققي ذاتك فيها وابدعي وطوري نفسك و عيالك بالدورات وفي النهايه ما يبقي لك الا وظيفتك ...

تابعي تجارب أخرى من هذا القسم.