ولدي ومرحلة المراهقه

مثل ماهو واضح في العنوان ولدي عمره 15 ماشاءالله .وهالعمر حساس بدأت عنده المراهقه .يعني يحب يظهر شخصيته بحيث انه يسيطر على اخوانه اللي أصغر منه.ومن أي شي يعصب ويصارخ سبب لي قلق .احاول أفهمه أن هالشي غلط.يقولي طيب خلاص يمه مابزعلك بس شويات ويرجع نفس قبل.وصرت اخاف عليه من اصحاب السوء.رغم انه الحمدلله مابدر منه شي غلط لاهو ولا أصحابه .لكن الأحتياط واجب.اللي أبيه منكم ياخواتي .اللي عندها اولادها بسن المراهقه شلون تتعامل معاهم وكيف تتقرب منهم بحيث انه مايصير نفور بين الأم وولدها أو حتى بين الأخوان.شاكره لكم تعاونكم

10 تعليق 1,536 مشاهدة

شاركي في النقاش

سجلي الدخول لإضافة تعليق.

التعليقات

10
  1. @mn_alaaalm_alakhr

    كوني اخته وامه خليه يحس بحبج له وحرصج عليه ،، العند مع المراهقين بيخليهم يبتعدون عنج ويدورون الراحه مع الاصدقاء لو كانوا اصدقاء سوء ،، انصحيه دايما بس قوليله شو اهميته في حياتج وكيف تحبينه وكيف تغلينه لا تملين انج تذكرينه انه اهم شي في حياتج ومصلحته من اولوياتج لا تصرخين عليه بس لما يغلط غلطه كبيره كوني حازمه معاه .. وادعي
  2. انا كمان ولدي عمره 13 سنه على بداية المراهقه ومرة متوترة اخاف يبعد عني تراه وحيدي
  3. خليكي كانك صديقته وخليكي امه وخليكي اخته وخليكي اخوه والاهم خليكي ابوه هو يحتاجك بكل هالاشخاص علشان يكون قريب منك وماينحرف لاسمح الله... اعرف وحده ماشاءالله دايم هي وولدها سوا كانهم اصدقاء تقول اجيه فجأه واقوله يلا نتعشى بمطعم انا عازمتك وهي بالسياره تعطيه الفلوس تقول خلاص انت اعزمني وتاخذ رايه بكل شي وتسأله عن كل شي بدون احراج وتوقف بصفه دايم وتنصحه وتعلمه بطريقه حلوه وهمها الوحيد ان صلاتك بالمسجد ياولدي غير كذا ماطلبك شي وماشاءالله الولد تمام الله يحفظ علينا ويهديهم
  4. @asiatic_lily

    الاحتوووواء هو افضل شئ للمراهق


    المراهق بحاجه للحنان كأنه طفل جديد بسبب الحساسيه الي تتتكون في عواطفه وعشان يتجنب الانحراف وغيره ان شاء الله


    الحب والاحتواء هو افضل شئ
    وانا من عندي ان الاب هو افضل صديق للمراهق لاكبر ولدك خاويه
    ياخذه معاه للمسجد واشغاله ويعتمد عليه

تابعي تجارب أخرى من هذا القسم.