حبيبتي اختي الغالية برق الحياة.. ثقي تماما ان لك مكانه عظيمة عندربك سبحانه.والله ثم والله انك من خيروفي خير..بناتك ربماامتحان من الله ليختبرصبرك.أما زوجيك فربما هو تعيس من الداخل ومتالم جدا على وضع بناته وماعنده غيرك يتفشش فيه...اعذرية بالتاكيديمربظروف نفسيةحدالاختناق... أهم شي عيشي ولاتنظرين للخلف ابداواسعدي نفسك وبناتك واحمدي الله على وجودولدك فهو السندالحقيقي ولين يضيع اجرك عبدالله وعاملي زوجك بالحسنى مها كان سيء...ستجدين كل مافعلتية فالدنيا قبل الآخرة ولاتنسين سورة البقرة ومافيهاشي لو أخذتي من أثر أي شخص تشكين أو ترتابين منه... ..تقبلي فائق حبي وتقديري ودعواتي الدائمةلك
جزاكم الله خير انا اخذت مويه وقريت فيها ورشيت البيت فيه تحسن بس مادري مااستمر ومره قريت بمويه وحطيتها عند سجادتي وقلت كل فرض اقراء فيها واسقيها بنياتي لمده خمس ايام اثر زوجي خذها وشرب منها والله يبنات انه صار حبوب وهادي وراح عنه الزعل واستانست ماصدقت قلت غريبه وش السالفه ولما جيت للمويه لقيتها فاضيه وقلت له شربت القرايه كنت قاريه لبناتي سبعه ايام وصارت لك ضحك بس خواتي المشكله اني ماالتزم مدري ليه شي يشغلني حتى خادمتي علمتها الرقيه على بناتي اذا تشنجو وانا مو موجوده لانها مسلمه وبناتي دايم ارقيهم انا امنت بالله هاذا مكتوب لي ولازم ارضى بماعطاني ربي وبناتي مرضهم مو واضح يجيهم لما يكون عمرهم ست سنوات جبت مربيه فلبينيه وصارت تضربهم ووديتها للمكتب وحرمت اجيب خادمه لهم انا اقوم برعايتهم والخادمه للبيت
شكرا اختي اواخر الشتاء كلماتك بلسم على قلبي زوجي مدلعته ومخليته زي البيبي لحد اعطيه الحاجه قبل مايتكلم اشوف اعيونه وش يبي واعطيه من محبتي له وهو ماينكر وهومن حسرته على عيونه ونظره وماساته على امه واخوه وبناته عكس المه علي بس انا لست حجر لاتحمل كل تلك انا من لحم ودم لما اشوف حريم خواني وخواتي وبنات عمي مبسوطات يطلعن ويسهرون ويتجمعون وانا مقدر لما اطلع التلفونات شغاله وزوجي تعالي بسرعه بنتك تصيح بسرعه دواء بناتك الشغاله قبصت بنتك بسرعه فاختصرت وجلست بالبيت لانهم بناتي يتالمون ويبكون لما اطلع واقعد ابكي معهم وارمي عباتي اقترحت لزوجي يشتري مزرعه ونكون نغير جو جميعا فيها وكان احلى اقتراح شرينا بس تعالو شوفو المعانات لما اروح للمزرعه وكيف انقل بناتي والاغراض وتغير الجو بس متعه حقيقيه للجميع حتى لزوجي رغم مكان المزرعه قرب والدتي فلما اروح احط بناتي وابوهم واروح لمي واقوم بخدمتها وتنظيف بيتها والطبخ لها مااطلع الا تدعي لي ولبناتي بس هاذا فضل من ربي لاكن معاملت زوجي خلال الاسبوع لاتحتمل وهي المزرعه منفس لي وله