{ تباشير 7 } قطعة سكر جعلت حياتي احلا ... { مواليد : مارس - ابريل }

نحمدالله ^^

التجمع ال هااادي -_-

الحمدلله والشكر وربي يرزق كل وحدة ولادة سهلة

والله حبيبتي انا الي حفزني بفضل الله مشيت و ركضت عالخفيف والتمر وشرب زنجبيل وفلفل اسود وقرفة سوى كلة بالتتابع

حبيبتي بزيت الزيتون


انصحج زودي اكل تمر ومشي سريع وحتى لو تمثلين الركض بالبيت كانة مكانك راوح وشربي فلفل اسود وزنجبيل مع حليب ربي يسهلج

طمنينا عنج لوفلي غيرل وينج

اقولكم اكشنني بالليل الساععة2 ونص نايمة وجلست ع كمية موية نازله والم يروح ويجي ماطول ورجعت بعدها نمت جلست الفجر تروشت وصليت ورجعت بنام ويجيني تحجر والم يشد ويفك وشكيت انو طلق واقول بخاطري لا مابي ابي اذاكر للاختبار واختبر وماكان منتظم يروح ويرجع لين الظهر مانزل شي علي بس صليت الظهر وبعدها بدا ينتظم كل ربع ساعه ويطول ويرجع وقت اللي دخلت هنا وكتبت عندي الام خايفه لاتكون طلق العصر انتظم طبعاً كنت وحدي بشقتي مع عيالي وكلمتني امي بس ماقلتها اني احس بشي وجا زوجي العصر وشافني قلته اليوم تعبانة من جلست خلاص عالعصر انتظم صار تقريباً كل عشر دقايق نزلت شوية افرازات بنية 
والالم اكتم نفسي اشم وردة واطفي شمعه وتحملته اتلوى بمكاني بس قلت مب اروح المستشفى بدري بصبر وجات الساعه 9 وعلبها خلاص ماقدرت اتحمممل وصلت حدي الالم متقارب قلت لزوجي يوديني ورحنا وطبعاً الطريق مسافه نص ساعه امستشفى عني وغير الزحمة والتحويلات الطريق حسيته سنة يوم قربت بدت ترشرش مطر دعيت ربي قلت ياااارب ماوصل المستشفى الا اولد ع طول مابي اطول عندهم وصلت الطوارئ واخذوني لكشك الولاده ماكان فيه غيري ووحدة بس تسوي تخطيط ارتحت عن صراخ الحريم وغبره ركبوا التخطيط وجات الدكتورة تكشف وكشفت قالت اربعه سانتي واتحطم وهب تكشف انكبت كل الموية بيدها وع طول حمى الطلق ورا بعض ماكنت اقدر اخذ نفس وجاوا بيركبون ابرة المغذي واحس بحراره وتنمل بجسمي واصرخ فيهم واحس بدف اقولهم احس بدف احس بشي بيطلع وجاوا شافوا الراس نازل خلاص بولد وودني لغرفه الولاده وبسرعه بسرعه جهزوا عدتهم وفكوا السرير وانا اصرخ من الاام ماكنت بوعيي احس مادري شلون دفيت يمكن اربع مرات والخامسة طلع ولددي واه حمدالله خف الالم وطلعت المشيمة وجا وقت الخياط وعذاب ثاني بس احس خياطتهم اي كلام وبسرعه خلصت 
وخلوني ملاحظة ساعتين وطلعوني التنويم ولدت الساعه 11 حمددالله الف حمدالله الله يرزق كل محرووووم 
اطول طلق ظل معاي بس حمدالله عدت ظليت اطلق من ثنتيين ونص بالليل ل11 اللبل قريب يوم كامل بس اول مرة اصبر عالالم هع بعيالي تضيع طاقتي بالصراخ 

وبس خلصت 😄😄