. السلام عليكم ورحمة الله وبركاته
مثل ماكتبت في العنوان اخيرا أمي قررت تفرج عن غرفتها وبالقوة والله وبنقاش حاد
عاد هذي الغرفه لها أكثر من 10 سنين هههههههههههه وامي من النوع اللي يحافظ عليها
ماشاء الله لو تشوفونها تقولون شبه جديده مافيها الا اثار بسيطه من النقل والحط وحنا كل بيت ندخله نغير غرفنا والاثاث الباقي الا هي متمسكه فيها الزبده القديمه لونها اسود مع شوي تموج عودي
وش نحط اول شي لون جدران ناعم ابي واحد ورق والثاني الوان بس مدري
وش اللون اللي بيناسب غرفه امي وابوي ووش بعد لون الغرفه المناسب لهم ودلوني ع محلات تبيع
غرف نوم نااااعمه امي نعووومه مررره وذوقها نااعم عكسي انا ههههههههههههههههههه
تكفون ساعدوني تراى السالفه كلها بوجههي اخاف اخبص في الالوان
واجيب العيد وتندم امي عالساعه اللي خلتنا ننفض الغرفه فيها
<<< بتقولون خليها تنزل بنفسها تختار اكيد بتنزل تختار بنفسها بس
ابي سوق يوفر لها اللي ع ذوقها عشان ماتتعب من كثر الفرررر
شاركي في النقاش
سجلي الدخول لإضافة تعليق.
التعليقات
7- خلي غرفتها ابيض او سكري والجدران كمان كذا
وحطي جدر واحد خلف السرير ورق تكون نقشته نااااااعمه مو واضحه وتكون سكري ع ذهبي - بعدين تحط قماش الستارة سكري والشيفون حقها او الدانتيل افضل تفصل اربع الوان
مثﻻ احمر تفاحي بنفسجي عودي
وتشتري اربع مفارش بنفس هذي الالوان بتحفها البسيطة
ويصير كل جمعه تحط غرفتها بلون الستارة والمفرش والتحف وترفع الباقي - تعجبني هذي الحركة ومسويتها في غرفتي احس كل اسبوع غرفتي تتجدد واﻻثاث الاساسي يركب عليه اي لون
ومو ﻻزم كلها تشترونها سوا عشان التكلفة خلوا كل شهر اشتروا مقاضي لون - وﻻ تنسين اﻻضاءة تكووون راااايقة وفخمة والمفرش انا شارية من هوم سنتر البطانية اللي تتلبس عشان تقل علي التكلفة وﻻ تزاحمني المفارش والمفارش عادي خذي لون ساده مع ابيض المهم نسقي مو المفرش كامل احمر بيجي بايخ
دخلي عليه ابيض وسوي لها ركن كرسي مريح من هوم سنتر ع طاولة صغيرة اذا هي تحب تقرأ كتب او تشرب كوب قهوة بالحليب لوحدها انا الحين جالسة اجمع لذا الركن عشان اسويه
والموكيت انا حاطة سكري - يسعدك ربي مشكوره ماقصرتي وفكرة الركن حلوه بس ماتصلح لأمي
لانها مو راعية هالشغلات بس جبتي لي فكره استبدلها بركن لمكينتها هي تحب
تخيط في غرفتها ..
مواضيع مشابهة
تابعي تجارب أخرى من هذا القسم.