المنطقه الحساسه دمااااااااار ابغا مساعده

لان اشياء طبيعيه مَفعوله جداً بطيء

ياحبيبتي شيلي الشعر بحلاوه المنطقه اللي فوق والمنطقه اللي تحت بشفره وحطي رتن اي جل مو الكريم لا الجل وبكذا يتقشر الجلد الغامق واستخدمي بعد التقشير سودو كريم مده اسبوع او عشر ايام لحد مايطلع لك الجلد الجديد اللي لونك الاصلي وبعدها استخدمي خلطات او زيوت طبيعيه عشان تحافظين على اللون ونشفي المنطقه زين عشان الرطوب سبب الاسمرار وبس 

اسمعي طريقتي ونفذيها بدقه وبتبيض عندتس منطقتس أن شا الله .  انا كان فيني سواد مو بس سواد إلا تقولين كأنها فحم . المهم قريت موضوع وحده اسمها حلا . هقوتي موضوع عنوانها تسذا - تفتيح المنطقه الحساسه مع حلا - الله يجزيها الجنه . المهم نفذت كلامها وبديت في التقشير أولا شلت الشعر بالموس.  انا عن نفسي مااعرف أتعامل إلا بالموس . المهم اذا شلتي الشعر اليوم اللي بعده قبل لاتنامين ابدي باالتقشير نظفي المنطقه الحساسه باسكينول بعدها حطي حطي من مقشر جل رتن اي. مو الكريم لا الجل ثمن نامي واذا صحيتي عادي اغسلي بالمويه تروشي عادي بس أهم شي لا يصيبها صابون ولا تحفين المنطقه وقت التقشير . ثمن لجا اليوم الثاني لجا وقت النوم نظفي باسكنول ثمن حطي من الجل وهكذا لمدة أربع أيام . لجا اليوم الرابع سوي مثل الطريقه لكن قبل لا تنامين حطي كريم حساسيه أفضل شي كريم اليكا ام ثمن حطي بعدها من الجل ونامي بعدين اليوم الخامس انتبهي لا تحطين من الجل لانتس راح تحرقين نفستس . وإذا لاحظتي المنطقه تقشرت عندس حاولي تسحبين الجلد المتقشر وانتبهي وقت التقشير لا تحكين ولا تحفين ولا شي عشان ماينقلب المكان اسود . المهم لخلصتي من الأربع أيام استمري على كريم الحساسيه كريم اليكا ام  فقط من دون الجل عشان يطيب المكان لمدة أسبوع . ثمن حطي على  المكان خلطة اللي هي . الدوكين فورت واخلطيه مع الافوكين مع نصف من كريم اليكا ام. ثمن اخلطيه وحطيه بالثلاجه وقبل لا تنامين حطي منه لمدة شهر ثمن ارجعي على التقشير وسوي مثل كلامي اللي قلته من الأول لما تحسين أن المنطقه خلاص بيضت وماتحتاج خلاص وقفي وطبعا . انا سويت مثل تسذا والحمد لله بعد الظلام اللي فيها صارت بيضا وطبعا كل ماحسيت انها بدت تسمر اسوي مثل هالطريقه والحمد لله وحاليا انا مو محتاجه اي خلطات بس ارطبها عشان ماترجع سوداء مثل قبل . ونا دايم ارطبها بهالخلطه اللي هي جلسرين العلبه الوسط +2 ملعقه نشا +عصير ليمون + شوية بودرة جونسون + ملعقه من زيت جنين  القمح . ودايم ارطبها بعد مااتروش وكل ما اشوفها تحتاج ترطيب احط و قبل لنام احط والخلطه ذي ماشيه عليها وماراح اتركها لانها طبيعيه  واذا جيت اتشطف اتشطف بملح مع مويه حاره يحملها الجسم . وأي استفسار انا حاضره واتمنى انتس تنفذين مثل كلامي ولا تزودين المده ع كيفتس خاصه التقشير لاتحرقين نفستس وانتبهي وان شا الله تبشر يني بالنتائج . 

ايه صح نسيت حاجه حاليا المنطقه عندي بيضا و استخدم خلطة الترطيب اللي كتبتها لتس فوق و مرتين بالأسبوع اسوي لها صنفرة بكريم كاب  . لازم أعتني بها عشان مايرجع السواد . بس انتي سوي الخطوات الأولى عشان تتخلصين من السواد . وبعدها أعتني فيها بالترطيب والصنفره . الحمد لله اني لحقت على عمري قبل لا يجيني عريس . المشكله أكثر البنات تجي تشتكي من السواد في هالمنطقه لقرب على عرسها شهر شهرين ثلاث وهذا خطأ . السواد يبيله وقت على مايروح خاصة السواد القديم المستعصي مثل اللي فيني سواد ظلام كانه فحم قمت اصرخ من الفرحه يوم صارت بيضا واستمريت على هالنظام لمدة تقريبا اربع او خمس شهور وصارت بيضا ومازلت اعتني فيها وكل بنت تختلف عن بشرت الثانيه . ولازم الوحده تصبر مو تشتغل بهالخلطات شهر وتبطل وتقول ماشفت نتيجه .