{ تباشير 8 } قطعة سكر جعلت حياتي احلا ... { مواليد : مارس - ابريل }

السلام عليكم ورحمه الله وبركاته
صباح الخير للغاليات والف مبروك ياوسن 🎉🎊🎈🎈
وجميع من ولد معانا.. والله يسهل ولادتك ياضابط قلبي مانسيتك ابدا من الدعاء..

ببدأ اكشني
في البدايه احب اوضح اني ماني بكريه عندي بنت وولد وكانت ولاداتهم في مستشفى الدكتور سليمان فقيه واخذت ابره الظهر فيهم الاثنين.. طبعا اهلي كانوا ساكنين هناك وكنت اروح لهم ولاده لكن بعد ما سافروا الرياض وبنتي دخلت المدرسه قلت بولد في المدينه اللي انا فيها..
يوم الخميس الماضي رحت مستشفى خاص ودخلت عند دكتوره يمنيه كشفت عليه وشكلها سوت تحريض وقالت ماشاء الله 3 سم.. طبعا هنا انا مره فرحت قلت بكره الجمعه بولد ..
ووصتني اخذ عسل وخروع وتمر والمشي والجماع.. طول الليل الخميس ينزل مني افرازات فيها دم ومعها مغص خفيف .. ويوم جاء الجمعه الصباح رحت المستشفى العسكري 😑قالوا مفتوح 3 سم بس مافيه طلق منتظم ارجعي البيت ولا احنا شايفين دم كمان.. هنا انا رجعت 😧 وقلت خلاص بعد العصر بروح للدكتوره اللي بالخاص واقولها تولدني بطلق صناعي.. وارجع البيت وامشي واشرب تمر ويانسون واخذت عسل وادهن بزيت زيتون واشرب فنجان قهوه .. واذن العصر ورحت لها .. واول ما شافتني قالت لي" ماذا بك يا مره" كلامها 😆😆 واقولها ولديني قالت كيف؟!👀 بلت تعبانه وطفشت وماجاني طلق
قامت عليه وعلى زوجي قالت شيل مرتك وخلها تجري والحقها بالسياره.. وطلق ربي مافي مثله .. طبعا انا خرجت 😭😡زعلانه ومعصبه وحلفت يمين ماعاد اروح المستشفى..
جاء السبت ونفس الشي قمت مشيت 20 دقيقه عالسير ثم سويت القرفصاء وشربت زيت مع حبه البركه مطحونه وبعدها جماع وحمام دافي عالعصر.. هنا بديت احس بمغص وثقل تحت ولا اقدر اجلس ولا جاء ببالي انه طلق بس التحجر كان بزيااااده .. 11 الليل اخذت مكسرات مع زوجي<< الاخت لساعها منتفخه زعل ومكسوفه من المستشفيين قالوا مافي دم ولا مويه لا نشوفك..
المهم 12 الليل بديت احس بمغص بظهري وبطني ولا قدرت انام واقول داخلي طلق كاذب واروح الحمام القى افرازات فيها شوي بني ولها اصلا 3 ايام بس هذي جات بعد المغص هذا..
بعدها الساعه 3 بدأ مغص نطيت من السرير واقول يوووه ايش هذا واروح اشيك من تحت الله يكرمكم ناشفه لادم ولا مويه قلت باقي طلق كاذب..
قبل الفجر بساعه بدأ شكله الالم كل نص ساعه وانا😬 اقول طلق كاذب ..
تخيلوا لدرجه الغباء اللي انا فيه.. قلت بشوف الساعه والله يابنات 6:26 بدأت طلقه بعدها 6:27 طلقه ثانيه وانا تخيلوا انط واجلس على ركبي ورميت اللي بيدي واقول ايش هذا الالم😭😭
قال زوجي يابنت انتي مره تعبانه قلت طلق كاذب 😁 وربي يابنات اني ادور والطلق يشتد حامي حامي ويوم خرج زوجي اتصلت عليه قلت ارجع لو قالوا لي طلق كاذب بقتل نفسي😞
رجع زوجي ورحت العسكري وانا اتلوى قطعت المقعده حقت السياره من كثر ماخدشتها.. على طول دخلوني قالت الممرضه فيه دفع قلت مدري شافت شكلذ وانا ابكي ابكي ابكي ودموعي وعالصامت .. لساتني اقول لا تكسفني وبس فتحت رجولي رشت المويه تخيلوا مفتوح الرحم 9 سانتي والبيبي يدف.. ويصرخون الممرضات وشالوني غرفه الولاده ويقولون مافي دفي مدام استني .. وهم يلبسون
ويوم رفعوا رجولي قالوا دفي وادف وانا ابكي وادف بس اطلع صوت بعدين علموني طريقه الدف الصح لاني كنت ادف واذا قرب الراس رجع دخل جوا فمسكوا بطني ورفعوا راسي وقالوا سوذ زي براز الله يكرمكم.. وبعد كم دفه طلع حبيبي وقلبي.. وانا اقول الحمدلله خلاص خلاص الحمدلله..
وهذي تجربتياللي والده من قبل بابره الظهر لا تسوي مثل غلطتي.. او البكريات بغيت اولد في البيت ...
والحمدلله حتى يبلغ الحمد منتهاه

بنات لا اوصيكم وياضابط قلبي اشربوا فنجان قهوه زيت زيتون وحطي معاه شويه حبه البركه مطحونه.. بس انتبهوا لا تاكلين قبلها شي حتى لا ترجعون 😷
وادهنوا كمان من جوا وبطنك
وخذوا عسل وتمر ويانسون محلى بعسل عسى الله يفرج عنكم يارب اجمعين

بنات اللي ولدوا ايش حليب اطفالكم هنا قالوا لي رضعيه طبيعي ما بننصحك ولا بنوع .. وهم عارفين انه صعب بس طبيعي 😩

ولدي طلع زي الفراشه الصغيره ياقلبي عليه.. ومن نحفه جلده ناشف

بنات انا عندي الام من ساعة تقريبا في ضهري وبطني وعضمة العانة ممكن يكون طلق؟ مثل الام الدورة تقريبا