كيف تشغلين وقتك؟؟؟
والله أنا قليل يصير معاي وقت فراغ .. دائما أحس أني ممكن أسوي شي ، واعتقد أن الواحد لو فكر بيلاقي وايد أشياء ممكن يسويها ويستمتع فيها بعد
بالنسبة لي فأنا هوايتي الأولى هي القرااااءءءءة ، وهذا خلاني كثير أزرع في بناتي حب هالهواية لدرجة أني خصصت لهم مكتبة في البيت بجانب مكتبتي وأحلى الاوقات اللي أقضيها معاهم بشكل يومي في قراءة قصة ،، ومن شدة حبي للقراءة قررت افتتح مكتبة مخصصة للأطفال وبعد أسبوع بإذن الواحد الأحد بوقع عقد لإنشاء مكتبة مخصصة للأطفال ، وأكيد بنشغل فيها أكثر وأكثر وبتتحول الهواية إلى عمل بس عمل ممتع طبعا ،، أدعوووولي :)
وطبعا القراءة الحين صارت مب بس من الكتب ، الإنترنت فيها كل شي ممكن الواحد يقرأ فيه ، وغير القراءة أحب أتابع البرامج الثقافية عن الطبيعة وعن ثقافات الشعوب .
وإذا في وقت قراغ اقرأ قرآن وأردد أدعية وأذكار لان بيجي يوم بنتحاسب على الوقت اللي قضيناه .
ومن الأشياء اللي أمارسها في وقت فراغي بعد : رياضة المشي ، الاتصال أو زيارة الأقارب والأهل .
وعن المواقع ، فهي كثيرة وتختلف حسب حاجتي ، ومن المواقع اللي أتردد عليها هالأيام بكثرة :
http://quran.muslim-web.com/
موقع يساعدك على التجويد وحفظ القرآن
http://nlpnote.com/
البرمجة اللغوية العصبية
ومواقع إخبارية كثيرة ، ومنها :
http://elaph.com/
http://www.asharqalawsat.com/
ورشـة عمــل "الفبـاء الزواج: العسل الحلـو المـر". حيــا الله الجميـــع :-)
متابعة النقاش، صفحة 61