عيني بعينك ليش تحطمين البنات؟؟؟

السلام عليكم ورحمة الله وبركاته

صراحه يابنات أنا إنسانه أكره السلبية في كل شئ أكره التشاؤم أكره حركات إن ماعندنا رومانسية بس برا بلادنا موجوده!

يستهبلون أصحاب هالتفكير !! الدين كامل وواضح ياعيوني شوفي كيف الدقة والوضوح في أحكام الدين بخصوص الزوجين
البعض يطير بالعجه مع رومانسية الغرب التمثيلية
وينسى أن حنا عندنا أعظم سيرة على وجه اﻷرض سيرة الرسول صلى الله عليه وسلم

شوفوا تعامل الرسول صلى الله عليه وسلم مع زوجاته
ليش بعض الحريم تحطم البنات أن مافيه حب ومافيه رومانسية وأن الزواج بس كرف وعيال!!
ليش مفهوم الزواج أنقلب بسبب مسلسلات هابطه

والله يابنات توكلي على الله سبحانه ثم أفعلي اﻷسباب السماوية بإذن الله أن يطير بك زوجك بإذن الله

ﻷن التوفيق من الله سبحانه وترا عندنا رومانسية بإذن الله بلاش كذب وتحطيم للبنوتات
ﻷن البنات يبون يعفون نفسهم عن الحرام وصدقوني لوكانت نيتكم كويسه بإذن الله ربي سبحانه بيرزقكم بأشياء تتفأجون منها

ﻷن الله سبحانه قادر على كل شئ .

22 تعليق 3,340 مشاهدة

شاركي في النقاش

سجلي الدخول لإضافة تعليق.

التعليقات

20
  1. @classic_dream

    مين قال لك ان الغرب رومنسيين ؟ انا عشت مع اهلي فترة طويله ب امريكا
    غالبا مشاكل وتعنيف وخيانات وانفصال والأطفال يتشتتوا
    حتى صار شيء عادي عندهم تعودوا هالمشاكل بمجتمعهم صحيح فيه رومانسيين سعيدين اكيد بس والله نسبة قليلة
    الاعلام يلعب دور كبير جدا حتى هم يقولوا أفلامنا غالبا ما تمثل واقعنا ويتمسخروا على هالشيء
    لكن صراحه انا اشوف شعبنا شعب نكدي ويحب النكد يحب يتحلطم 24 ساعة حتى لو حياته حلوه لازم يعيش دور المظلوم ويبالغ
  2. اللي يكذبون ويقولون احنا مو مرتاحات وفينا وفينا هذول ربي بيبلاهم صدق وتنقلب حياتهم تعاسه قلنا العين حق بس مو لدرجة توصل للمذب عشان نخاف الواحد يتوكل ع الله 
  3. @bloz

    ترى اغلبهم يكذب وينكر ويجحد خوفا من العين


    وتلاقين حياتها احلا حياة وزوجها يطير فيها
  4. @tala_68

    صحيح والله
    ماننكر ان فيه منغصات احيان تكدر الخاطر
    لكن شي طبيعي والحياة طبعها كذا يوم فوق ويوم تحت

    لكن والله في كل ردودي كنت اقول للبنات العكس الزواج شراكة جميله وحياة فيها من الود الكثير
    وعلاقة تقتصر على طرفين محد يشاركهم الموده ولاحد يقدر يتدخل في علاقتهم لان فيها قدسيه

    يااارب ياكريم يهني كل متزوجة ويسعدها ويرزق كل بنوته بفارس احلامها اللي يهنيها ويسعدها

تابعي تجارب أخرى من هذا القسم.