اهلين يا بنات كيفكم
قريت كل الردود بس نسيت اسوي اقتباس
عن النفاس حنا نتكلف مرا مرا مرا بصراحه ميزانيه و تعب فوق انك شايله هم الولاده
واغراضك و اغراض المولود
ولادتي لها تسع شهور و اخذت برواز كبير مرا متر ونص بمترين وله قاعده كان فيها صور الثيم
و اسم المولود وزينتها بورد هذا حق الباب من برا
وداخل طاوله كبيره وراها بنر نفس الثيم وثلاث بوكيهات ورد وعلى الطاوله انواع الحلا و المالح
مني سلطات ومني ورق عنب ومني تورتيلا ومقالي و معجنات ويمكن خمس انواع حلا
وستاند كبير فيه زي البرواز فيه نفس الثيم و حطيت عليها التوزيعات
وطبعا المويا نزينها نفس الستايل
الي قاهرني على كل هالتكلفه استخدمتهم يوم واحد بالمستشفى و هالحين مضيقين علي البيت
قلت ل امي ودي اغير الثيم بس و اصبغهم كانو ابيض اخليهم لون رمادي مثلا او فضي او ذهبي
تقول لا مالها داعي توك ولاده ومستخدمتهم
يا زين البساطه بس و الله يعين على التكلف للولاده
و الي تسال زوجها يدخل معها السونار و الولاده عادي جدا للمكانين لو انتي حابه
لكن انا ما حبيت وجوده وقت ولادتي فيني طلق ودي اخذ راحتي وهو واقف عند راسي
ابي اعبر بوجهي اي شي ما اخذت راحتي
التـ10ـجمع العاشر لاجمل كتاكيت سبتمبر 9 وأكتوبر10
متابعة النقاش، صفحة 228