حتى الشرع انعكست احكامه !!(شغل البيت)

كلامك ميه ميه وفي مره سمعت شيخ يقول شغل البيت مو واجب علي الحرمه وبالمقابل الزوج مو اجب عليه يعطيها مصروف خلاص اكلها ولبسها موجود خلاااااااص ومو واجب عليه يطلعها ويمشيها وكل هالشغلات يعني كل شي مقابل شي زي ماهو يعطيكمصروف ويمشيك وييقضي مشاويرك انتي بعد لا تقصرين معاه والدنيا اخذ وعطا

المضحك انه أغلب من يتزوج عليها زوجها هي اللي تكرف ليل نهار






كوميديا

حبيبتي لهومه كيفك ياعسل والله ياقلبي انا ودي يعفيني من كل شي فراش وطبخ ونفخ ومطارد بزران وبكون شاكره له ومقدره من كل قلبي كني مصختها صح ؟؟؟ هههههههههههه الحين بتجي وحده مدرعمه اجل وشوله متزوجك هاه دامك ماتبين تقومين بواجبه زوجيه ترا محد عايفه:booo: عناد لكم ماراح ازوجكم اياه بخليه يتخلل عندي :icon30:

مو القصد لا تهتم البنت بببيتها
القصد لا تهلك نفسها
لا تسمح لزوجها يحجر لها عليه
زي الأخت الي زوجها مصحيها من نومها عشان ثوب يبيها تكويه
على أي أساس يقطع وقت راحتها عشان شي مو مكلوفة فيه شرعا ؟
وفوقها يصفقها كف


فهمتي ؟




على الأقل الي تقارن فضل بفضل احسن من الي تقارن فضل بواجب


اجل مو ملزوم يصرف عليك !! ليه ان شالله !! النفقة مقابل الطاعة والقرار في البيت


مو مقابل شغل بيت وامور ثانوية !!


شي مستفز والله




لا فيه شي اسمه أساسي وفيه شي فرعي
مو كل الحقوق متساوية بقيمتها ولا ماكان الشرع شدد على أمور زي الفراش
وماتشدد بامور ثانية زي المعاشرة بالمعروف والإحسان
وكانو كل الحريم اصرو ياخذون حقهم كامل من السفريات والتمشيات زيها زي أي حق ثاني طال عمرك
وشي بديهي الأمور الأساسية ماتستقيم الحياة الزوجية بدونها
والأمور الثانوية تستقيم الحياة بدونها


واذا بنفصل اكثر نقول : الأمور الأساسية ما تستقيم الحياة الزوجية الا ماتمت بشكل كامل ومرضي للطرف الثاني
والأمور الثانوية تستقيم الحياة الزوجية حتى مع نقصان أدائها


هذا أولا
ثانيا الموضوع اخذ اكبر من حجمه لان صار في رجال يطلقون ويهدمون بيوتهم
عشان شي ما اوجبه الشرع + رجال قالبينها حرب وتحدي بس لان الزوجة ما تشتغل
على مزاجهم بالبيت .. وطبعا اكيد كلامك هذا منتي قايلة ربعه لهم
منتي قايلة ليش قالبينها حرب ولا تبين تشوفين اول هل هم مادين واجباتهم الأساسية
فضلا عن الثانوية ، زي غيرك تبين تحطين الغلط على بنات جنسك !!


وسيرة التعدد الي جبتيها عشان تثبتين اننا ناخذ من الشرع الي يعجبنا ونترك الي مايعجبنا
يا عمري محنا بمقام وش يعجبنا وش ما يعجبنا من الشرع
انتي لو فاهمة ليش رجعنا للشرع كان ماجبتي سيرة التعدد أساسا
اجل شي ينفرض علينا فرض وتنهدم بيوتنا بسببه وماتبينا نرجع للشرع ! اجل وش نحتكم له بالله ؟


(يعني حتى لو ارضيته بفراشه لكن اهملت البيت واكله والنظافه ولبسه ماراح يكون راضي عني)




ما اختلفنا + مو أساس الموضوع





ايوووه تقولين شي بديهي أكون مسؤولة عن البيت وعن حالته


ما اختلفنا ، اظن كلنا متفقين على هالشي ..


لكن الكيفية هي محل الخلاف ، ان الزوج او المجتمع يفرض عليك


انك انتي الي تسوين هالشي وانتي الي تشتغلين ولاهو جايب لك خدامة


هذي المشكلة ، لانك يوم تزوجتي منتي مسؤولة عن بيت وبس ..


ردود البنات تحسسني ان الزواج كله بيت وطبخ ونفخ !! هذا مفهومهم للحياة الزوجية !!!!


يعني جاحدين ومتنكرين بقوة لواجب الزوجة كانثى ناحية زوجها + واجبها كام ناحية اطفالها


هالادوار بسيطة وسهلة ؟ اذا لا واعترفنا ان هالادوار تأخذ مجهود كبير من البنت


طيب ليه نزيد عليها الحمل ونفرض عليه بعد تقوم بشغل البيت كامل ؟


لاحظي انا ما أقول لا تشتغل نهائي ، انا أقول تشتغل حسب قدرتها والي ما تقدر عليه


واجب على زوجها يتعاون معها ويشوف لها حل ، تقولين مايقدر يجيب خدامة


أقول لك واجبه ومسؤوليته يدبر هالموضوع ، هي تطلب وهو ينفذ .. هذا اختصاصه


مو اكرف نفسي واضغط على نفسي عشان هو مايقدر .. مو بس الرجال الي يعطي


حسب قدرته ، حتى الزوجة تعطي حسب قدرتها .. فاهمتني يالغالية ؟





الي يجيب الجلطة مو الي ما يقرا
الي يجيب الجلطة الي مصر يكابر على شي ثابت شرعا

من جد ههههههههههه
الله يهدينا وياهم بس




ايووه يا سلام عليك ، أتوقع لو قلت هالجملة بموضوعي كان اختصرت على نفسي
أي يوم نقول مو واجب شرعا مو قصدنا لا تشتغلون ، قصدنا طالما مو واجب اجل ما تحاسب
عليه حساب عسير او تنغصب زي ماقلتي


يا سلام عليك سناء :26:




وهذي قاعدة محد يقدر يحاجج فيها
وينكم يالي تقولون : متزوجة عشان فراش اجل !!


تقدرون تنكرون ؟




انا أقول لك ، الهدف لما نشوف بنت مو قادرة تلحق على شغل البيت وتشتكي ان زوجها
مو متعاون معها نعطيه طريقة تقنعه يجيب شغالة ..


ولما نشوف وحدة زوجها محجر لها على شغل البيت يفرض عليها مثلا شي مو قادره عليه
ما نوقف بصف الرجال ونحاسبها حساب عسير على شي ما اجبرها عليه الشرع


وبشكل عام مانتكهرب ولا نحقد لما نسمع ان في بنت ماتحب تشتغل ببيتها وتحب تستعين بالشغالات


فهمتي ؟




محد قال تقعد بمزبلة حبيبتي