أخاف أحمل ببنت ثانيه

الله يرزقك ماتتمني يا اختي بس مايجوز تقولي كذا توكلي على الله وربي هو اللي بيرزقك وادعي يجي لك طفل سليم ومعافى
تصدقي انا اعرف واحد عنده 11 بنت ماشاء الله تبارك الرحمن ومصر يبي الولد وتزوج وحدة ثانية وجابتله بنتين.. الله مو كاتبله الولد.. الواحد يقول الحمدلله.. للأسف فيه رجال تفكيرهم متخلف ..
يارب يرزقك الولد الصالح..

اولا  ..يا اختي احمدي الله على العافية و  الصحة
ثانيا .. ادعي الله هو اللي يرزق البنت و الولد 
واللي تقول معد فيه ناس يغكرون بهذا التفكيير .. الا فيه وكثير بعد حسب ثقافتهم و بيئتهم الاجتماعية 

بقول لك عن نفسي انا اول حملي كان بنت وفرحت فيها ويارب لك الحمد و المنة و الثانية بعد بنت و زوجي تعكر شوي كان ودة ولد لان قالوا لنا في الاشعة ولد و جات بنت و حبيتها و دلعتها والحين هي صف ثالث و اكثر وحدة حنونة و تخاف علينا ربي يحفظها لي و يحرسها هي واختها و اخوانها .. قولوا امييين 

وبعدها حملت حمل خارج الرحم و تعبت و صلحت عملية.. 
بعدها قال زوجي ودي بس تحملين مومهم عندي بنت او ولد اهم شي تحملين ..قلت بعد ايش كنت ترفض البنت 

وحملت والحمد لله بعد خوووف كبيير اني ما احمل وطول ما انا حامل ادعي ربي و ارجوة و رحت الحرم للعمرة و رجيت ربي وكل هذا بيني وبين الله محد يدري عنه حتى زوجي ما يدري وش اقول 

وكنت وقول يارب طمن قلبي وخلني اعرف انه ولد وسبحان الله في بدايةالسابع تعبت وجتني طلق شديييد ورحت المستشفى و قالت الدكتورةالرحم مقفل بس هذا طلق بسبب التهاب ووسوت اشعة وقالت لي بدون ما سالها  ماشاء الله ولد واضح جدا ... وقتها حمدت ربي وشكرتة لانه طمن قلبي و تستجاب دعائي . وكل الالم هذا عشان اروح المستشفى و اعرف انه ولد .. ومع ذلك ما قلت لزوجي ابدا.... .. ههههههه قاعدة اقول قصة حياتي خخخخخخ






وبعدها جلست 5 سنوات ادور الحمل دوارة والله لا يجعلك تمرين باللي مريت به ... وحملت بعد تنشيط و ابر تفجير وخوف من تكرار الحمل خارج الرحم .. وحملت ودعيت ربي في كل وقت انه يكون اخو لولدي وسند له و جبت احلى ولد ربي يحفظة. و يحرسة 
ولا يريني فيه مكروة لا هو ولا خواته ... وكل من قال امين 


فالاهم يا اختي الرضا اولا والدعاء الدعاء ..ادعي ربي يرزقك و يصلحهم ... لان هذا اولا و اخرا رزق من الله ... 


واسال الله يرزققك بالذرية الصالحة ذكورا و إناثا 

احملي وتوكلي على الله وربي يرزقك بالاولاد الذكور المعافين الصالحين
اكثري من الدعاء والاستغفار ولو جاتك بنت والله نعمه من ربنا
والحمدلله على عطاياه

اخوي مثل زوجك اول بنت عصب وزعل وبعدها عاقبه ربي بعقم 8سنوات والله ماخلا دولة الاوتعالج ورجع لربه وتاب واكرمه ربي بثلاث بنات وراء بعض ويشكر ويحمد ربه..كبري عقلك واستغفري ربك ودامك تبين ولد ليش جلستي 5 سنين ماحملتي!!!! شدي حيلك واحملي سنويا والافضل تاخذين ابر تفجيرية علشان تجيبين تؤام سنويا ومو الولد اللي يخلي زوجك يحبك دامه كارهك بالاساس ..بنت عمي عقم 11سنه وزوجها يعشقها وماتزوج عليها ولاعمره جرحها مع انه كبر بالسن ويبي عيال بس حامدين وشاكرين ربهم وعايشين ماشاء الله وترا بعض الاولاد نقمه لاتتحمسين 

ربي يعطيك اللي تتمنينه ...بس اعذريني أقولج كلمه ...البنت والولد عند الله و الله يقسم الارزاق و بين الناس لا تشوفين هذا عندة بنت وهذا عندة ولد و اذا الله كاتب ذريتك بنات شو بتسوي ...انتي ادعي اللله ان يجيبك الولد الكامل الخلق والخليقه البار بوالديه ...و لا بيدك ولا بيد زوجك الذريه ...فاصولياء الحمد الله هذي نعمه من الله