شي مضايقني كثير.. والدي والتجريح<<< مُعدل

السلام عليكم ورحمة الله
م اعرف من وين ابتدي ،لكن يشهد الله اني متضايقه كثييير من هذي السالفه 
انا مطلقه.. والمشكله مو في اني مطلقه المشكله ان والدي يتشمت بي 
كل ماصار مشكله يجلس يقول شوفي بنات الناس من قبلك ومن بعدك تطلقوا وتزوجوا وانتي لا ،ويشكك في شرفي ،طيب اذا الله م رزقني يعني انا ماني عفيفه ؟!
وبرضه يجلس يقول محد بياخذك شكلك زي العجوز اللي عمرها90سنه 
طيب وش ذنبي اذا انا اكبر وحده وشايله هم اخواني كلهم 
لان امي مريضه وهو متزوج ،والله ي بنات من تزوج بدا يتغير والشاهد الله ع كلامي 
كنت اصبر ع التجريح.. والله انا م همني اتزوج اولا اهم شي رضا ربي وحسن الخاتمه.. 
مريت بتجربه في زواجي كرهتني شي اسمه زواج حسبي الله ونعم الوكيل
والحين كل فتره يدقني بالكلام.. قسم كلام قوي يقول اشك انك مظلومه تخيلو!
مع العلم طليقي م تزوج للان والسبب منه مريض نفسي.. 
بس ابوي كل م قلت خلاص انسى يمكن م يعيدها واسولف معاه عادي واضحك 
بعد فتره اكتشف ان سوالفه معي بس كذا مجامله واي شي يحصل ع طول يسب ويجرح 
طولت بس من القهههههههر ودي اروح مكان محد فيه خلاص تعبببببت

13 تعليق 3,156 مشاهدة

شاركي في النقاش

سجلي الدخول لإضافة تعليق.

التعليقات

12
  1. @sydh_aaalm_hoa

    الله يفرج همك عاجلا غير اجل

    لكن تأكدي ان المؤمن مبتلى مهما كان اختلاف الابتلاء ودرجاته

    لكن يبقى المؤمن مبتلى ومابعد الصبر الا الفرج باذن الله أستغفري كثيييير

    ولاتفكرين عشان مايصير فيك شيء
  2. @__490

    نصيحه لك اختي .... بثي شكواك لرب العالمين فهو ارحم بي منك وارحم بك من امك وابوك وهو الرحمن الرحيم
    انا لما قريت موضوعك رحمتك ودي اقدم لك شي لاكن ماباليد حيله
    فما بالك برب الكون مالك خزائن السموات والأرض جبار يجبر القلوب المحطمه والحزينه !!
    كلما ضاقت بك الدنيا صلي ركعتين واطيلي في سجودك وبثي همك وشكواك لرب العباد والله مارح يخيبك يكفي شعور الراحه والطمئنينه والأمان
    الله مايبتلي العبد بمصيبه او هم او غم الا عشان يسمع صوتك بالدعاء والإلحاح في الطلب

    تعرفي على الله بأسمائه وصفاته وادعي بها
    اذا كان الله معك لن يكون عليك احد
    القوه معك وماحد بيقدر يضرك وانتي بحفظ الله وأحسني الظن بالله انه معك بقوته وجلاله وعظمته لن يضرك قول قائل او فعل فاعل وحسن ظنك بربك عظيم
    -

    تفسير أسماء الله الحسنى// فقط قم بلمس أي اسم

    http://t.co/qAMOaJee
  3. كله على اجر لا تخافين وبعدين بخصوص كلامه الله يهديه ويصلحه انتي عارفه انك مظلومه بزواجك خلاص طنشي ولا كأنك سمعتي شي وانتي عارفه انه الله يسير الامور بطريقته وانتي ما لك دخل بشي خلاص طنشي ولا كأنك سمعتي شي بترتاحين كذا حاولي قد ما تقدرين انك ما تتحسسين من كلامه هذا دخلي من اذن وطلعي من الاذن الثانيه لكن لا تخلين كلامه يأثر على برك فيه والله يصلح امورك بإذن الله

تابعي تجارب أخرى من هذا القسم.