مين اللي زيي بسرعه تتأثر😓😢😢

اناوحده بسرعه اتاثر واحزن راح تقولو حلو واحسن بس والله هذا الشي ماثر على حياتي ومشاعري
انا رقيقه مره وهالشي غصب علي يعني مثلا لو يموت حد اويمرض تلاقوني حزينه ويمكن ابكي واجلس ادعي له بصلاتي لو اني مااعرفه
وبس اصير افكر
مثل وفاة ريان اللهيبي الله يشفع فيه من يوم مات مافارق تفكيري وبكاء ماوقفت دمعتي كل ماادخل حساب امه بالانستقرام او اقرا عنه اتخيل امه المسكينه كيف وضعها
ليا اسبوع ونفسيتي زفت بسبب ذا الشي
احس وضعي بزياده مافي احد زيي
احيانا احسد الناس الي قلوبها قاسيه احسهم عايشين مرتاحين
المشكله كل الي حولي قاسين قلب وانا الي مقطعه عمري ومااحد جاب خبري
بس غصب عني😧

9 تعليق 2,583 مشاهدة

شاركي في النقاش

سجلي الدخول لإضافة تعليق.

التعليقات

9
  1. @shr_101

    انا مثلك :(
    بس الحين احاول اعود نفسي انو مو اي شي يأثر فيني
    حتى لو اثر احاول ما ابين كثير :(.
  2. @baby_face_8

    أنا من يومي حساسه مثل أمي الله يحفظها ولما نتفرج كلنا عالتلفزيون ويجي مقطع فيديو حزين كلهم ساكتين الا أنا وأمي نصيح ونطبطب علي بعض .. وبعد ما تزوجت زادت وبعد ما خلفت زادت وزادت أصيح علي أي أحد يصيرله شي في الحياه وريان الله يرحمه جلست أصيح لما دريت بوفاته وولدي الصغير الله يحفظه يناظرني ويسكتني وأنا أضمه وأصيح زياده حتي القصص الحزينه أقرأها وأصيح .. غصب عني هالشي وما ظنتي له حل ..حتي لما أجي أعاتب زوجي علي شي ما أقدر أكمل كلمتين والباقي صياح .. زوجي عاجبه وضعي يقوللي صح أتضايق لما تصيحين بس حلو إنك رقيقه وحساسه .. وما يقصر بس يشوف دموعي يشغل مساحاته ..
  3. انا حالات مره احزن على اشياء تافهه واتاثر لو شفت شيء حزين وابكي ونفسيتي تتأثر يمكن يوم او يومين 😢
    وحالات لو شيء مره مؤثر والكل متأثر  انا اضحك  😂
    ليه لا تسألوني 😕😁
  4. انا مثلكم بعد الزواج صرت حساسة للأسف
    ان مرضت اصيح و ان مرض زوجي اصيح
    لوقالي كلمه او تصرف تصرف ما عجبني تسبقني دموعي
    احس انه بدأ يمل وما اظن لها حل هالحاله
  5. @lankomy

    صاحبة الموضوع
    اهلا اهلا بشلتنا الرقيقه😂😂😂طلعتو زيي
    نبغى حلول ماهي حاله قلوبنا صايره قراطيس😂
    ام يزودب حلوه اول مايشوف دموعي يشغل مساحته هههه😁ضحكتيني الله يسعدك

تابعي تجارب أخرى من هذا القسم.