مرحب
كيف الاحوال
***
اليوم بديت دوام
واجد امور تغيرت في فترة اجازتي
وكنت رايحه حاطه يدي على قلبي
مدري ويش بلاقي من ردود افعال زملائي وزميلاتي
لكن الحمد لله حسيت شوي براحه
حسيت الامور ترتبت
اتمنى تستمر على كذا
***
السنه ذي مره صعبه علي لاني ببدا برسالتي
ربي يسهل
***
أم آمنه
القماش الي كنا دوم نفصل منه خلص ماعاد يجيبه
بس آخر عباتين لبناتي فصلتهم بقماش اسمه كمبودي
قماشه حلو اسود مافيه اي نقوشات وحلو طايح يصلح للكد
اما انا آخر عبايتين فصلتهم لي اسم القماش سوبر صالون اسود منقط
حلو بعد عجبني بس مايكد مثل قماش بناتي احسه بدا يتعب شوي
يعني خليه حق الطلعات المريحه مافيه لف ودواره
أم آمنه والجميع
هذا المحل كان صاحبه هندي مسلم ماشاء الله عليه وعلى تدينه وادبه
توفى من ست شهور في حادث في بلاده
عنده ولد يعاني من مشكله ومحتاج علاج
الحين الموجودين في المحل اقارب الي توفى
وبروحج بتشوفيهم قمه في الاخلاق
ويستاهل ولد المتوفي المساعده يابنات
الي منكم ودها بصدقه او زكاه
حبيت اقول لكم لاننا في هالزمن المسكين مانلقاه لانه عفيف
بس نلاقي الي بلا ذمه ولا خجل ويداورو في الشوارع ذول ماتجوز لهم الصدقه
لانهم مب محتاجين ذول يبو الفلوس لخرابيطهم
ربي يعلم عنهم بس ذا حال أغلبهم
والي ودها اعرفها بعوايل محتاجه
مستعده ادلها عليهم
بحكم تخصصي نلتقي بناس وندخل بيوت ربي يعلم بحوال اهلها
وربي يقدرنا جميع على فعل الخير
***
روفو
ودي اذبحها العروس
ذي ماتستحي
ابعدي نفسج عنها وخلج رسميه معاها
بنقول مستحيه
بس ولو مايصير عيب لازم توجب الاوادم
المهم لاتعزميها:30:
الموضوع الي طرحته عن الحاجات الي نستخدمها ونمدحها
انا كنت قاصده الاجهزه والالكترونيات
بس مايخالف حلو الي كتبتيه
انا في ردي القادم بكتب الي جربته والي دوم مااستغني عنه
***
أم عمر
مابعد رحت للصالون
مافضيت له
بس ان شاء الله اروح لهم نهاية الاسبوع
***
بنات فيه وحده منكم سالتني ويش جبت من العين
مدري من منكم
جبت لعيالي كل واحد منهم حاجه تعجبه
الاولاد كل واحد منهم بنطلون و قميص موديلاتهم روعه
البنت الكبيره جبت لها نعال واطي مره حلو ورقيق
البنت الوسطيه شنطه روعه من برمودا للمدرسه تجننت عليها
البنت الصغيره توك واكسسوارات لشعرها ناعمين وحلوين
وقلم شكله حلو لها ولخالتها الي بعمرها ولصديقتها
ترى كل شي لها لازم نشتري منه 3 لها ولاختي وصديقتها ياويلي ومااجيب لهم مثلها
والشغاله بدلة للبيت حلوه
اما انا جبت لي قميص نوم ونعال واطي مريح حق دوارة الدوام
وسناسل لجوالات البيت كلها انا وزوجي وبنتي وولدي
وحاجات وصتني بها خالتي
وزوجي جاب له جلابيه بيت وقميص وبنطلون خفاف حق طلعات الرحلات والتمشيه
وعطر ونعال
وممممممممممم
وحلويات
وفطرنا وتغدينا وتعشينا
ونمشي ونشرب وناكل
هاه يلي سالتني اقول بعد ويش سوينا:22:
اظن بس كل ذا
هذا وانا اصلا قايله ماابي اتسوق
بس ماقدرت اشوف المحلات ومااشتري
فاشتريت على السريع
بس مااحس اني خذت راحتي
*
بنات بغيت اسالكم عن محل اسمه ياس
موجود في العين مول
عطوراته مره حلوه
شميتها كلها واحترت فيها
بس انا مااعرف اشتري شي الا اذا حد مدحه لي
بسالكم عنه من جربت شي عنده وعجبها
***
بنـــات ** سلطــنة عمـــان ** سلطـــنة عمــــان ** الحلـــــوات **
متابعة النقاش، صفحة 198