مساء الخير
كتبت لاني خلاص حاسه بضيقه فظيعه
ماادري انا اكبر المواضيع او فعلا الشي مستاهل
زوجي يقال انه بارد من كلام اهله
او يمكن يكون يشيل هم ومايبين
ال6 شهور اللي راحت انا كنت اخذ فلوس الاجار منه واجمعها بس احسه يتضايق وبنفس الوقت انا تعبت نفسيتي انا اللي اقسم الراتب واشيل هم الاجار والقرض والدين انحرمت من اشياء كثيره بسبب الماده مااقول هو مبذر او يصرف ع نفسه بس مايشيل هم يعني لو انا مااخذت منه فلوس الاجار وجمعتها كان مافكر يجمعها
واذا شافني متضايقه قال ماعليك الاجار بيندفع .. طيب كيف وانت ماجمعت ؟؟ مستحيل ارضى انه يتسلف وتجي علينا ديون زياده
اشتهيت يرتاح ذهني ونفسيتي ومااشيل الا هم نفسي حتى الحمل باقي ما كتب ربي وهذا الشي متعبني مرره
هل اللي اسويه صح ؟؟ او هذي مسؤوليته والمفروض يتحملها سواء جمع او لا ؟؟
ارشششدوني تكفون
شاركي في النقاش
سجلي الدخول لإضافة تعليق.
التعليقات
27- اقترحي عليه جمعيه علشان مايتضايق انك تسوين مسؤله عليه مهما يكن رجال وعادي لاتضغطين نفسك هو رجال ويعرف يتصرف ان شاءالله الله يوفقكم ويرزقكم الخير من اوسع ابوابه
- بردي على قلبك الرجال لو بغى يجيب مليون طلعه من تحت الارض
خل باقي اجار
طنشيه لاتعودينه انك تشيلين هم وسنعه ومدبره
خليك كول وانيقه وثقيله وبطقاق هو ومصاريفه يدبرها زي مايبي ماعليك منه - والله اقترحت عليه الجمعيه ويقول ان شاء الله ان شاء الله ويسحب
وليته بارد وبس
يعششمني يقول بعطيك وبوديك وبسفرك
خيااله فوق الله يعطيه ع قد نيته
بس انا اللي شلت كل الهم وتعبت جسديا ونفسيا بسبب هالضغوط والمسؤوليه - بالعكس خلية يدين وياخذ قرض ويحس بالمسوولية ليش
علشان ياخذ درس بالحياة خليه يجرب هم الدين وبعدين مع الايام يتعدل
انتي مهتمه وهو باارد
شيلي ايدك من كل شي وفكري بنفسك ووبس هو رجال ويعرف يدبر عمرة
خلي الدنياء تعلمه - اذا انتي ببداية حياتك ...
بقولك شي
قد مروا علي ناس كذا كثيرين ...اتكاليين مررره ولايهمهم بكره ابدااا
مع انه طيب وحبوب والود وده يشيلك من الارض ومايبخل عليك باي شي بجيبه ...اتوقعه كذاا
وان ماخاب ظني فهو من مواليد برج الدلو
مثل ماقلت لك كانك بالبدايه معه ...
مالك الا تشيلي يدك من كل شي يخصه وخليه مره عن مره
وسلفه ودين ولخبطه الخ ...بتمرين بامور ترفع ضغطك بس اسكتي وماعليك من شي خليه هو يتولى كل شي لانها مسؤوليته
وتدخلك بيضايقه وهالشي طبيعي كثيرين يتضايقوا من تدخل حريمهم بالمسؤوليه ويبونهم بس ياكلوا ويشربوا مايبغوهم يتضايقوا من شي ...
اذا فيك حيل تسدين اذنك وتعمين عيونك عن مسؤوليات البيت الماليه فالافضل تطنشي لين يتعود ...
واذا لك سنين معه وماعرف يضبط وضعه فاظن المشكله راح تستمر
وترى مافيها شي لو شاركتيه بالهموم وساعدتيه بالتفاصيل العاديه
حلو انكم تتشاركوا ...لاتاخذي الموضوع من باب الهم والغم
شوفي الاشياء الايجابيه الي هي مشاركته لك ..وان اضطريتي اجلسي معه وحاوريه بهدوء وفهميه ان هالشي يضايقك لانك تخافي عليه وماتبيته يشيل مشكلة ديون بكره وان مسؤولياتكم للان بس اثنين ..كيف بكره من الاطفال وقصصهم ...!
وان كل قصدك توفري له راحة بال قد ماتقدري بس اذا هالشي بيضايقك ..المهم سلامتك ورضاك وبسسسسس..
هالنوع يااختي يطيح مستقبلا بمشاكل كثيره ويمكن مايقدر يحلها
اصبري عليه وحاولي تخليه يتحمل مسؤوليته بنفسه وانتي ممكن ترشدينه بالتلميح بالكلام مره وحده وبس ...انتبهي تزني باذنه
الله ييسر لك وله ويرزقكم الذريه الصالحه
مواضيع مشابهة
تابعي تجارب أخرى من هذا القسم.