المساعده من الجميع ماليزيا

اشكرك حبيبتي عالإظافه

ياقلبي شكلك حايسه اذا اول سفره تطلعي برى فانصحك تسوي كل شي من ديرتك تحجزي فنادق تسوي
برنامج كامل وكلها تسويها مكاتب السياحه لفي كم مكتب وقارني بين الاسعار وانصحك تحجزي فندق بوسط منتجع افضل ماخبرتينا ايش المدن اللي ببالك تروحي لها في ماليزيا عندك سيلانجور احجزي فندق في منتجع الصن وي لاجون خرافي بمعنى الكلمه ومتأكده راح تنبسطي منتجع متكامل من كل شي وعندك لنكاوي هذي مدينه ريفيه بسيطه بس جميله زوريها فيه منتجع جميل وهادي سكنت فيه اسمه اسيانيا لانكاوي وعندك كمان بياننج اه يابياننج جميله جميله وبارده لانها مرتفعه بس عيبها دايم زحمه فيها هضبة بياننج لاتفوتينها تطلعي لها بقطار جبلي متعه صراحه وايش كمان اما العاصمه كوالالمبور لحالها متطوره جداً فيها جميع ماترغبينه بس السكن لا تسوي غلطتي سكنت في شارع العرب وتندمت سكنت فيه لان فيه بارات كثيره واغاني ليل نهار تسمعيها بالشارع مع انه جميع مولاتهم كلها موسيقه بس ماحبيت شارع العرب من زحمته غرائب وعجائب تحصلينه في هالشارع هذا اللي اتذكره الان واي شي بتذكره برجع للموضوع واضيفه

جدا حايسه بشوف كذا مكتب والله يستر لا يكونون غاليين

انا ماعرف المدن هناك عشان احدد بس ودي بالمناظر الطبيعيه احبها ودي اسكن الاكواخ

والفندق الي وسط منتجع ؟؟ اسعارهم غاليه ولا كيف

بس مدري عن المكتب بيساعدني بهالشي ولا بيحدد هو المدن ؟؟

طيب نوريني اذا عندك اظافه ربي يعطيك العافيه

العفووو ارسلت لك معلومات برساله بس حبيت اخبرك بالنسبه للتاكسي بكل مكان يعني نطلع من الفندق نحضلهم قبالنا كنت اتمنى اركب المترو بس زوجي يقول ماندل يودينا مكان مانعرفه

ان شاء الله افادوك البنات
انا عن نفسي حجزت كل شي مع شركه من هنا الشركه بماليزيا وحولت لهم عربون بعد ماعطاني البرنامج المقترح
كان شامل السكن مع فطور ومواصلات جوله سياحيه لمدة يوم من عر الصباح الى ست المساء تقريبا وشامل الحجز الداخلي عباره من بيناننج الى لنكاوي وطيران من سيلانجور الى بيناننج ومن لنكاوي الى كوالا لمبور والسواق الي يخلص معنا الاجراءت الين رجعنا

طبعا كانت اول سفره لنا والحمدالله عدت بسهاله


السواقين بتلقون بكل مكان ويتكلمون عربي بيقولكم تبون جوله اتفقوا معه على سعر يناسبكم وفيه باصات

بالنسبه لتذاكر المنتزهات انتهبوا منها لان بعضهم لعابين والاماكن الي تزورونها بمنطقه لاتكررونها بمنطقه ثانيه

اذا طلعتوا منتزه بتلقون مجموعه تصور بكاميرا بيقوولن بنصوركم صوره جماعيه وتذكاريه ويسوون داعيه لانفسهم لاتصورون اسفهوهم بيقولون مافيه مشكله نصورك اذا اعجبتك ادفع اذا ماعجبتك لاتدفع خلوهم هم اكثر اشخاص انلعب علينا معهم
خخخ

وان شاء الله تتهنون