شاركي في النقاش

سجلي الدخول لإضافة تعليق.

التعليقات

15
  1. @hmydh36369

    صاحبة الموضوع
    للرفع


    واتمنا اسمع تجارب البقيه من ناحية كم سنة ملبسه الاسنان الامامية وهل تأكل طبيعي ووش نوع التلبيسه
  2. @akht_mshmshh

    نصيحه لوجه الله

    لا تلبسين أسنانك إلا للضرورة القصوى
    وهي إذا تغير عليك لونه بشكل واضح مره
    بسبب موت العصب





    غيره لا تلبسين أبدا أبدا أبدا

    من خلال تجربتي ومعاناتي مع التلبيسه الاماميه


    وبالنسبه عن أسنانك
    إذا فيها تسوسات عادي عالجيها وروحي عند دكتوره ممتازه تضبطها لك بالحشوات التجميليه
    وتطلع كأنها خلقتك ولا هي واضحه
    وإذا التسوس واصل العصب
    عادي عالجيه بجلسات نزع العصب



    ما فيه مثل خلقة رب العالمين
    تعضين عليها وانتي مرتاحه
    وحتى إذا ابتسمتي حلو شكلها ولا هي صناعيه

    لأنها تكون واضحه مره وحتى اللثه احتمال ما تتأقلم عليها
    حتى لو كانت زركون




    وآخر شيء حبيت أنبهك على نقطه مهمه
    ما هو لازم تكون الدكتوره صادقه وتبغى مصلحتك

    ولا تنسين استخيري رب العالمين

    وبس
  3. @ryma29

    والله انا مثلك للحين اعاني من الاسنان وكنت محتاره البس او لا ولين الحين وانا متوهقه فيها سويتها وماضبطت وجالسه اعدل فيهم ويارب يضبطون

    نصيحتي لك اول شي وقبل كل شي روحي لدكتور مضموون بالتلبيس لايغرونك بعضهم بسعرهم الرخيص وتتعبين من المشاكل اللي بتجيك من وراها

    ابحثي بالنت عن اشطر دكتور بمنطقتك واذا فيه احد تعرفينه يكون افضل بعض اللي بالنت دعايات

    ثاني شي استشيري اكثر من طبيب وشوفي وش يجمعون عليه لان بعضهم يسوق لنفسه ع حساب اسنانك وتتوهقين بالنتيجه مثل ماصار معي

    ثالث شي اذا فيه حشوات لازم تلبيس لان لونها يصير اسود مع الوقت انا كذا صار معي وهو اللي خلاني اضطر البس

    رابع شي حطي ببالك التلبيس ممكن يطلع ريحه امي كذا صار معها يعني يبي لك ماتهملين التفريش وتنظيفها وعساها تخف الريحه

    خامس شي اذا لقيتي الطبيب المضمون وبحثتي كثير عن حالات مثل حالتك اسسسستخيري قبل تسوين شي وتوكلي ولا تسترخصين باسنانك ابد روحي لمكان مضمون حتى لو غالي

    سادس شي احسن نوع الزيركون بس اتوقع انه يفرق من عياده لثانيه يعني مثلي لقيته ب 700 ريال ب عياده موقعها وشكلها مره مو اوك وخاصه تلقينه ب الف والفين وثلاثه بعيادات ثانيه هو اكيد حسب الموقع يزيد السعر بس انتي دوري للمضمون سواء رخيص او غالي

    واخر شي اتمنى اني افدتك بردي حاولت اتذكر اسئلتك وان شاء الله استفدتي لاني مثلك للحيين محتاره وخسرت فلوس وتوهقت وشوهو شكلي والحين اشوف لي حل وان شاء الله اتوصل لنتيجه مرضيه 😭واتمنى تدعين لي ربي يفرجها علي 😔
  4. @ryma29

    ايه صح تذكرت حطي ببالك التلبيس يعني سحب عصب يعني السن يضعف وخلاص يموت العصب وفوق ذا برد تخليه لك مررررره نحيف يعني لو ماعجبك التلبيس ابدا ماتقدرين تشيلينه لان السن يكون مبرود ومافيه مثل اسنانك الطبيعيه خلقه ربي لان سبحان الله تبين التركيبه خاصه لو كانت صف بس بعض الدكاتره شاطرين يحاول ياخذ لك مقاسات صح وحطي ببالك لو كذا سن ممكن المقاسات ماتكون مضبوطه عشان كذا قلت روحي لمكان مضمون مو اي احد يضبط لك المقاسات بعضهم تكون لك مايله ع جهه او سن اطول من سن

    لبسي الضرووووري جدددا ولا يقنعونك ان ممكن تلبيسين الاسنان الاماميه كامله ويقولون شكل حلو وصف واسنان لولو وبياض ومدري وش فقط لبسي اللي محتاجته وضعيف لان لو مالبستيه مع الوقت بينكسر دامه ضعيف

    واسفه ع الاطاله ❤️

تابعي تجارب أخرى من هذا القسم.