لسلام عليكم جميعا..... آسفة اني بطول عليكم مع اني ماأحب الاطالة لكن والله من همي ... بس بحاول اني أختصر.....
أنا ربي عطاني جمال كلن يحكي عنه ... لكن الزين مايكمل لأنه ماعندي جسم حلو يعني سمينة .. لكن اللهم لك الحمد ... كثير مرة ... اللي يقولون انه شكلي رزة وموب شين علي ... لكن السمنة سمنة مهما انقال....المهم انه انا مجتمعي قمة في الرشاقة والاعتناء بالنفس ... ومن يوم اني صغيرة وانا اعاني ... لانه الكل حاط عينه علي ... ويقعد يغث امي فيني وبالتالي تنقلب علي ....وتقول لي مسكينة ماراح تتزوجين (وصدقوني من حرتها علي والا هي أحن أم في الكون) المهم انه هذا استمر معي وعشت حياتي كلها احباط لدرجة انه ماعندي ارادة ابد ... وبالرغم من كل شي الا اني استمريت اخطب من يوم اني في المتوسط .... ولحد ماتزوجت اللهم لك الحمد ... بس كان عندي مشكلة انه ابوي ماكان يبيني اتزوج من عشقه لي ... ويقول لزوجي أول زواجنا( صدقني مدري كيف وافقت عليك رغم اني كنت احرص على الرد :) ) المهم انه زوجي اللهم لك الحمد حبني وأعجب فيني ولايشوف فيني عيب وان كنت أنا غصب عني أبين قلة ثقتي بنفسي ...وينقهر مني ....
الحين انا عندي طفلين يارب لك الحمد ... وحياتي مريحة جدا ومن فترة ركبت بالون معدة وللأسف ماستفدت ولاشي :( أعصابي صايرة تعبانـــــــــــــة بالمرة ... منب قادرة أعيش حياتي بشكل بسيط دايما مشدودة (عموما انا طلعت من اسرة اعصابها نار ) اضافة انه طلعت منهم وانا اشيل همهم ولاابي شي يضيق صدرهم أو يحتاجوني ولا يلقوني ....
زوجي حبيب مرة وبارد وانا احمد ربي على كذا لأني حارة ... بس اليوم قالي انا بدريت اكره الاجازة منك :( تدرون ليش لأنه لي تقريبا شهرين وانا اعصابي منهارة بزود وعندي احباط من نفسي كثير واليوم كنت ابيه يودي بنتنا المستشفى لأنه عينها جمر لها كم يوم ولي كم يوم وانا اقول خلها تروح للمستشفى ومعيي وبس جاب لها مرهم من الصيدلية ... ولي كم يوم احاول اعدي .... قلت له البارح خلنا نودي العيال لأهلي بكرة ونطلع نتعشى برة وقال مايخالف ... ولما جا اليوم المغرب يقول لي ورا مانروح لأهلي ... قلت انا منب رايحة خلنا نطلع العيال وان كان ماودك بكيفك ...قال وش فيك منرفزة قلت انت تحط القرارات بايدي دايما وانت شكلك ماودك تطلعنا ابتسم وقال انت كرهتيني بالاجازة (اجازته بس هالاسبوع وبديتها بنكد :( ) يمكن انتم مافهمتوا انا وش ابي اوصلكم لكن أنا ودي أطلع من هدومي ... أنا عندي اجازة معه هالاسبوع وفكرت اقطعها بس بعدين قلت لا تكبرينها ... لكن انا عارفة بستمر مبوزة مع اننا تناقشنا على خفيف وقال اني ناسي الروحة ... وانا وقهورة ليش ينسى ماعمري ثقلت عليه في شي وكل احتياجاتي اكملها مع خواتي (ويمكن هذا أكبر غلط) وهو روحة السوبرماركت تنكد عليه ... تدرون من ايش تعبت ... ؟ تعبت من نفسيتي وتعبت من اني للحين ماتأقلمت مع اسلوب الرجال وانا داخلة السنة السادسة في زواجي ... تعبت من احساسي انه لازم يعرف اللي يزعلني ... والله ودي ابعد شوي ودي اسافر بس من غيره ومن غير عيالي .. ودي اريح اعصابي .... وش رايكم انا وش فيني ... شوروا علي اروح لأخصائي اجتماعي ... أحد يعرف مركز الاستشارات النفسية في العليا هل ممكن اكلمهم تلفون لأنه الروحة صعبة علي ؟
شاركي في النقاش
سجلي الدخول لإضافة تعليق.
التعليقات
16- ياعمري يامها ماأدري وش أقولك؟؟؟؟؟
حلو منك عرفتي المشكله وين؟؟وهذا أول خطوات العلاج....
طيب قبل ماتتدورين على مستشفيات ووو..ماقدرتي تعالجين نفسك بنفسك؟؟؟؟
تعوذي بالله من الشيطان...اقولك شي بس لاتضحكين...ابتسمي...
دائما خلي شفايفك بوضع الإبتسامه..حتى لو ماقدرتي ..أقصد بالقوة....
حاولي ماتعصبين....استرخي...حاولي تمشين عشان نفسيتك...
صدقيني العلاج بالإبتسامه.....اضحكي مع أبو عيالك ..نكتي عليه..سوي جو عائلي ..هذي إجازته وأسبوع ..خليه يضيق صدرة إذا قرّب الدوام.......
ابتسمي اختي مها وشوفي النتيجه - الله يعينك هونيها تهون انتي مشكلتك ماهي صعبه يعني حاولي تشتركين بنادي رياضي خاص بانساء واهتمي بنظام اكلك وان شاء الله بتشوفين الرشاقه اما زوجك تري معظم الرجال كذا واختي احمدي ربك علي نعمة الصحه والزوج الصالح شوفي الجوانب الحلوه بحياتك ولاتضيعي عمرك باشياء موجوده تقريبا في كل بيت اسفه اذا كلامي ما عجبكي
- الله يهدي سرك ياختي مع اني مو فاهمه المشكله زين بس على حسب مافهمت انتي طبعك حار وعصبيه مره وزوجك العكس وانتي تبينه يفهم طبعك ومايخالفك
حبيبتي المفروض انتي الي تسايرين زوجك مو هو الي يسايرك وابعدي عنك فكرت طبعي حار وطبعي مايتغير انتي ياعمري اختلف حالك ماعاد انتي ببيت اهلك يفهمون طبعك ويقدرونك ويتجاوزون عن اخطائك وهفواتك سايري زوجك وحاولي تكسبيه باسلوب حلو وابتسامه واذا لقيتي منه خطا ناقشيه بهدوء بدون عصبيه وتكبير المشكله
ارجوا انك ماتزعلين مني وان كلامي يكون خفيف على قلبك
اما المركز الي ذكرتيه ماعندي فكره عنه
تحياتي - الله يهديك ياااااااارب ويفرج عنك...
ياربي رحمااااااك الله يهديك ياااااااارب ويفرج عنك...
dot-com الله يسعدك يارب ... على الكلام الحلو ... وسبخان الله دخل قلبي بسرعة .. الله يجزاك خير ويفرج لك يارب ... أنا حاسة انه لازم امسك نقطة وامشي عليها شكرا ياقلبي :)
سلسبان بالعكس ... كلامك أكثر من رائع ... وصدقيني مهما زعلت ... أحس اني ازعل من نفسي ... ودايما الجقيقة تزعل بس والله انت كلك ذوق وسنع تسلمين :)
كلي جراح :) الله يحرم يدينك عن النار ومن يقرا يارب ... تسلم يدينك ... والحمدلله على كل حال ... بس صدقوني كلكم أنا أحس ابي احد يفصفصني على قولتهم حبة حبة لأني أحس انه كل شي اشيل همه ... والل متعبني اكثر يا كلي جراح ... اني مازلت احاول اتأقلم على اسلوبه ولسه تعبانة ... مع اني منب معك ... في انه الرجل مايساير حرمته .. وبالعكس اكره مالي الرجل الخاتم على قولتهم ... لكن حلو انا اشوف وش يحب ووش يكره وهو كذلك .... مو المسألة مسألة فرض وبس :)
يارب رحماك ... وياك ان شالله وكل من يقرا ... وجزيت خيرا :)
( في النهاية انا كتبت له رسالة تو اوضح له ولو شوي عن اللي مأزمني وبحطها عند جواله عشان يقراها بكرة انشالله وكان الكلام لطيف :))
مواضيع مشابهة
تابعي تجارب أخرى من هذا القسم.