شاركي في النقاش

سجلي الدخول لإضافة تعليق.

التعليقات

20
  1. @bnt_ktr_14

    صاحبة الموضوع
    الحين باخذه لدكتور يكشف عليه والخميس سجلت موعد مع استشاري نفسي والله يسهل
  2. ربي يحفظلك ولدك. ويعوضك انتي وياه ب السعاده. 
    حبيبتي حبيت اطمنك في اطفال اعرفهم.  كأنو. في عمر. ولدك. ويسوونها زيه. وهالحين. تركو هالحركه 
    وماشاالله ف المدرسه.  
    الأمهات. سألو أخصائيين والكلام يختلف اللي يقول خوف واللي يقول مرض.  واللي يقول عادي والى الأخر..
    ومع الحزم. تعدلو وتركو. هالعاده. 
    وماشاالله. كبار.  هالحين.  
    شدي عليه من ناحية الحمام. ويتعدل ان شالله 
    اما من ناحية الأب الله يعوّضه. 
    برب الكعبه اني حزنت عليه. يوم يسأل عن ابوه. 
    ربي يرده له رداً جميلاً
    ويجزاك خير الجزا. ويخليه لك. 
  3. @bnt_ktr_14

    صاحبة الموضوع
    أرجوان المدينه
    ربي يحفظلك ولدك. ويعوضك انتي وياه ب السعاده.  حبيبتي حبيت اطمنك في اطفال اعرفهم.  كأنو. في عمر. ولدك. ويسوونها زيه. وهالحين. تركو هالحركه  وماشاالله ف المدرسه.   الأمهات. سألو أخصائيين والكلام يختلف اللي يقول خوف واللي يقول مرض.  واللي يقو…
    الله يجزيج الجنه ونعيمها
    ريحتني
    توني جايه من الدكتور يقولي مافيه سبب عضوي يحتاج نفسي
    الله يهدي ابوه ويرده له مثل مارد يوسف لابوه
  4. @sndok_bryd

    شوفي
    نظمي وقت دخوله للحمام ومع الوقت مخه وتصرفه بيكون تلقائي
    يعني شوفي عادة متى يحتاج للحمام
    كل نصف ساعه يغير ملابسه ؟ كل ساعه ؟
    اذا شرب مويه
    فنظمي نفسك كل ما مر هذا الوقت روحي معاه للحمام وقولي انا اول او انت
    وسويها مسابقة وحطي لوحة قسميها لايام الاسبوع حطي له نجمة كلما دخل للحمام وكان نظيف اليوم كله
    واذا كمل اسبوع جهزي له هدية مغلفه اللي يحبه طفلك :( رجل آلى - سيارة صغيرة - كورة )
    ويقول علم الاجتماع ان العادة تصبح عادة عندما تتم 3 اسابيع او 4 وانت تسويها
    يعني بس تكملين ان شاء الله شهر زمان معاه بيكون تعدل
    وحاولي في اول الايام ما تطلعين من البيت لان الطفل في البداية يحب الشيء المألوف ويقدر يتكيف معاه
    نجي لليل
    حاولي توقفين السوائل عنه قبل موعد نومه بساعتين واذا طلب اعطيه كميه قليلة جدا ولا تقولين عشان البول
    قولي بعطيك بعد شوي لعل وعسى ينسى
    وبعد ما ينام بساعتين صحيه من النوم لازم يصحى عليك وينتبه ويحس باللي يصير وروحي معاه للحمام
    لا تشيلينه لازم يقوم بنفسه ويروح
    واذا هو يسويها اكثر من مره في الليل ممكن بعد اربع ساعات من المره الاولى تودينه
    وعاد شوفي كيف روتينه
    مع الايام يتنبه الجسم ويتعود على الجفاف وعلى القومه للحمام
    وانصحك تعطينه ملعقة عسل طبيعي قبل ينام
  5. @om_dede

    انا ربيت من غير اب و الافضل انه ما يقابل ابوه اذا ابوه مو قد المسؤوليه لانه الولد بينصدمو ممكن ينتكس الافضل انه تقولين له انه ابوك مو موجود بس طبعا بطريقه يفهمها و مناسبه لعمره و بالنسبه للي يلومونك لا والله مالمت امي بولاشي بالعكس شايلتها على راسي هي اللى تعبت و ضحت و ربت و مهما سويت ما اقدر ارد و لو ربع اللى هي سوته علشان الله يخلي لك ولدك و يبلغك فيه

تابعي تجارب أخرى من هذا القسم.