موضوع للنقاش بخصوص نصايحكم في عالم حواء

بسم الله الرحمن الرحيم

اولا الموضوع للنقاش للي عندها معلومات للي عندها شرح للي حابه تفهم وتفهّم
وماهو للسب والشتم والعصبيه ورد عضوه على عضوه وتفزع لها عضوه ثانيه ويروح لب الموضوع
لاني بجد حااااابه استفيد وافيد

نجي للموضوع
انا عن نفسي ادخل قسم حياه اسريه سعيده يوميا اقرا مشاكل بعض الاخوات واقرا الردود والنصايح حتى لو مارديت عليها لكن مااخرج الا وانا دعيت لها لكن لفت نظري بعض النصايح احيانا لما اجلس لحالي وافكر فيها اقول ممكن تكون صح وممكن لا بس الاغلب انها صح
النصيحه اللي عااااالقه في ذهني وبصراحه شديده هالنصيحه ماعرفتها الا من عالم حواء فقط وبدأت اركز عليها وانتبه لها وهي
طنشي الرجال يلحقك ، اهتمي فيه يطنشك
بالفعل حسيتها منطقيه شوي بس احيانا نحتاج لاحد يشرح لنا اكثر يفهمنا اكثر حتى ماننفذ هالوصيه غلط بمعنى انا نصحتك نصيحه لازم تكون واضحه كيف تنفذيها
طيب اذا طنشت الزوجه زوجها او بمعنى ادق اهتمت بنفسها وبدت نفسها عليه وعلى طلباته وماتنازلت عن اي حق من حقوقها مهما كانت الاسباب هنا الرجل يحترمها ويقدرها ويعمل لها الف حساب
طيب ممكن نتعمق شوي فيها يعني كيف ممكن اهتم بنفسي واركز عليها بدون مااهمل بيتي واطفالي
طيب مو ممكن الزوجه تهتم بنفسها وتراعي صحتها وراحتها والزوج يمل في اي لحظه
يجي بباله ان متطلباتها كثيره وكل يوم والثاني تشتري لنفسها وتدلع نفسها على حساب جيبه وحتى لو ماجا بباله ممكن احد ينبهه امه او اخته او حتى زميله بالعمل وينصحوه يتزوج وحده موظفه تساعده بدل هذه اللي ماتخلص طلباتها؟!!
انا هنا مااعيب على النصيحه بقدر ماني حابه انها تتقدم صح مع توضيح يعني ايش ممكن تسوي الزوجه كيف تنفذ نصيحه اهتمي بنفسك وقدميها على الكل يحبك ويدور رضاك
احنا محتاجين هالتوضيح ليه؟ لاننا تربينا تربية الطيبين اللي عندهم تقدمي الرجل على نفسك وعلى اهلك وعلى صحتك وعلى كل احد وتربينا على حاضر وعلى عيني وراسي وتربينا على ان الزوجه السنعه ست البيت الشاطره هي المطلوبه والمرغوبه وكل هذا في هالايام ماعاد يعبي عين الزوج ماهمه حرمه سنعه وتطبخ كل الاطباق العالميه والشرقيه والغربيه ولاعاد تهمه اللي حاضر ياسيدي وامرك ياتاج راسي لا
تلفت نظره وحده تلبس وتكشخ لنفسها مو له وحتى ماتاخذ رأيه ابدا لانها واثقه من نفسها ليه تساله ايش رايك عجبتك؟ لا ماعمره سمع هالسؤال منها
لهالسبب حابه اعرف حتى استفيد وتستفيد غيري كيف تكوني انت اولا واخرا ومن بعدك كل البشر بدون تكبر ولاتعدي ولااهمال
كيف تنفذي نصيحة الاخوات اهتمي بنفسك يلحقك ايش ممكن الوحده تعمل
وطبعا اولا واخرا وانا عارفه المحبه من الله بس كمان مانجلس نتفرج ونقول خلاص المحبه من الله اذا حبني مابيشوف عيوبي واذا ماحبني ماحسوي شي الله كاتب كذا
مااعترض لكن نبذل الاسباب
هل انت مع هالنصيحه؟ فيكم وحده نفذتها واكتشفت انها نصيحه من ذهب ؟ طيب اعطونا تجارب وايش ممكن الوحده تسوي حتى نقول عنها والله هالزوجه مطنشه زوجها ولاحقها
ايش مفهومك لهالتطنيش ؟؟ وهل له وقت محدد والا على طول
موضوعي للنقاش
ورجاء حااااار اللي مو عاجبها موضوعي ممكن تتفضل بدون لاترد مااجبرها واللي عندها اعتراض او كلام ياليت يكون في حدود الادب والاحترام لاننا نتناقش مانتحارب
ودمتم بود

30 تعليق 6,392 مشاهدة

شاركي في النقاش

سجلي الدخول لإضافة تعليق.

التعليقات

27
  1. @loolo_loolo

    لا حبيبتي المعادله بهذا الشكل خاطئه
    الموضوع نسبي
    لا تطنشي ولا تلحقي
    كل مافي الحكايه
    ان الحياه بصفه عامه قائمه على مبدأ
    ( اخذ وعطاء )
    اعرفي واجباتك واديها على اتم واكمل وجه
    بالمقابل لا تتنازلي عن حقووووقك
    عليك واجب ولك حق !
    كرامتك دافعي عنها
    لا تمشي ورا مبدأ بعض السلبيين بانو لا كرامه بين الزوجين
    لان الكرامه اساس تعاملات البشر
    لان الرجل الحقيقي والزوج الناجح
    هو اللي يحافظ على كرامتك من اصغر خدش

    باختصار
    الرجل يحترم الانسانه اللي تحترم نفسها
    من منطلق عز نفسك تجدها !
    و لو مااحترمها من دافع كونه محترم
    بيخاف من ردة فعلها من منطلق ناس تخاف ماتختشيش !

    من الاخر لكل امرأه
    كوني انسانه كامله لاتضيعي نفسك
    وتتنازلي عن انسانيتك عشان رجل !
    ابني حياتك الزوجيه على اسس سليمه مهما كان تأسيسها صعب
    العبره بالراحه بعد التعب 🌹
  2. @faith_5

    الاحظ كل المواضيع اخرها تنبه كاتبة الموضوع انه مالي داعي للردود الهجوميه والتزام الادب والاحترام،،
    صارت الوحده تخاف تحط موضوع حتى لو نقاش زي موضوعك وتجيها صورايخ ارض جو تعدم ابو الموضوع،،

    عموماً بالنسبه لموضوع طنشيه وعيشي لنفسك ولحياتك مااحسها تنفع كل الرجال وتناسبهم ،،
    المفترض الوحده اذا قرت نصيحه تشوف هل تناسب حياتها وشخصيتها وشخصية زوجها ؟
    طيب تجربها فتره وتشوف هل جابت نتيجه ؟
    لو ماجابت نتيجه ماتستمر في التنفيذ علشان الكل قال كذا ،،،
    هم ماهم عايشين حياتك ويعرفون ظروفك ،،
    لازم يكون في ذكاء في تطبيق النصايح مو خبط لزق معد اعطيه وجه واهم شي خرجتي ونفسي واهمله واهمل بيتي واولادي علشان اثقل عليه ويلحق وراي ،،
    هذا تقصييير مو حب للنفس ،،
    الرسط حلو في كل شي ،، 
    حاولي تعطي قد ماتاخذي بدون تضحيات كبيره علشان ماتنغبنين في لحظه بعدها ،،

    في رجال ممكن الاهتمام فيه تخليه يعطيكي اكثر ويريحك اكثر ،،

    الزوجه المفروض تقرا بذكاااااء وتشوف اش اللي يناسب اما اي نصيحه اروح اطبقها في حياتي بدون مااشوف هل هذا يناسبني ويناسب وضعي ؟

    عموماًّ هذي النصيحه تعطى للي ماعندها تقدير لذاتها او وقت او حب ،،
    اللي تعطي زوجها وحتى لو مايستاهل ويقدر ،،
    الرجال عموماً مايحتاجون عطاء زياده عن اللزوم والمراة تحب الاغراق والمبالغه في كل شي ،،

    الوسطيه جميله ،،
  3. @roaby111

    يقولك الرجل مثل الكوره شوتيه ويرجع لك لكن فيه متزوجات ماتفهم ولاتطبق صح ف تلقينها تسمع نصايح البنات وتطبقها وبالنهايه زوجها يقلب عليها ومشاكل وووو لانها مالعبتها صح مانقدر نشرح لانو المسأله ذكاء وتعتمد على شخصيه زوجك واطباعه

تابعي تجارب أخرى من هذا القسم.