يا حليلكم توكم تفطنون!! عيل ما لاحظتو شجون الهاجري في مسلسل دنيا القوي؟ مسويته ناعم حرير تهفين عليه يطير:) وعلى فكره الطريقه هذي مريحه الي اهيا ماي الذهب الستريت دائم يقعد جذي مده طويله تغسلينه تعفسينه يقعد حرير ما يتغير واكثر شي يسونه الحين العرايس بعد العرس عشان ما تتعب بالكشخه جدام اهل ريلها 24 ساعه شعرها مستشور وجاهز ههههههه بس الي اعرفه انه يحت الشعر مع ذالك انا اشوفه ستل كول ولا شرايكم :)
خل ازيدكم من الشعر بيت لما كنت بماليزيا كنت الاحظ الصينيات هناك كلهم شعورهم ستريت سيده ناعمه طايحه وكانت شعورهم تعجبني واقول يا حظهم شعورهم من الله عدله ههههه ليما مره سالت وحده وقلت لها وناسه شعوركم جذي صج راحه جان تقولي نوووووو احنا نسويها بالصالون!!! اقولهم كلكم!! ماكو وحده شعرها جذي! قالتل لا شعورنا عاديه بس كلنا نحبها ستريت جذي ! عاد هناك ماكو وحده الا مسويته الظاهر رخيص هناك ويطول مالت على ما سويته هناك! بس صج انهم تقليدكو كلهممممممممممممم عاد!! ههههه ما يغشمرون ها! لا هبو بالشي هبو كلهم فيه :)