شاركي في النقاش

سجلي الدخول لإضافة تعليق.

التعليقات

2,002
  1. صمت القرار
    مدري ها الكشف عن التشوهات يخوف واحنا وصلنا بالحمل ها المرحله ومانقدر ننزله حرام ونجلس مكتأبين وحزنانين ومانستفاد شي
    صمت وحده اعرفها نزلت جنينها وهي باخر الخامس .. بعد ما ثبتوا انه جنينها خلاص الله يحفظ اجنتنا مشوه .. والحمدلله بعدها ربي رزقها اثنين ورا بعض كلهم بخير
  2. @lotaa

    almoooon
    احنا نسوي السونار العادي .. وكل مرينا بشهر من الأشهر يكشفون ع شي .. مثلا الشهر الثالث كان الله يبعده عن بيبياتنا المنغولي .. والشهر اللي بعده اجزاء القلب كامله .. والشهر الخامس الكلى والمعده .. وبعدها اجزاء المخ .. وكل شهر لازم يشوفون القي…
    بنات يعني هو تصوير عادي مثل السونار ولا شي ثاني 
    وربي خايفه 
  3. @smaaana

    انا سويته التشريحي في حملي وطلع الجنين مشوه تشوهات بلقلب لكن ماكمل الحمل توفي في الشهر السابع وطلع اسباب التشوهات كسل الغده والحمد لله عالجتها وحملت بعدها الحمد لله ساليمين
  4. لوتاا
    بنات يعني هو تصوير عادي مثل السونار ولا شي ثاني  وربي خايفه 
    ولا تخافين ولا شي توكلي ع الله .. ان شاء الله تولدينه سليم ومعافى وتفرحين فيه .. انتي قالولج شي ولا شكوا بِسْم له عليج معاج شي ؟؟ اذا ما قالولج لا تخافين ولا تحاتين جنينج ما فيه الا العافيه الله يقومج ويقومه بالسلامه
  5. @am_bybrs

    ما شاء الله صرخه وباقي البنات الي عرفو الجنس
    الف مبروووك االله يبلغكم شوفتهم بالسلامه


    المووون
    الف مبروك البنوته الله يفرحك شوفتها بالسلامه
    بالنسبه للاسم استخيري بس لو منك اسمي غاليه



    شوقلاطه
    الحمدلله ان بناتك عند امك يعني لاتشيلين همهم و متى مابغيتي رحتي لهم
    والله يرحم ابوهم ويغفرله ويصلح لك بناتك



    كوب كيك
    الف مبرووك تفوق بنتك ومنه للاعلى وعقبال الجميع وتستاهلين شهادة الشكر
    ياربي حزنت على البنت حقدت على حماك ليه ما اخذها معاهم يتيمه ياقلبي
    بالنسبه للاظافر انا بعد مثلك تطول بسرعه وتتكسر مع اني آخذ فيتاميناتي



    جانو
    مبرووك الحركه وعقبال شوفته بصحه وعافيه
    اما حلمك فطست من الضحك الله يسعدك مالقيتي الا مستشفى مبروكه ومحضوضه هههههههههه
    بالنسبه لبنتك عادي كثير بنات كذا ومع الوقت تكبر وتعقل الله يخليها لك



    ورد الحب
    ان شاء الله خير الله يرزقك بتوأم اولاد



    دانتيل
    وانا من رأي االبنات روحي سوي سونار وارتاحي من التفكير والله يرزقك الي في خاطرك
    الله يرحم ابوك ويغفرله ويجبر قلوبكم



    الشواقه
    ما اعرف عن المثبتات بس كثير اعرفهم ياخذونها ويولدون طبيعي



    شجون
    هلا فيكم اخبارك



    شموخه
    لا تزعلين اكيد بالغلط و الجنه مابتقصر الله يعطيها العافيه
    ومبروووك الولد الله يفرحك بشوفته بالسلامه


    كيلو ورد
    ما اذكر صراحه بعيالي يمكن الي حملها قريب من بعض تفرق



    لحضه
    سلامتك حاولي تاكلي زبادي مع ثوم
    وتشطفي بماء وملح و منقوع المر كمان ممتاز بس ما اعرف اذا عادي تستخدمه الحامل تأكدي قبل



    ابتسام
    ماشاء الله مبرووك الولد ربي يتمم لك على خير



    اميرة باحساسها
    الحركه في البدايه تكون قليله ممكن يوم ويومين لا ولا تبان الا اذا كنتي منسدحه ومع الوقت تصير اوضح
    واكثر



    مريوومه
    الله يهون عليك الوحم ويعدي هالايام على خير


    روح ابوها
    الله يشفيك ويطمن قلبك



    جانو
    بالنسبه للاسماء احسها مسألت ذوق عني ماتعجبني الاسماء الثقيله للبنات احب اسم البنت يكون ناعم ودلع
    ويكون يمشي مع جيلها



    امووول
    اسم ريتال حلو وعندنا بالعائله اذا عاجبك سميه



    فوفه
    جمانه احلى



    انجنيت
    انا في اول الخامس وطلع لي كرشه صغيره ماتبان مع اللبس الا اذا كان ماسك على الجسم شريت لبس حمل اصغر
    مقاس وطلع كبير وشكلي غلط يبيل كرشه اكبر هههههههه
    الاسماء مره حبيت الين ناعم وكله انوثه و الحارث حلو وثقيل
    الله يرزقك الي في خاطرك



    رماد الصمت
    سلامتك والله يطمن قلبك



    ندى
    الله يكتب لك الي فيه الخير طبيعي او قيصري اهم شيء تقومي بالسلامه انتي والبيبي



    لوتاا
    انا موعد السونار بعد اسبوعين اكون بالاسبوع ال 21 والدكتوره محرصتني ما افوته تقول مهم ويكشف اي مشكله
    او تشوه عند الجنين الله يحفظ اجنتنا ويرزقنا اطفال سليمين تامين الخلقه بلا زياده او نقصان



    حور
    حاولي معه قولي الولد على ابوك اما البنت خل نختار لها اسم يناسب جيلها
    واذا ما رضى الله يعينك اهم شيء اسمها حلو

تابعي تجارب أخرى من هذا القسم.