مرحبا بنات
انا حامل واخر دوره كانت بتاريخ 5 مارس
رحت قبل اسبوع لاستشاريه وحاولت تشوف الجنين مابين وسوت لي سونار من تحت وبين وقالت كل شي طبيعي
امس رحت السوق وطولت امشي ولما رجعت صار بيني وبين زوجي جماع وحسيت بمغص زي الطلق البارد ولما صحيت الصباح حصلت دم بس مو كثير وطلعت لعيادة قريبه فيها اخصائية وشربت 10 اكواب مويه الين مااحس ان المثانه بتنفجر وسوت سونار قالت مافي كيس حمل اصلاً من قالك انك حامل قلت طيب سوي سونار مهبلي وعطتني ذيك النظره اللي خلتني ابكي من الحزن ماعندها اسلوب حسبي الله ، قالت بحولك على مستشفى كبير وهم يسوون لك تحليل دم حق حمل ورحت لطوارئ المملكه وسوت لي سونار مهبلي وقالت الكيس موجود وعمره خمس اسابيع ويومين وقالت فالحاله ذي ترتاحين بس ماتحتاجين مثبت قلت دكتوره خايفه يطيح قالت عشان يرتاح بالك خذي المثبت لمدة شهر كل 12 ساعه واخذته ومازال الالم معي زي الالم الدوره اول ماتنزل ، دعواتكم ربي يثبت حملي ومين حصل معها كذا طمنوني
التجمع الأول لأحلي وأروع حوامل شهر نوفمبر وشهر ديسمبر 2015
متابعة النقاش، صفحة 318