كم رزقك الله .......من طفل معاق؟؟ معاناتي

اللي ابغى يوصل لك ان حياتك ما انتهت بمجرد أن عندك اطفال معاقين انا ما ادري وش نوع إعاقتهم بس ما يمنع انك تهتمين في نفسك وفيهم وفي زوجك لازم تكونين قويه شي صار وانتهى حزنك ما بغير شي وخليك قويه قدام زوجك بالذات ومتفائله ترى يستمد قوته منك 

ياعمررررري الله يعوضك خير ويكتب لك الاجر ولاحول ولاقوة الا بالله الدنيا دار ابتلاء ولاراحه وسعاده الا في الجنه 

يا أختي أهتمي فيهم وتقربي الى الله وانسي الحمل الحين مو وقته وحده معها6كلهم اطفال معاقين وتهتم فيهم قدر المستطاع وديهم مراكز علاج طبيعي وسجليهم بجمعية الأطفال المعاقين مررره حلووه وسجليهم بالتأهيل عشان يعطونهم راتب واهتمي فيهم واهتمي قبله بربك وبصلاتك واستغفري كثير وإن شاء الله ربي يفرجها عليك ويرزقك ويشفيهم يارب اهم شي العلاج الطبيعي يساعدك كثيير ويساعدهم يخفون ويتحركون 

وانتي الي تقولين عيشي حياااتك وحطيهم في التأهيل الشامل وزوريهم كل يووم ماعنددكك قلب ابد الحياه نعيشهااا مره وحده لاقابلت ربها بكره وش تقول له خليتهم بالتأهيل وازورهم بين فتره لفتره حبيت اقول لك فكري قبل تكتبين اي شي وشوفي باليوتوب مراكز التأهيل وش يسسووون بالمعاقين عذااب وتعذييب حرام شلون له قلب الوحده تجلس ببيته مرتاحه وتاكل وعياله ماتدري وش صار بهم الحين اعوذبالله
في ولد معاق كبيير به اعاقه عقليه وتوحد امه معه بس هي كبيرره بالعمر جابت شغاه لاكن هي الي توكله وكل شي يصير قدامها عشان مايصير للولد شي حرمه كبيره سكرر ووعمره حول60واكثر ودته التآهيل وجلس فتره وتزوره تقول تغييير ونحف ورجع انتكس ومايبي يتكلم معي اذا زرته)زعلان ومن حققه وحتى صار بعربيه يدفونه ماقدر يمشي من الأدويه الي يعطونه منومه وكذاا اخر شي طلعته للبي ورجع بعد شهور يمشي وزانت صحته وتغيير حيل 
'وووحرررام تحطونهم بالتأهيل سكن شوفوا البلاوي الي باليوتوب والإهمال 

اسأل الله العظيم رب العرش العظيم ان يشافي ابنائك وان يعوض عليك بالخير الوفير،وان يعينك على تريبتهم التربيه الصالحه
لامست من خلال كلامك صبرك ورضاك ماشاء الله بما اصابك وانك انسانه مؤمنه بقضاء ربك فهنيئا لك واسأل الله ان يزيدك ويربط على قلبك
ثقي ثقه تامه عزيزتي انك كلما تقربتي الى ربك بصبرك على هذا الابتلاء سيجازك الله راحه وطمأنينه تملأ قلبك فلا تشعري بحزن ابدا،بل ستجدين السعاده في كل عمل تقومين به من اجل ابنائك،،،ولن يكون هناك ادنى شك في ان العوض قادم ان احتسبت الاجر
لو قلبتي التظر فيمن حولك ممن اصيب باعاقه ستجدين ان الله من الله عليهم بعلم اورفعه او اي شىء حسن ،
اتعرفين عمار بوقس كيف هو الان حافظ لكتاب الله والاول على طلاب جامعته واصبح صيته في كل مكان هل تعلمين كم هي سعادة والديه الان ولو عدنا للوراء حين ولادته تلك اللحظات الحزينه والمفجعه لامه وابوه ولكن حتما انهم صبروا واسترجعوا وشجعوا بالرغم من ان حالته من الحالات النادره في العالم
والامثله كثيره جدا حتى من مجتمعي رأيت من صبر على اعاقة ابنائه والان هم سبب رفعه له
وفقك الله واعانك وسدد خطاك

يا اختي اكلمك من تجربه ليش معيشه عمرك بهم عيشي لنفسك واولادك واهتمي بنفسك لا تحكمين على روحك بالموت وانتي حيه وحبي اولادك حتى لو معاقين ان شاء الله انهم عند ربي احسن من البنات ومن غيرهم حتى البنات تراهم هم وغم وممكن توطي وجهك بالتراب حتى السليمين من الاولاد ممكن يكون عاق او راعي قتل او مخدرات وبلاوي ما ابتلاك ربي الا لحكمه يعلمها سبحانه وخلي ببالك ان ربي صرف عنك شر اكبر من اعاقتهم
وجاهدي بالعنايه فيهم والاهتمام فيهم وبنفسك واعتبريهم باذن الله طريقك للجنه وجيبي لك مربيه او شغاله تساعدك عالاقل بشغل البيت اذا ما تبينها تقرب منهم والله يكون بعونك ويعوضك ربي باولاد معافين ومن اهل الصلاح يا رب.