شاركي في النقاش

سجلي الدخول لإضافة تعليق.

التعليقات

42
  1. مافيه شيء يقهر خلاص هم لهم عالمهم الخاص وانت كذالك لك عالمك الخاص والرسميه بين السلفات اشوفها افضل ومن دواعي السلام
    وماوقفت الحياة على سلفاتك عندك زوجك واهلك وصديقاتك
  2. صاحبة الموضوع
    شكرًا لكل البنات اللي ردوا و**** لله اسمع كلامكم وش علي منهم ورح احاول أطنشهم ومالي شغل فيهم 
  3. @ksh_mbtorh

    الحين وش تبين فيهم
    يعني تبغين تروحين معهم بالغصب؟؟اكيد لا
    يعني يقهرونك؟؟ومن هم علشان يقهرونك الحين فيه سوء تفاهم مع وحده منهم وحاز في خاطرك انها لقت غيرك ..
    بالطقاااق
    عيشي حياتك واحذفيهم من راسك
    لا تقولين صعبه
    اجلسي مع نفسك جلسه وعززي ثقتك في نفسك انك مو محتاجه لهم
    لك زوج
    وبيت
    واهل
    وصديقات
    وش لك فيهم اجل خليك اذا اجتمعتي معهم بشوشه لكن رسميه لا تطلعين خبر من عندك جديد علشان تلفتين انتباههم انتبهي او تحاولين تعلين صوتك علشان يسمعونك او او. او.
    اهم شي ضحكي وسولفي بسوالف عامه وغسلي يدك واطلعي واطوي صفحتهم مجرد خروجك من مكلسهم وشوفي حياتك
    اطلعي واعدي صديقاتك نادي اهلك عندك روحي مول حلو روقي فيه
    اما سلفاتك ابدا ابدا ابدا مااحب العلاقه اللي فيها ميانه معهم
    تراها سلفتك ومهما قلتي شي راح تطير عيونها حتى لو كانت افضل منك عيشه
    خلاصة الموضوع
    ابركها من ساعه اذا العلاقه رسميه بينك وبين سلفاتك
    وعيشي حياتك ورفهي نفسك ودلعيها
  4. @sndok_bryd

    طيب ؟
    واذا طلعوا وصاروا صاحبات ؟
    حبيبتي هم حسوا انهم متوافقات ومرتاحات مع بعض مو معناته انك فيك خلل او مشكلة
    بس ما توافقتي معهم وتفكيرهم
    نقطة على السطر
    يعني مو مشكلة منك او منهم
    واذا اهل زوجك مستغربين مع الايام بيتعودون واصلا اريح لك بكره لو تخاصموا وطلع الكلام الشين بتكونين انت في السليم
    وغير كذا وذاك ترى الموضوع مو لازم يعدلون واذا طلعت مع سلفتك تطلع معك
    بينكم التعامل الرسمي والعزايم الرسمية
    وغيره الطلعات الغير رسمية او الدعوات الفردية امر يخصهم
    وترى اقولك هذا الشي من تجربة
    الوضع جدا عادي
    ومدام يقدرونك في المناسبات ولا جاك منهم أي تصرف سيء
    ما عليك منهم ولا تتبعين اخبارهم وطلعاتهم وحركاتهم
    واذا سمعتي عنها ابتسمي وقولي ماشاء الله الله يهنيهم
    وبس

تابعي تجارب أخرى من هذا القسم.