(بقدومه هلت البشائروصوته هز المشاعر) تبآشير لإروع موآليد مآيو & يونيو

سوسو الله يسهل عليك
انا اول مادخل التاسع ان شاء الله اجهز الشنطة والأعشاب وبنفس في بيتي شنطة السفر والاهل بعد ماطلع بالسلامة وارتاح أسبوع لأَنِّي بقضي الإجازة عندهم وانتظر بنوتاتي يعطلون وأخذ نتيجتي وأروح ☺️

فيديو YouTube👶🏻😭💏🌹

بنات شوفوه

بنات

أنا مررة متضايقة ومقهووورة وأبغى افضفض ..
وماعندي بعد الله الا انتم

ماني قادرة أشتكي لامي وابوية( اللي فيهم مكفيهم ) ولانهم في منطقة ثانية ..

ولا ني قادرة أقول لأخواتي ( كل وحدة عايشة بهمومها ) الله يكون بعونهم ..

بيني وبين زوجي مشاكل بين كل فترة والثانية..
عايشة مع زوج ،، ولاني عايشة

من أول حملي اللي ببطني ( أقسم بالله ماسأل عليه ،، ولا قالي ايش نفسك فيه ؟
ولا قالي كيف حالك ؟؟
ولا يشوف طلباتي ؟؟ )

عشان ما أظلمه .. هوه يشوف طلبات البيت واولاده..
وأنا تحصيل حاصل ..

ومن أول ما حملت : قالي كيف حالك مرة وحدة بس ... وربي شاهد عليه ..
واذا طلبته اي حاجة ليه والا للبيت : قالي ادفعي فلوسك واجيب لك

زوجي ماكان نفسه أحمل
وتصرفاته هذي حسستني إني حامل من الحرام .. استغفر الله ..

والله العظيم إني أصحى في الليل من شدة الألم والطلق من الشهر السابع ... والاقيه على جواله .. وعمره ما قالي سلامتك ..
والا تبغي مستشفى ؟؟
ولا حتى يطالع على جهتي ..
وكأني خشبة جمبه ..

يطلع الإستراحة مع أصحابه وما يرجع الا على أذان الفجر
واغلب الايام يرجع بعد الصلاة ..

بنات .. والله العظيم أنا ماني محتاجة الا كلمة حلوة وطيبة .. محتاجة رجاااال في حياتي .. محتاجة حنان منه بس..

اشبعته حب وحنان ،، وهوه أشبعني تطنيش وعدم إهتمام
والله إني اشتري له هدايا من أغلى الهدايا
والله العظيم ليه وقفات معاه : ما ينساها طول عمره
وانا ما ابغى أتفضل عليه : لاني سويت أشياء كثيرة له لله بس ..
لكن للاسف .. مالقيت أي ثمرة للي سويته..

طلع لي قبل فترة بنغمة جديدة ( إني لازم أدفع راتبي كله في الايجار والمصاريف)
ولو مادفعت راح يتركنا ويروح يعيش في الإستراحة ،،،

وقبل اسبوع وداني السوق أقضي اغراضي وأغراض النونو .. وحتى سرير النونو ما اشتراه ..

ولمن رجعنا من السوق .. حصل بيننا مشادة بالكلام .. وقالي أنا ماني خدام عندك،،، ولعني ولعن أولادي وطلع برا البيت وماشفناه غير اليوم الثاني .. دخل يلبس وطلع ..

واليوم المغرب طلع .. وماحيرجع الا بكرة


آآآآه يا بنات مقهوووة ..
حسيت إني عبأ في حياته
ماعاد أقدر أطلب منه شي ليه ..
محتاجة أغراض من الصيدلية ،، ماني قادرة أطلبه ،، ولاهوه اللي يقول ايش ناقصك ؟؟
نفسي اطلع معاه أي مكان .. نفسي يجلس معاية يكلمني وأكلمه ..


اهلي بعيدين عني ،، وأخواني كل واحد في ديرة

ماعندي بعد الله الا هوه
وجالس يذلني بعيشته معاية .. ويقولي انه مستحملني من أول ما تزوجنا ..

حياتي معاه ماعاد اقدر عليها .. وربي شاهد..
صار وجوده في حياتي مجرد محرم بس

والله العظيم إني صرت أتمنى أعيش أرملة ولا أعيش تحت رحمته

ما أقول الا حسبي الله ونعم الوكيل وكفى..

الله يفرج همك يارب ويساعدك
يعني زوجك كل تعامله معك عشان حملتي ؟ الله يهديه بس
شوفي انا والله ماراح اكذب عليك صارت مشاكل بحملي ذا
مدري انا تفسيتي تعبانه والا زوجي يتقصد انه يضايقني عقبها طنشته وكانه هجد

انتي ماقد كلمتيه وتفاهمتي معه
اساليه ليه يسوي هالشي
بس عشان حملك والا عشان ايش
يعني والله مافيه مبرر للي جالس يسويه
بالنسبه لراتبك ليه يبيك تدفعين ؟
راتبه هو وين يروح فيه عليه قروض والا ايش

شوفي انا مقدره احساسك ومشاعرك وكمية القهر اللي فيك
بس طنشي وخليك طبيعيه اهتمي بحملك وبس
لاجاء لايشوفك الا مبتسمه والعبي مع اولادك والا سولفي والا اي شي
المهم بيني له انه اخر همك كود يهجد ويفك عنك على الاقل بكلامه بدال مايجلس يلعن


الله يفرج عليك يارب

ياعمري ام ثامر انتي اهتمي بنفسك لك واهتمي ب أطفالك وصحتك هم كذا تجيهم حالات الله المستعان فطنشي لاتعبرينه ولاتهتمين له ولاتبيني حاجتك له وراتبك اصحك تعطينه منه القوامه عليه حتى لو تركم يهدد بس ماحاصل له وبالشرع لو انك مليارديره هو اللي يصرفك ويسكنك ودامك موظفه ولا انتي محتاجة راتبه وهو مهمل تعاملي مع تاكسي واطلعي انتي وأطفالك وتقضي وقبل خبريه انك طالعه اعتبريه جدار في البيت واحنا النفسيه بعد مع الحمل تصير داون وحساسين مره

والرجل بصفة عامه ماينعطى وجه مره بيشوف حاله ويبي اكثر ويتصرف ب أشياء ترفع ضغطك لانه طمع بالعطاء اكثر ف انتي طنشي وجربي سياسة اللامبالاة وان وجوده وعدمه واحد وبتحصلينه يجري وراك ويدور رضاك

وربي يفرج همك ويساعدنا ع نفسياتهم ويسهل لنا