شاركي في النقاش

سجلي الدخول لإضافة تعليق.

التعليقات

45
  1. @26_1

    هي تنرحم لان فيها هالمرض

    بس انتي ما تنلامين هذي نتيجه 20 سنه من المراعاه و المداراه و كظم الغيظ

    وما نفع معها يمكن عشان ذهنها مضطرب

    و انتي اخذك الغضب و ضربتتيها

    لكن استغفر الله ما تنلامين كل شي ولا ان الام تبكي بسبب شخص

    معليش ترى حتى امك ماهي ملزومه تتحمل كل ذا

    الحين وين اخوانها الثنين ...؟؟؟؟؟

    و بقولك شي ترى المضطرب ذهنيا اذا توفى الشخص الي رباه و يعرف لمزاجه

    احيان ينتكس .... و يضطرب اكثر ..... تعرفين هم ماعندهم قدره عالتكيف زي الباقي

    خذي بنصائح االاخوات ممكن التنويم بمستشفى صحه نفسيه يكون خيره لها

    اصلا ممكن ضربك لها خيره لها .... عشان توعى و تكف عن ازعاج امك و شتمها و ضربها ..!!!
  2. @royal_lady

    الله يكون بعون امك .. ويفرج همهم ويشفي اختك
    والله اني مقدرة وضعكم اللي انتوا فيه ,, لأن عائلتي تمر بنفس الوضع بالضبط
    والله ان الناس لا يصدقون ويظنون ما نقوله مبالغة , والله كل ما قلتيه انه في اختي

    يا الله :( الوضع جدددددا لا يمكن وصفه , كلنا صرنا نكره نجتمع ببيت اهلي
    وبلغنا الناس ما يجوا وصلت لمدة اليد على الوالدين والاخوة وزوجات الاخوان
    والله اننا محرجين جدا مما يحدث , لكنه ابتلاء من رب العالمين اسأل الله ان يفرجها
    علينا وعليكم وعلى كل مسلم .

    والله اني لما اضحك او انبسط اتذكر عائلتي كيف يعيشون في جو كئيب وحزن
    ومضاربات بشكل يومي ولا استطيع ان ابتسم , اثرت على حياتي الزوجية لأني دائمة
    التفكير بأهلي


    ترفض ان يزور اهلي احد لأنها تظن ان الجميع يكرهها ويحيك المؤامرات ضدها
    وبنفس الوقت لا تريد اهلي ان يزوروا احد , لدرجة وقوفها عند الباب ومنعهم من الخروج
    ومضاربتهم , وتتكلم بأمور شخصية سيئة لا يمكن ان يتكلم بها انسان عاقل على رؤوس الملأ
    ودون ان تشعر بنفسها .

    وما تعاني منه هو نفسه المرض انفصام شخصية ثنائي القطب

    واحسن حل هو تنويمها بالمستشفى لكن لا يوجد من يساعدنا لا يوجد مركز ممكن ياخذها
    وينومها ويريح اهلي من هالمشاكل والدوامة اللي هم فيها ..


    الحل الوحيد هو تنويمهم في المستشفى وعلاجهم هناك , كل يوم يتأخرون فيها
    عن العلاج الوضع يتأزم اكثر وهذا كلام الطبيب , لكنها ترفض للذهاب للطبيب
    آآآه قلبت المواجع علي :( اسأل الله لنا ولكم الفرج العاجل
  3. @mngo

    البنت مريضه و نفسيتها تعبانه و ماعاشت عيشه مثل الأوادم بين أم و أب
    فقدت أمها و أبوها تزوج و كانت ضحية جده تحشيها بأفكار وكلام سيئ عنكم و عن أمك
    و فوق ذاااا كله مريضه نفسيا
    بعد هذا كله تعتبون عليها و تواخذونها على تصرفاتها و كأنها بكامل قواها العقليه !!!؟

    لا يا أختي لازم تصبرون عليها و تحتونها و لا تستفزكم سلوكياتها ولا كلامها طالما عارفين وضعها النفسي ..
    ضربك لها غلط و تلفظك عليها بعد غلط
    لازم تصلحين غلطك و تتقربين منها و تعتذرين لها حتى لو ماتقبلت بس حتى تريحين ضميرك
    ولازم تتحملونها ما يكفي الدنيا بهذلتها ؟!
    ولازم تعالجونها من جديد ....
    ومالكم غير الأجر يا أختي ....
  4. الله يشفيها ويعافيها شي محزن للغايه
    كل ما عشتوه معاها انتم مؤجورين عليه والله يعين امك ويعلي مراتبها فالجنه تتحمل شي لا يطاق ..

    استغرب اخوانها فينهم عنها ؟؟؟؟

    بالنسبه لضربك لها ما الوومك صار بسبب تراكمات 20 سنه بسس برضو شي خطئى وبصراحه شي يقههههر اللي تعملوغلطه جدتها انتو اللي بتتحملوها... يالله شي عدى وخلاصص ..
    انت دحين حاولي تقربي منها عشان ما تنتقم ف امك هيا مريضه واي شي ممكن تعملو بدون عقل استسمحي منها واعطيها هديه او اي شي تحبو عشان ترضى .. ولازم تزور المستشفى باستمرار وتاخد علاج وما تهملون وضعها ...
  5. @cosmos

    الله يعينكم عليها صحيح هي مريضة نفسية بس ايضا نفوسكم البشرية لها حد، يعني لو طفل تصرف بهالطريقة الواحد يرتفع ضغطه فكيف وحدة كبيرة
    مالك الا الدعاء والصدقة بنية انها تكفيكم شرها وانه يهديها

تابعي تجارب أخرى من هذا القسم.