ايش هي الاخطاء اللي نتجنبها بعد العملية القيصريه خاصه اللي ماتعرف ايش تتصرف مع العملي

السلام عليكم
انا عندي موعد يوم السبت الجاي ومن ضمنها يحددولي اني يمكن اولد بعمليه لاني الجنين معترض
واحتمال كبير انه مابيتعدل الله كرييييييييييم
وانا خايفه فعلا من مخاطر مابعد العمليه لاني انا جهزت لنفسي اغراض ولهومات للولاده الطيعيه فاايش اسوي هل اتبع نضام النفاس اللي تتبعه اللي والده طبيعي
وطيب كيف اتعامل مع جرح العمليه وخاصه عندي معلومه ان لازم تتجنب الغازات في البدايه لانها تألم العمليه وكيف يبرى الجرح من بدري واحافظ على نضافته
وسمعت انه اللي مسويه عمليه انه لاتشم روايح عطريه ولا بخور حتى لايصيب العمليه التهاب
هل استعمل المره والحلتيته يعني اخليها بجنبي عشان مايصيبيني الشمم ؟
وايش هي هي الوجبات والمشروبات اللي اخذها وقت مااكون في المستشفى ؟
اممممممممم اشياء كثيره مااعرفها ولااعرف كيف اتصرف معاها ياحليلي وحدانيه :hahaha:
الله يرضى عليكم اللي عندها خبرها في هذي الاشياء تعلمنا ولها الاجر الكثير من الرحمن
انشاء ماتشوفون مكروه
وادعولي ان الله ييسرلي وما ااسوي العمليه:)

11 تعليق 23,063 مشاهدة

شاركي في النقاش

سجلي الدخول لإضافة تعليق.

التعليقات

11
  1. @aogan

    الله يا شيخة يسهل لك بالسلامة وبعدين يمكن لو رحتي لداية تعمل لك مساجات معينة تقدر سبحان الله تعدل وضعية الجنين

    عموما لو قدر الله وكانت عملية الله يتممها على خير وتراها ماهي بهذي الصعوبة وسهلة للغاية والجرح حافظي عليه من الرطوبة بس مو أكثر يعني لا توصل له الموية مدة الستة أيام الأولى حتى ينشال الرباط من عليه وبعدين إذا أذنت لك الدكتورة بالدش عادي وبالنسبة للأكل عادي زيك زي أي نفاس لكن الرياضة بعد شهرين من العملية عشان ما تنفتح !!!!!!!!
    وبالنسبة للروائح ماعندي عنها خبرة ولا أعتقد بتأثيرها

    عموما يمكن البنات يعطونا اللي عندهم ويفيدونك كمان

    الله يسهل لك

    تحياتي
  2. @am_aabdol

    الله يسهل عليك ومثل ماقالت الاخت اوجان
    اما بالنسبه للروائح علشان ماتتاثرين واحتياطا اول ماتصحين خلي عندك مرره منقوعه بما وتمسحي فيها وخلي احد يبخ لك على منديل روائح مختلفه وشميها بعد المرره وان شاء الله ماهنا الاكل خيرررررر وتقهوي على المره والحلتيته يوميا والجررح لاتحطين عليه اي شي بس المطهر اللي يكتبه لك الدكتورر واي سوال انا في الخدمه
    وان شاء الله تولدين طبيعي
  3. @hlaa_alkoon

    صاحبة الموضوع
    أوجان
    مشكوووووووووووووووووووره يالغاليه الله يجزاك الخير الكثير
    ام عبدول
    مشكوره يالطيبه الله يوفقك
    كيف اتقهوى المره والحلتيته
  4. @am_aabdol

    شوفي يااختي تخلطين بعلبه (شوي مره ومحلب ومقل و عنزورت و مسمار (قرنفل ) والصبره مانضيفها الا بعد العشرين الاولى
    وتاخذين كل مره تقهوين شوي بقاع الفنجال وتصبين عليه القهوه وتشربينه
  5. @am_nosh_alhlo

    هلا اختي انا ولدت بعمليه بس تعبت شوي لان وزني كان زائد الدكتور يقول الاجسام النحيفه ماتتعب كثير بالعمليه الصعب القومه بعد البنج يومين تحسيك في حلم هذا الي انا حسيته والجرح بعد 14يوم الحمدلله خف كثير وصرت طبيعيه اضحك واسولف وامشي واجلس الجلسه الي تريحني بس انتبهي من اي شي ثقيل لاتشيلينه لمده 6شهور عشان سلامة العمليه والمره خليها منقوعه في ماء صحه واشربي اذا قمتي من النوم وشميه كل شوي

    وجارتي تقول انها ذوبت المر وسوت عجينه وحطته على عمليتها تقول مره زيين

    والاكل عادي اكلي مثل النفاس الطبيعي واشربي كمون ويانسون احسن عشان تنظفين

    وحاول تحبين شوي شوي مو بقوه عشان النونو لان وحده كان ولدها معترض وقامت امها قالتلها احبي وتعدل وضع الجنين

    ويارب انك تيسرلها ولادتها اامين وادعيلي انا حامل بالثاني وخايفه انو عمليه واتمنى اني افدتك ولا خوفتك لان هذي تجربتي بامانه

تابعي تجارب أخرى من هذا القسم.