شاركي في النقاش

سجلي الدخول لإضافة تعليق.

التعليقات

1,953
  1. @anaaaa_ghyyyr

    أناااا غييير
    دانا  الحمد لله ع سلامتك ومبروك البنوته ربي يحفظه لك ويصلحها 
    ام موري 
    صادقه ماشاء الله التباشير كل مالها تزيد 
    وكل ماشفت وحده كاتبه انها ولدت فرحت لها انها ارتاحت من الثقل والتعب 
    بس اجلس اشيل هم الولاده انا اليوم لي 11 يوم بالتاسع وإن شاء الله الخميس الجاي نازله لأهلي بولد هناك بس فجعوني البنات احس الاغلب ولد قبل وقته
    ويارب سهل علينا الطلق والوضع وتجعلها سلام بسلام 
  2. @yabaad_dlby

    زلفاوية111
    ماادري هل هي افرازات طاهره ام لا؟؟
    الحمدلله على سلامتك ومبروك اللنوته تتربى بعزكم 💃🎉
    والله من ذاك اليوم ننتظرك تدخلين تطمنينا
    الله يقومك بالسلامه ويخلي لك البنوته



    لا مويه الجنين تنكب كب ماهي افرازات ع كلام البنات
    وتكون ساخنه وشفافه واقرب مالها سابله اكثر من الافراز



    دام مافيه طلق
    او دم طاهره ان شاء الله
  3. @mshoshh

    السلام عليكم صباح الخير

    الحمدلله بفضل ربي رزقني الله بولدي (سالم )
    يوم الخميس 23/4/2015

    ونقلت لكم اكشن الولاده تحملوه بتفاصيله هههههاكشن ولادتي 😭


    فالبدايه اول مااخذت اسبوعين ف التاسع رحت اكشف الرحم فاتح واحد سم بس وكانت الدكتوره تقولي طبيعي يفتح واحد لان عندك ولادات قبل هذا

    وسالتها معاي امساك قالت عادي خذي خروع ورجعت لبيت اخذت خروع مع عصير وكليت اناناس 

    صابني اسهال الله يكرمكم مشى بطني مرررره ارتحت من هم الامساك ولا حصل معي طلق ولا شي 

    بعده بكم يوم اللي هو يوم الخميس صحيت الصباح بدري نظفت بيتي وقلت بروح لاهلي انام يوم واغير جو وانا اجهز اغراض بنتي وولدي والبسهم حسيت فيه شي دافي ينزل مني رككككض للحمام الا اشوف مويه وافراز شفاف مغرقني بس مو كانه حنفيه مثل باقي البنات نظفت نفسي وطلعت وانا امشي ينزل اكثر رحت كلمت زوجي قلت اخاف مويه الجنين وتنشف لان اول مره ينزل مني مويه دايم يجيني طلق ع طول رحت ع طول لقوى الامن طواري وكشفت علي قالت فعلا المويه تتسرب والرحم بس واحد سم ولازم تتنومين تحت الملاحضه ونولدك ف اقل من عشر ساعات بطلق صناعي لان ابد مافي طلق معي

    هنا حسيت اني مثل الطفل تايهه مدري كيف اتصرف 

    اعطوني تحويل لمستشفى رعايه الرياض ورحت نزلت بنتي وولدي عند اهلي ورحت لمستشفى وطلبت من امي تلحقني العصر

    اول ماجيت الطواري عندهم فحص ووووو

    قالت لي الدكتوره اللحين تطلعين للولاده ونبدا معك ع طول طلق صناعي لان المويه تنقص وانا ارجف احس اني بردانه من الخوف قلت قبل كل شي ابي ابره ظهر قالت اوك اذا فتح الرحم ثلاثه نعطيك

    اول ما حطوني ف سرير الولاده وركبو التخطيط وجاتني امي وعند راسي تدعي وتقرا علي والا الممرضه تقول فيه طلق خفيف حاسه بشي قلت شوي مره وبعده بخمس دقايق حسيت بمغص وتجي الدكتوره تكشف قالت ثنين وفيه طلق طبيعي يطلع ف الجهاز فرررررررحت فرحه لاني خايفه من الصناعي قالت ساعتين ونشوف اذا زاد الطلق خلاص ماراح اعطيك صناعي وبعده كل شوي يزيد الطلق وتكشف قالت بحرض عشان يزيد قبل تنقص المويه اكثر حرضت وفعلا زاد الطلق وفتح الرحم ثلاثه ودوني لغرفه العمليات وعطوني ابره الظهر وبعده بعشر دقايق صار الطلق يززززيد اكثر واحس فيه مااختفى مع الابره قالو لازم نخليك تحسين فيه عشان تقدرين تدفعين وتكشف بعد وتفك المويه اكثر ويفتح الرحم سته وانا احس الالم يزيد شوي شوي وبعده حسيت بشي فالحوض تحت مره واصرخ عليهم ههههه وتنادي الدكتوره اول ماباعدت بين رجولي قالت يالله ولاااااااده الراس قريب وتقولي يجي طلق دفي وانا احاول مااصارخ اخذ نفس وادف اخذ نفس وادف وكلهم دفي الراس طلع طلع وادف بقوه ويطلع حبيب قلبي الحمدلله وانا ف صدمه من كل شي وتوتر من كل اللي صار معي 

    الشي اللي بقوله ان الدكتوره سالتني انتي ماخذه شي لان عنق الرحم صار لين وهذا الشي هو اللي مخلي المويه تسرب بدون طلق والسبب الخروع والاناناس انتبهو يابنات من اي ملينات لعنق الرحم بدون وجود طلق توووووبه اسويها مره ثانيه ةاخذ شي 😭😭😭

    السموحه طولت عليكم مرررررره 💙💙

تابعي تجارب أخرى من هذا القسم.