راح احكي لك عن نفسي
كنت ابغى ادرس هندسه معماريه ببلدي لكن لاننا من عايله مشدده
والدراسه ببلدي اختلاط رفض والدي وانا عندت وضاع من عمري 3 سنين
وابوي كان يبغاني ادرس طب اسنان وانا مو ميولي الطب ابدااا
بعد 3 سنين قررت ادرس تقنية معلومات وفعلا درستها
تخرجت من شهرين والحمد لله
الاحباط والتحطيم لقيتهم من ابوي وامي واقرب الناس لي
لكني مستحيل استسلم لاحد لان هذي حياتي ومحد له حق يحددها غيري انااا
علما باني من مجتمع مقفل والبنت عندنا تدرس الثانوي وتتزوج موضوع الجامعه ذا مو عندنا
ومع هذا عاندت الجميع ولقيت صعوبات والله لو االف كتاب عنها كووود اوصفهااا
وهذا انا بدون زواج بسبب جماعتي تنبذ البنت الجامعيه المثقفه
ويتجنبوا الموظفه
وانا الى هذي اللحظه صابره وواثقه ان ربي بيعوضني برجل يساعدني اكمل دراستي واعمل واعيش بالطريقه الي تعجبني ..املي بالله كبير واسال الله ان يعوضني
ياشيخه صعب تدرسي او تسوي شي بحياتك انتي مومقتنعه به
لازم يصير عندك قناعه انك حره بحياتك وان محد له حق يرسم لك مستقبلك
مهما قال لك ابوك وحااول يحطمك
خلي كلامه دافع لك لتمشي قدام وتذكري تنبسطي بكل حاجه تسويها
وتعلمي الكلام الي يسمعونك اياه الي حولك وهو سلبي
تعلمي ماتدخليه براسك وخليه يمر باذنك مرور الكرام
تعلمي الثبات واحترمي اهلك وشاوريهم لكل القرار بالاول والاخير لك انتي
اسال الله لك السعاده والتيسير
فقدت طعم الحياه
متابعة النقاش، صفحة 3