ولدي والكلام اللي نساه

السلام عليكم ورحمة الله وبركاته
كيفكم بنات

بنات انا عندي طفل عمره سنه 4 شهور تقريبا قبل يصير عمره سنه كان يقول بعض الكلامات العاديه مثل فديته ودع = وجع
ماما وبابا موب كثير يقولها وينادي اخوي باسمه لان اسمه سهل بعد عمر سنه تعلم كلمة جده داداااه ونسى كل شي قاله قبل حتى ماما ماعاد يقول الا دادااه .... بس يفهم علي وش ابي منه وكلشي بالشقه يعرف اسمه مثل تلفزيون ريموت جوال وغيرها بس ماينطق اسمها وفيه شي ثاني يحب يبوسني كثير ابةه عاديه والناس الغير يحب يبوس الاطفال ةبعض الناس الكبار
مع العلم تسنيين متاخر للحين مافيه الا اثنيين


سوالي وش قولكم الامر عادي او لا ؟؟؟؟

10 تعليق 2,078 مشاهدة

شاركي في النقاش

سجلي الدخول لإضافة تعليق.

التعليقات

10
  1. @thl_alshab_1

    مرحبا،،
    شخصيا ما عندي فكرة..


    بس متى موعده الجاي للتطعيم؟
    إذا نفس نظامنا، قبل التطعيم يسوون فحص شامل للطفل، يقيسون وزنه وطوله وكل شي وتخبرين الأخصائية بكل ملاحظاتك عليه،
    وبعدين يحولونه لمتخصص يقيم وضعه إذا استدعى الأمر.


    المفروض في عمر سنة ونص له تطعيم يعني بعد شهر صح؟
  2. @zyt_omlh

    انا اشوف انه عادي بِسْم الله عليه و كويس انه يفهم ماشاءالله اسماء الاشياء مع انه عمره صغير ،، انتي حاولي تقولين له ماما و تخلينه يردد معـــــاكـ و بابا باستمرار و الله يحفظه لك
  3. @ryhan_ofl

    زيت وملح
    انا اشوف انه عادي بِسْم الله عليه و كويس انه يفهم ماشاءالله اسماء الاشياء مع انه عمره صغير ،، انتي حاولي تقولين له ماما و تخلينه يردد معـــــاكـ و بابا باستمرار و الله يحفظه لك
    طبيعي مره. بنت اخوي عمرها سنه وست شهور وماتقول ماما بس بابا وماتعرف اغلب اسماء الاشياء. ولدك ماشاء الله يعرف بعض الاشياء لاتستعجلي عليه خليه يختلط ب اطفال اكبر منه وقتها بتلاحظي انه يتكلم شوي شوي. الله يحفظه لك
  4. @dnya2011

    صاحبة الموضوع
    مررحبا فيكم

    ظل السحاب موعده الجاي بشهر 10 بعد رمضان ومضانيت يسوون له فحص لان المستشفى الي عندنا زفت يالله يضربونهم ابر ويمشونهم

    زيت وملح، ريحان وفل

    الله يطمن قلوبكم ويجزاكم كل خير
  5. @bayaa_almsk

    ولدي مثل ولدك
    عمره سنه وثمان شهور
    مايقول ماما ولا بابا
    ولا اسم اخته

    ولا اسم معين
    كل كلامه خرابيط وطشششش وطع

    بس كلمه وحيده يعرف يقولها ماء يعني المويه
    مره يقولها ماء ومره يقولها اوميه

    بس احاول فيه قل ماما ويضحك ويصد عني

    ويعرف ويفهم اذا قلتله جب الريموت جب مناديل جابهن
    بس مايتكلم

    واسنانه لا الحمدلله كلهم طالعات ماعدا الانياب واحد شاق
    وثلاثه لا منتفخين
    بدت اسنانه تطلع بعمر سنه على واحد
    وقالولي هذا هم الاولاد يتاخرون بكل شي
    بالكلام بالمشي بالتسنين
    وهو شقي وعنيد يحب العنف باللعب مع البنات
    ويكررررره الترويش
    تدرين اذا جيت اروشه متى اذا صرت عند اهلي اروشه
    لازم وحده من خواتي تمسكه لي وانا اروش
    يجلس يصرخ ويبكي بقوه ولا يوقف يبي هج من الحمام
    حتى اللي ماسكته يالله يالله ثتبته
    كنت قبل ثلاث شهور اروشه لحالي بدون تعب كل اي وقت اروشه
    بس جته صخنه وحراره مدتها اسبوع وكانت اخر مره عيت تنزل رحنا وسبحناه كان وقت بالليل الساعه 1 بالليل قان يصيييييح مايبي المويه لانها مو حار او مو دافيه عاديه شبهه بارده
    ومن بعدها وهو مايبي الترويش
    الحين اذا قلتله نروح نتسبح واسوي حركه بيدي على راسي انه صابون واقول نتسبح يقول لالالا ويهج
    مع اني احط له مسبح فيه مويه واللعاب كان يحب كذا بس الحين واللهلو تحطين بالطشت ابوي مادخل
    مدري وش السوات فيه

    انا الحين بلشه بالكلام والترويش

تابعي تجارب أخرى من هذا القسم.