مصاريف النفاس مين يتكفل فيها الاهل ولا الزوج؟؟

اذا ولدت بالسلامه اتفقت انا وزوجي يجيب اساسيات الضيافه 
تمر /هيل /قهوة /مويه قوارير /عصيرات وتوزيعات والمفرش حقي وسرير النونو والذبيحه طبعا شي اساسي بس رز وشاي وشغلات ثانية مايحوج واحب اكون خفيفه على اهلي وما اثقل عليهم يكفي انهم بيخدموني انا والنونو40 يوم وعلى كذا ادفع كمان ابخشش الشغاله حقتهم لانها بحق ماتقصر ابدا وبتتعب زيادة وقت الاستقبال واذا خلصت اجيب لامي ذهب 

سبحان الله 
فيه ردود تحترم اختلاف وجهات النظر والثقافات
وردود مادري ليش تحس ان اللي تسويه هي او اهلها هو الصح والمتعارف عليه واللي يسويه غيرها خارج عن اطار العرف والمألوف
اتمنى توسيع المدارك 
واحترام وجهات النظر او احترام عادات الاهل اللي احنا جزء منهم 
وكلنا نكمل بعض تحت سقف وطن واحد
اما بعض العبارات 
مثل خيير واهلي مادياتهم مرتاحة ولو اننا بمجاعه ومن هالكلام 

هذا ان كان يدل على شي فهو يدل على ضيق الافق والادراك للاسف الشديد

كل الاهالي مرتاحين لطبايعهم 
فيه اللي يخدمون بنتهم وزوجها ولا يطلبون شي منهم
وفيه اللي يخدمون بنتهم بس يكون متعارف ان الزوج يقضي بفرحته بسلامة زوجته 
وفيه اللي تطلع من المستشفى دايركت على بيتها وتقوم بنفسها وزوجها معها 

وسلامتكم 

على حسب عادات الأهل وكرم الزوج بس عندنا يجيب ذبيحة ويشتري أغراض الاستقبال أو يعطيها فلوس وهي تشتري بس المفرش والسرير وملابسها وملابس النونو والأدوية الحليب وحاجات الطفل أكيد عليه والله يكثر خيره


بس صدق وش سالفة البيض اللي تودونه لأهلكم أشوف كم وحده كاتبة بيض

لا حنا بس تجي البنت لأهلها

ماتجيب معها الا ملابسها وسرير البيبي والادويه فقط

أما اجيب السرير حقي معي لا

والاكل مايجيب الزوج حبة رز حنا الاهل يزعلون اذا الزوج جاب شئ

أما اذا الاهل حالتهم الماديه بسيطه عادي يجيب بس مو كل شئ عشان الاهل ما ينحرجون من فقرهم

الزوج هو اللي يتكفل بكل شي حتى لمناديل وحق الضيافه
وهذا الشي من الزوج نفسه وكرامته مافي وحدة اهلها بيقصرون