نداء عاجل الى بنات العين..... بنات زايد

كان ودي اساعدج بس ماعندي فكره اول مره اسمع عنه
والله يرحم ابونا ويغمد روحه الجنه

كان ودي اساعدج بس ماعندي فكره اول مره اسمع عنه
والله يرحم ابونا ويغمد روحه الجنه

هلا اختي

انا سمعت عنه بس نصحني البايع باستخدام زيت النعامه قبل لين يوقف التساقط وعقب استخدم زيت العنود
وان شاء الله اول ماجربه بخبرج عنه

الغالية حبيت في اول شي انبهج انه ما يجوز الحلف بغير الله وانت قلتي ( ورفجة ) فانتبهي لها يزاج الله خير

اما عن زيت العنود والنعامه انا سمعت عنهم من 5 سنوات واستخدمتهن انا وصديقتي لكن لا انا ولا هي استفدنا منهن ابدا .

نصيحتي لج سيري تجارة اهلا وبتحصلين عندهم زيوت هندية في واحد عليه صورة 3 حريم شعورهن طويلة وهن في بستان وفي زيت هيماتاج انا خلطت هالزيتين مع زيت جوزالهند وخروع وسمسم واستعملتهن في البداية ما حسيت باي تحسن الين ما سرت صالون الريم وهناك هزبتني الفلبينية قالت لي ان شعري محروق من الزيوت وجاف قلت لها يعني ما استخدم زيوت . قالت لي ان الزيوت مفيدة جدا جدا لكن طرقتنا خطأ لانا نحن الزيت على الشعر والصحيح انا نحطه على الفروة بس وندلك الفروة ونلبس الكاب وعقب ساعتين نغسل الشعر . وطبقت كلامها والله يا اختي ان شعري تحسن بشكل كبير جدا جدا وصارت فيه لمعة وراح الجفاف . وبعد 4 اشهر تقريبا سرت صالون ثاني كانت فيه وحده مصرية وسبق وقالت لي ان شعري جاف وايد ويحتاج عناية . من فكيت شعري استغربت وقالت : ماشاء الله انت عملتي ايه بشعرك ده تحسن كتير . خبرتها اني استخدمت الزيوت للفروة بس . وكل اسبوع اسوي حمام زيت من كادوس مرتين بعد ما اغسله بشامبو والحمدلله استفدت . واذا تبين حمام زيت كادوس لا تاخذينه من الصالونات لانهم يضاعفون السعر . انا اشتريه من المندوب ويوصله لي للبيت . اتمنى تستفيدين ان شاء الله

مشكورين حبيباتي على الردود
بس أبله أي أهلا تقصدين اللي في شارع الجوازات القديم, وزيت همياتاج بلقاه هناك بعد