بنات ادخلوا استشاره

بنات حياكم الله  انا من كم شهر قلت لزوجي نفسي في غرفة نوم جديده غرفتي تكسرت بس ماصممت عادي ماهمتني كثير بس اليوم قال اشرايك اتسلف منك ونشتريها واقسط لك 500ميه كل شهر عليه ديوون كثير وعادي صابره ومتعايشه وهو له سنتين شهريا ياخذ مني للمصروف كم الف ويیرجعها مع الراتب كامله بس مره اشتريت ثلاجه وقال مانسيت ان لك دين عندي بس مارجعها كيف اخليه يكتب ويوقع علی الدين بدون ماهينه او اتمنن فلوسي حقي ماحد بينفعني وانا غير موظفه .

7 تعليق 771 مشاهدة

شاركي في النقاش

سجلي الدخول لإضافة تعليق.

التعليقات

7
  1. @oatsab

    تكتبينه ورقه وش بتفيدك الورقه !
     فرضا ماسددك بتشكينه اكيد لا 
    خلااص  اشتري غرفه حلوه واستمتعي بالنوومه فيها 
      احسن من المكسرره لاتبخلين على نفسك 
      
     
  2. @hlm_aanth

    اشتري غرفه نوم ..
    وخلاص لاتفكرين في اللي سلفتيه وبنفس الوقت حاولي ماعاد تسلفبنه
    قولي شغلت فلوسي او تسلفتها اختي مني بتسوي مشروع
    المهم حاولي توصلين له انه ماعندك شي بالحساب


    عشان يبدأ يتعود ان مامعك فلوس
    انا مااعرف كيف علاقتكم وكيف زوجك اخلاقه
    بس انا ضد ان الزوج يصرف من فلوس حرمته لانه مع الوقت بيتمادى


    وبنفس الوقت انا لو مكانك بشتري الغرفه من فلوسي وبقول اعتبرها هديه مني لنا عشان ننبسط


    لان فعلا غرفه النوم الجديده بتنبسطين فيها انتي اكثر


    امسسسكي العصا من النص
    لاتكونين ماسكه وبخيله وتمنين قدام زوجك وبنفس الوقت لاتكونين فالته السحبه له ويسحب منك زي مايبي


    هذا مجرد رأي شخصي .. خذي اللي يناسب وضعك واتركي اللي مايناسبك
  3. صاحبة الموضوع
    واتساب شكرا للرد بس البيت مسوليته فرضا ماسدد واحتجت اقلها ابلغ احد من اهلي اواهله اللي مايستحي لاتستحي منه انا ماهتديت بنفسي لا دين 
    حلم انثی كلامك صح بس مو بخل لا حرص الزمن مايرحم بيته واجهته قدام الناس مو مسولياي
  4. @motk_hd_hyly

    سبحان الله ماكنت ادس الفلوس ع زوجي وكنت اعطيه بدون سلف وأقول الله يعطيني ع قد نيتي لانه مايقصر معي يكفي معاملته لي ولعيالي وكنت اشوف الي حولي يقولون مانعطيهم ويتعاملون معهم كنهم غرباء ويوم الله اكرم زوجي ماااقصر علي كان يقول لي الحلال كله حلالك وهذا هو مات الله يرحمه وكل شي لي ولعيالي لكن وش تسوى الفلوس بدونه وش تسوى هالدنيا من دونه الله يرحمه ويجبر كسر قلبي ويجمعني فيه في الجنه الباقيه مثل ماجمعنا في الدنيا الفانيه يابنات صفو النيه والله يعطيكم ع قد نياتكم
  5. صاحبة الموضوع
    موتك هد حيلي الله يرحمه اكيد قدم لك خير قدم خير تلقی خير وزوجي شفت منه نجوم الضهر وماسرت امنه علی حياتي وجالسه عشان اطفالي فقط ويحاول ترجع وحيدة الطيبه زمان بس خلاص حطيت عليه اكبر اكس

تابعي تجارب أخرى من هذا القسم.