لقــــــــــــــــــــــــــــ ـــــــــاء الأحبــــــــــــــــــــــة (الجزء الرابع)

متابعة النقاش، صفحة 269

شاركي في النقاش

سجلي الدخول لإضافة تعليق.

التعليقات

1,932
  1. شو مافي غيري بقرقر اليوم :)


    عجبني موضوع اللهجات ...
    انا زوجي فلاح .. بس من يوم ما تعرفت عليه <<<<<< و احنا بالجامعة .. بحكي مدني معي ..
    بتعرفوا الشباب لما يحكوا مع بنت بصيروا ناعمين :)..
    المهم فانا متعودة علية بحكي معي بال ( أ ) .... بس لما انخطبنا و تعرفت عاهلوا همي بحكوا بال (ك) و حكيهم فلاحي كتير .. اولها كنت متل الاطرش بالزفة معظم الكلام ما افهمه و بس ابتسم زي الهبلة .. صار زوجي يترجم و يحكيلهم اني مش فاهمة .. فشوي صاروا يعدلوا .. و انا تعودت عاللهجة .. زوجي قدامهم بحكي مشكل مدني على فلاح .. و حتى من اهله صاروا بس يحكوا معس يحكوا بال (ا )


    و على سيرة البنات اللي بحكوا لبناني كتييييير صايرة منتشرة !! و الله مانا عارفة ليش .. و كمان الشباب .. حتى البياعين بالمحلات .. كلهم صاروا لبنانية :) ... وهديك المرة شفتلكم جرسون في مطعم منتحل شخصية جورج وسوف باللهجة و الصوت :)
  2. زكرتيني نابلسية

    بعرف وحدة سافرت من عنا بتحكي خالتو

    رجعت من الاردن بتحكي طنط


    طول وعرض عمرها تلاتين سنه بتحكي طنط لا ياريت بتحكي مثلا طنط بشكل عادي لا

    تنت بنعومه وهي ولا لابقلها النعومه

    هاي الاردن بتخرب ههههههههههههه ولا انا بتهيئلييييييييي
  3. @klby_aamry_hyaty

    فلسطين حرة
    زكرتيني نابلسية بعرف وحدة سافرت من عنا بتحكي خالتو رجعت من الاردن بتحكي طنط طول وعرض عمرها تلاتين سنه بتحكي طنط لا ياريت بتحكي مثلا طنط بشكل عادي لا تنت بنعومه وهي ولا لابقلها النعومه هاي الاردن بتخرب ههههههههههه…
    اللي بيقهر اللي بيغير اللهجة على كبر !!

    يعني مثلا انا بقول لأم أمي تيتا . عادي بس تييجي وحدة على كبر وكانت تقول ستي او جدتي وفجأة صارت تيتا ؟؟؟؟؟؟؟؟؟؟؟؟؟؟

    وكمان في ناس كتير بيقولوا لي لأنو عندي أولاد مش بنات انو لازم أخشنهم شوي يعني ما يقولوا لصاحباتي ( آنتي ) يقولوا الها خالتو !!! بس مش عارفة بحس اعودهم على الشي اللي أنا بتكلمه عشان ما اتلخبط انا واصير مضحكة يعني بدال ما نييجي نكحلها نعميها ؟؟؟؟؟؟؟؟؟؟


    وفي وحدة صاحبتي كانت تقول للشاكوش شاؤوووش .
    واغنية يا بو قظاظة بيظا ؟؟؟؟؟؟؟؟؟؟ هاي اغنية باللهجة الأردنية قديمة كتير كانت تغنيها يا بو أزازة بيزا ......... يا بو أزازة بيزا .


    وآخر شي الفقوس والقرع بنسمي المكان اللي بينزرع فيهم ( مقاثي ) باللغة الفصحى وبالعامية ( مأتى ) وبتفرق اللهجة طبعا بس الواحد يضل على اللي متعود عليه أحسن له.
  4. @klby_aamry_hyaty

    وينها إيمان ترجع تزكرنا بالكلمات اللي هي من قاع الدست ؟؟؟؟؟؟؟؟؟؟؟؟؟؟

    مرة قلنا بعض الكلمات : ( كل وحدة تجاوب على معاني الكلمات ) :

    باطوس
    جلة
    مجنة
    رٍبّة
    مزطوم زطم
    براطم
    متشعوتش
    باكور
    حماميّة

    هاي كلمات مكيفة عليهم لأني تعلمتهم ومتزكرة المعاني للآن . اشوف شطارتكم عاد
  5. والله يا قلبي وعمري وحياتي

    هي المصيبة فعلا

    التغيرر

    الناس صارت بدها تجاري التقدم الحضاري واللغوي !!

    آنتي هي بسمعها بعمان كتير

    عنا بنحكي خالتو

    وتيتا وجدو معروفة

    وبنابلس عنا آنتي كمان
    وبالمدارس بنابلس آنسة

تابعي تجارب أخرى من هذا القسم.