مافيه اي تفاعل لدرجة انها تخليك تشكين ان الجوالك مو معك

مساء الخير بعض الصديقات او القريبات عندها واتس وارسل لها اشياء مفيده او دعاوي او نكت محترمه بس ابدا ابدا ما تتجاوب لو انها مره. مرتين ثلاث عشر امشيها بس الي انا مستغربه انها ابدا ابدا مافيه تفاعل ولا ترسل ولا على الاقل تحط فيس الى درجة اني شكيت ان الجوال مو معها يامع زوجها او ابوها فاارسل اتاكد اقول فلانه وش اخبارك والله مشتاقه لك ترد تقول حتى انا والله اكثر المشكله انها قد كانت صديقتك الصدوق في الجامعه او في عمل سابق وكنتو مره مترابطين وحزنتو يوم تفارقتو وهي الي من الاساس طلبت رقمك وسئلتك هل عندك واتس وخزنت رقمك وقالت ان شاء الله نتواصل انا صحيح ما اقول ابغاها اربع وعشرين ساعه على الواتس بس على الاقل تتفاعل معي على الاقل مره في الشهر طيب ليه طلبت رقمي اذا كانت بتسفه انا والله التمس الف عذر وانا بعد انشغل وعندي ظروف واحيانا مالي وقت احك راسي وانسى الواتس بس مو لدرجة اسفه صديقتي سفه ابدي واطلقها بثلاث اذا كنت ما ودي ارسل لها فا على الاقل اتفاعل مع رسائلها على الاقل احط قلب او فيس او ارد رد مختصر على الاقل مره في الاسبوع او الشهر لو انها من النوع الي مايحب الواتس اعذرها بس اشوفها دائم داخله وزي ماقلت هي الي طلبت مني اضيفها يعني وشدعوه ها الحركه

9 تعليق 2,517 مشاهدة

شاركي في النقاش

سجلي الدخول لإضافة تعليق.

التعليقات

7
  1. @thlaa

    صاحبة الموضوع
    ام طلال 08
    اجل لاترسلين لها
    ايه معك حق بس انا مجرد مستغربه من تصرفها تطلب رقمك وتقول ان شاء الله نتواصل في الواتس وبعدين خلاص تسفهك هذه وقاحه
  2. @oldy_sr_saaadty

    بالعكس مو وقاحه هذا شي عادي حتى لو طلبت رقمك وماترد علي ماتعتبر وقاحه
    انا وصديقاتي كذا ارسل لهم مقاطع تضحك او مقاطع مفيده او دعاء او اي شي ومايردون وانا كذالك بس بين فتره وفتره نسولف عادي
    مو كل شي ترسلينه تبين الناس ترد عليك احيانا فيه اشياء ماينرد عليها يعني مو ضروري ارد
    انتي استمري ع هالشي عادي وبين فتره وفتره سولفي عليها عااادي هالشي
    والله يخليكم لبعض :)
  3. @elham_6

    كثرت قلة الاهتمام من الناس مرة بحجة المشاغل
    مرة بحجة ظروف وكل مرة حجة

    الله يكون بعونك ، ملاحظة هالشي الي تقولين

تابعي تجارب أخرى من هذا القسم.