زوجي صار معاق وترك لي المسئولية ... ساعدوني الله يفرج همومكم

اسال الله ان يفرجها عليك 
زوجك يحتاج دعم نفسي وجسدي عشان يعتمد على نفسه وكمان قدمي لزوجك انه معاق بيعطونك اعانه وضمان وكمان سايق وخادمه اسالي كيف الطريقه ****لله تنفرج عليك وماتحتاجين لاحد الدوله بتغنيك عن الجميع

المستشفى الي يتابع فيه زوجك يكون فيه مكتب لشؤون الاجتماعيه ويرفعون لزوجك باحتياجاته

نصيحه من اخت لا تشكين للعباد اشكي لرب العباد حنا ضعفاء مالنا اي حيله لكن افرشي سجادتك بقيام الليل وادعي واكثري من الاستغفار والصلاة ع الرسول والباقيات الصالحات انا حاسه فيك وحاسه بالالم اللي تحسين فيه لان عندي شخص مريض واعرف حجم المعاناه اللي تعانينها ،،،،،،مالنا غير الله والحمدالله ع كل حال

شكرا جزاكم الله خير على دعمكم المعنوي لي الله يسعد قلوبكم

الي قالت نقدم ع الضمان انتي تقصدين الشؤون الاجتماعيه مقدمين ويعطونا ف الشهر 800
يعطون فيزة خادمه وسواق لاكن احنا الي ندفع لهم الرواتب واحنا استقدمنا السايق حقنا من عندهم هم عطونا الفيزا واحنا ندفع الراتب كل شهر 1700

زوجي ماقيدر يشتغل لان الشلل مو نصفي رجوله و ايده اليسار ما تتحرك واليمين بصعوبه يحركها يعني مستحيل يقدر يشتغل وانا مابضغط عليه ولا ابي ابين له ضعفي او حزني بالعكس مبينه له ان الحياه سهله وبسيطه وميسره مابي ازيد همه ولا اعور قلبه اكثر حتى مبينه له ان الراتب مكفينا الحمدلله وانا مابي ادور وظيفه الين اتخرج ان شاء الله يعني مو محتاجه للوظيفه وفي الحقيقه انا عكس الكلام هذا الي قلته كلللللللللللللللللللللله

الله يجزاك خير مايضيع شي عند رب العبااد فيه تجاره زينه وسهله اعرف وحده ماشاء الله ماشيه معها تشتري كرتون البخور الدوسري فيه 12 العلبه 100 وتبيعها 200 والله الكل يشتري منها لها الحين سنين الكل يوصونها تبيعه ع الجيران وع المعلنات في المدرسه بناتها الين اشتهرت فيه جربي كرتون خلي امك تعرضه ع جارتها واخواتك بس بخور زين من سوق حجاب من عند الدوسريات والله يغنيك ويرزقك من حيث لاتحتسبين