السلام عليكم ورحمة الله وبركاته
اتمنى تكونو بصحه وعافيه اخواتي ادعولي بظهر الغيب مابيها هنا :icon36:لعل منكم مستجابة الدعوة وقريب من ربي لو اقسمت ع الله لابرها ادعولي بالزوج الي اتمنها
تقدم لي اكثر من عشرة صلحت نظرة شرعيه مرتين تقريبا اغلبهم مارضو فيني :44: اما بسبب العمر او الطول حمد لله ع كل حال
اخر واحد متقدم قببل شهر وعليها من خارج القبيله واصغر مني 2 سنتين عمره 27 وانا 29 ع وشك الثلاثيبن موافق ماعندة مانع وانا شكلي مقبول حمدلله ع كل حال بس وظيفته مسببه لي قلقل ممرض اخاف من المشاكل والغيرة اتمنى كل وحدة زوجها ممرض تقول كيف عايشه الوضع عادي والا مثلي بتجلس توسوس مهمومه ابي اكون مرتاحه مو قلقل وتعرفون الاختلاط كيف صاير الحين الا من رحم الله فيه بنات يخافون الله والبعض الله يصلحهم كانها رايحه زواج ادعوووووولي الله يخليكم الي تصلي الثلث حمدلله ادعي واقراء البقرة وان شاء الله ربي يفرجها علي وع كل بنت ضاقت فيها اغلب بنات اقاربي في سني واصغر مني مخلفين مشاء الله واختي اصغر مني انخطبت الله يوفقها تعرفون نظرات الناس الله يعين
شاركي في النقاش
سجلي الدخول لإضافة تعليق.
التعليقات
9- الله يعينك ياقلبي ،،،،، أستخيري وربي يختار لك الطيب ،،، شوفي أخلاق الرجال يمكن من النوع اللي يخاف الله ومايطلع في أحد ،،، أنا مثلك أتزوجت بعمر 29 ،،،، وكان أكبر مني بسنه ،،،،.
- ماحد يعرف النصيب وين ومتى
واذا جاك النصيب بيتم كل شي بإذن الله
بالنسبه للخاطب نوع الوظيفه مالها دخل بنجاح الزواج
اسألو عن دينه واخلاقه وشخصيته وتعامله مع الناس كيف هذا هو الاساس اللي تقدرين تحكمين عليه
ارسلوا شخص من اخوانك او خوالك او عمامك يروح مكان وظيفته ويسأل زملائه عنه بدون مايوضح انه عشان خطوبه
واسألو عنه الجيران والشباب بحارته او الحي اللي يسكنه
واذا على البنات او العلاقات المحرمه الرجال اذا يبيها ماراح ينتظر يختلط بوظيفه يقدر يجيبهم بكل مكان
وما اظن في رجال عاقل بيخرب سمعته بمكان عمله
الله يشرح صدرك وييسر امرك ويرشدك للصواب - انتم اسألو عنه بمكان دوامه وعند اهله واصحابه واذا كل شي كويس ما يمنع تتزوجينه بعد الاستخارة طبعاً
والله يكتب لك اللي فيه الخير حبيبتي - خذيه وتوكلي على الله
فلم تعد الخيارات كامله بيدك مثل ..زمان - أختي الوظيفه موب مهمة
المهم كيف الرجال كيف أخلاقه كيف دينه
وظيفته للناس وأخلاقه لك
إلا إذا كانت وظيفته اختلاط فالله يعينك صراحه صعب جدًا
استخيري والأمر ما اختاره الله
مواضيع مشابهة
تابعي تجارب أخرى من هذا القسم.