شاركي في النقاش

سجلي الدخول لإضافة تعليق.

التعليقات

1,992
  1. @nadyh_11_1

    ميس توته انصحك لا تاخذي شي كنت زيك مستعجله وزهقانه وربي فرجها من غير شي بس انصحك امشي نص ساعه على مهلك وبس ياحلوه
  2. @b_my_love_2

    صباحكم كروشات

    انا ماادخل كتير على الجروب وطافتني سوالفكم كتير

    الا بسئلكم ايش هوا اللهوم دا من ايش مكون ؟؟ وكم يوم استخدمه ؟

    والحلبه كمان كيف مطحونه مع حليب دافي ولا حبوب انقعها واشربها ؟ وكم اجلس اشربها كل النفاس ؟؟ ريحتي بتصير حلبه كيف بتروح ؟؟ انا عايشه معايا امي وابويا وزوجي بيكون في بنفس الشقه كلنا
    بس 40 يوم بنام انا والبيبي وامي بغرفه لحالنا بس ريحت الحلبه تباااان بالبيت كله ؟؟؟

    والمره اشربها بعد الولاده مع القهوى بس يوم واحد ولا طول النفاس ؟ صعبه جدا كيف تنبلع ؟

    كمان المشد اخد الي بصدليه ولا اخد شماخ ايت افضل واسهل بالربط وهل البطن تروح ادا خلصت ال 40 يوم ؟؟ ولا لسه تكون منفوخه ؟


    كتبت قصة حياتي ههههههه والله محتاسه بالنفاس دا ياريتنا زي كيت من جد يصرفولنا ادويه ويريحونا من هالاعشاب وخرابيطها مافهمت ولا وحده منهم كل مره اشوف وحده تقول عن عشبه او قهوى للنفاس اسجلها وبلاخر تيجي وحده تقول مالها داعي طيب ايش الاعشاب الاساسيه للنفاس لازم اخدها الي عرفتو انهم مهمه ( الحلبه / الرشاد /الفلفل الاسود / قهوى قشر / كمون وشمر مع القهوى ) بس دا الي اعرفو الحين سمعت عن اللهوم دا ومدري ايش دا كمان ولا اعرف متى ناخد دي الاعشاب الي يقول اول 20 يوم والي يقول 15 يوم الاوله وفي 15 يوم الاخيره تاخدي اعشاب تانيه ايش هيا مااعرف ااااااخ بس حوووسه الحريم وطفش الي فاضيه بلله توضح لي بالترتيب هالاعشاب دخلت كلها ببعض عندي
  3. @mtolyth

    يابنات انا طفشت لاني صايرة طول وقتي متوترة وقلقانه والقولون تعب والاسهال وانتم بكرامه ذبحني بطني صغير لدرجة الدكتور يسالني انتي حامل والا لا 
    ابي اولد وارتاح 
    البيبي نازل  واسفل بطني يشد ويرخي 

تابعي تجارب أخرى من هذا القسم.